¹ Baada ja maghambo aagho Yesu ghaka likungisya kabhili kubhanafunsi ku bhahali ja Tiberia; teti bho ghakalikungisyanga nyenee: ² Simon Petro akabhele hamwi no Thomaso gho ajitilwe Didimas, Nathanaeli ghwa Kana ja Galilaya, bhaana bha Zebedayo no bhanafunsi bhandi bhabhili ghwa Yesu. ³ Simon Petro ghabhabhalila, "Uune njile mukalobha samaki." Nabho bhaka mubhalila, "Uufwe nofwe tulakufa nogwe." Bhakajanga bhakengila ku mashua, lakini bhufuku kubho bhonse tebhakapatile syosyonse. ⁴ No mulabho mukusya, Yesu ghakajughalanga kubhufukwe ghwa bhahali, nabho bhanafunsi te bhaka manyanga kubha ni Yesu. ⁵ Kiisha Yesu ghakabhabhalila, "Bhasumba muli na syosyonse syakulya?" Naabho bhakamubhabhalila, "Haluhu." ⁶ Ghakabhabhalila, "Sosye nyafulu hande lya kuume lya mashua, nomwe mula kupata kiasi." Ku tetyo bhakasosya nyafu syabho tebhaka kobholanga kulitamba kabhili kusabhabhu ja bhwingi ghwa nsonfi. ⁷ Bhaasi ghulya mwanafunsi gho akabhele anyomilwe no Yesu ghamubhalila Petro, "Ni Bhwana." Nagho Simon Petro mukhulika kubha ni Bwana, ghakalihamba ighwanda lyaje (maana te akabhele afwete fisogha), kiisha ghakalitaghila kwi bhahali. ⁸ Bhalya bhanafunsi bhandi bhakesangu kumashua (kuwaani tebhaka bhanga hale no pwani, kobhe mita ighana limwi kufuma kubhufukwe), nabho bhabhele bhekutambasilya nyafu syo sibhele si bhumbike nsonfi. ⁹ Mukufika bhufukweni, bhakalolanga mulilo ghwa makala no hatunde jaaje hakabhele no samaki no mukate. ¹⁰ Yesu ghakabhabhalila, "Lete baadhi ja nsonsi syomwalobhanga nonwe iitye." ¹¹ Bhaasi Simon Petro ghakatenda no kubhutaamba ghulya bhwaafu ghoghu kabhele ghubhu mbihe nsonfi bhakulu, kiasi sya nsonfi 153; ningi mukubha bhakabhele bhengi, ghulya bhwaafu teghwaka tanduka. ¹² Yesu ghakabhabhalila, "Jise mupate sifungula kinywa." kutuhu ningi ghumwi ghwa bhanafunsi gho ghaka subhutu kumubhasya, "Uughwe ni ghanyi?" Bhakamanyanga kubha akebhele ni Bhwana. ¹³ Yesu ghakesa, ghakabhutwala ghulya mukate, kabhili ghajila telyoe no kubhalya nsonfi. ¹⁴ Jeji jikabhele mala ja bhutatu ku Yesu kwikungisya kubhanafunsi ghwaaje baada ja kusyuka kufuma ku bhwaafu. ¹⁵ Baada ja kubha bhahambula kinywa, Yesu ghaka mubhalila Simon Petro, "Simon mwaana ghwa Yohana je, untehile uune kuleka aabhe?" Petro ghajibhu, "Ndiyo, Bwana; "Uughwe umanyile kubha ndikutehile." Yesu ghakamubhalila, "Lisya bhaana kondoo ghwane." ¹⁶ Ghaka mubhalila mala ja bhubhili, "Simon mwaana ghwa Yona, je, untehile?" Petro ghamubhalila, "Ndiyo, Bwana; uughwe umajinsi kubha nkutehile. "Yesu ghakamubhalila, "Suunga kondoo ghwane." ¹⁷ Ghakamubhalila kabhili mala jabhu tatu, "Simon, mwaana ghwa Yohana, Je untehile?" Nagho Petro aakahudhuniike kutilya bhoghakamubhalila mala ja bhutatu, "Je uughwe untehile?" Nagho ghaka mubhalila, "Bhwaana, ujinsi ghoonse, ujinsi kubha nkutehile." Yesu ghamubhalila, lisya kondoo ghwane. ¹⁸ Amini, amini, ndikukubhalila, ho ukabhele musumba ghwaka lendelelanga kufwala mwenda ughwe nyenee no kujo kokonse ko utehile, lakini ho ulo ka kekula, ula kugholola mabhoko ghobhe, no ghundi alo kukufisya mwenda no kukufela kwa bhusila kuteha kuja." ¹⁹ Yesu ghaka bhalanga aaghe ili kulangisya ni namba ja bhuti jalufu lo Petro ana mutukusye Kabhumba. Baada ja kubha ghabhala aagho, ghamubhalila Petro, "Nonde." ²⁰ Petro ghakahinduka no kumulola ghulya mwanafunsi gho Yesu ghaka mutehanga ghaka bhalonda- ghoghu gho akabhele aegemee itundu lya Yesu bhwakati ghwa syakulya sya mugholo no kumubhasya, "Bwana, ni ghanyi gho ala kukusaliti?" ²¹ Petro ghakamulonga no kumubhasya Yesu, "Bwana, ghoghu nuntu alo kwila bhuti?" ²² Yesu ghamujibhu, "Kobhe ndili kuhensa asibhe mpaka ho ndokesa, lelyo lili kukuhusu sii?" Nonde." ²³ Kutetyo habhali iije jikaenee miongoni mwa bhalya bhamughana, kubha mwanafunsi uujo tealo kafwa. Lakini Yesu teghaka mubhalilanga Petro kubha mwanafunsi uujo te alo kafwa, "Kubha hensile asibhe mpaka ho ndokesa jili kuku husu sii?" ²⁴ Ujwe gho mwanafunsi ghwakufumya bhushuhuda ghwa maghambo aaghe, nagho ghaka ghandi kanga maghambo aaghe, notwinsi ja kubha bhushuhuda ghwaje ni bhweene. ²⁵ Kuli maghambo ghandi meengi gho Yesu ghakaghelanga. Kobhe kila limwi linaghandikwe, mbweene kubha libhwelelo lyene telina kwile kufibhika fitabhu fyo fina kaghandikwe.