¹ Bhaasi Pilato ghakamutwala Yesu no kumufyempa. ² Bhalya bha asikali bhakasokotile menfya no kujita itaji. Bhakajibhika hatunde ja mutwe Yesu no kumutwika igwanda lya langi ja sambalau. ³ Bhakamwisila no kubhala, "Uughwe mufalume ghwa bhayahudi! no kumuhula ku mabhoko ghabho. ⁴ Kisha Pilato ghakafuma kunseno kubhabhalila bhantu, "Tasama ndili kubhaletela ghoghu muntu kumwenyu leka mumanye kubha uune syalolanga hatia jojonse ndani jaje." ⁵ Kutetyo Yesu ghakafuma hanse, akabhele afwete taji lya menfya no ighwanda lya sambalau. Hoh Pilato ghabha bhalila, "Kunge muntu ghoghu haha!" ⁶ Kutetyo bhwakati kuhani mukulu no bhakulu mukumulola Yesu, bhakahulanga bhulanga bhebhisye." Pilato ghaka bhabhalila, "Mumutwale uumwe bhene mkamusulibhisye, kukubha une si bhwene hatia ndani jaje." ⁷ Bhayahudi hakamubhalila Pilato, "Utwe tulinajo syelia, no kushelia iijo jimuhensile kufwa kusabhabhu nyene ghakelanga mwaana ghwa Kabhuumba.'' ⁸ Pilato mukuhulika maghambo aagho ghaka sumbanga kughubhala, ⁹ ghakengila Praitorio kabhili nokumu bhalila Yesu, "Uughwe ufumilehe? Ningi tetyo, Yesu teghaka mujibhu. ¹⁰ Kisha Pilato ghakamubhalia, "Je, teuli kusahuha nanee? Je, ughwe telejinsi kubha une ndili no mamulaka ghakukuhambulula no mamulaka ghaku kusulubhisya?" ¹¹ Yesu ghakamujibhu, "Te unakabhe no managha dhidi jane kobhe teu na hebhwe kufuma kulughulu. Kutetyo, muntu ghogha nfumya kumwobhe alino saambi nkulu." ¹² Kutokana no jibhulilye, Pilato ghakahensa kumuleka hulu, lakini Bhayahudi bhahula bhulanga bhali kubhala, kubha ula kumulekulula hulu uughwe te lafiki ghwa Kaisari: Kila gho akobhala sinyume sya Kaisari." ¹³ Pilato mukugha hulika maghambo gho, ghakamuletanga Yesu hanse kisha ghajikala ku kiti sa hukumu mahali halya ho hali kumanyika kati sakafu, lakini kusiebrania, Gabatha. ¹⁴ Nfuku ja maandalisi gha pasaka mukufika, ku muda ghwa nsaa ja mukagha. Pilato ghaka bhabhalila Bhayahudi, "Kunge mufalume ghwenyu uju ahe!" ¹⁵ Bhakahulanga bhulangu, "Mufumye, musulibhisye!" Pilato ghakabhabhalila, "Je, imusulibhisye mufalume ghweenyu?" Nagho kuhani mukulu ghajibhu, Utwe tulibhusila mufalume isipokuwa kuhani Kaisari." ¹⁶ Hooh Pilato ghakamufumya Yesu ili asulibhiwe. ¹⁷ Nabho bhakamutwalaa Yesu, naagho ghafuma, koku no atwete musalabha ghwaje nyenee mpaka kwieneo lijitwile fubhu lya mutwe, kuSihebrania lijilitwe Golgotha. ¹⁸ Hooh bhaka musulibhisya nga Yesu, hamwi naja bhaghosi bhabhili, ghumwi luhange lughu no ghundi luhande lughu, nojee suhakati jabho. ¹⁹ Kisya Pilato ghaghandika alama no kujibhika hatunde ja musalabha. Aho haghandikwanga: YESU MNAZARETH, MUFALME GHWA BHAYAHUDI. ²⁰ Bhengi bha Bhayahudi bhakajisomenga alama iijo kwani mahali halya hoo ghaka sulibhiwanga Yesu habhele hehi no muji. Alama iijo jaka ghandikwanga kusiebrania, ku Sirumi no kusiyunani. ²¹ Kishya bhakulubha makuhani ghwa Bhayahudi bhamubhalila Pilato, "Usighandiki, 'Mufalume ghwa Bhayahudi; bhali nyene ghabhalanga uune ndili mufalme ghwa Bhayahudi." ²² Nagho Pilato ghabha bhalila, "Bhongandike na ngandika." ²³ Baada ja asikali kumusulibhisya Yesu, bhakaghatwala myenda syaaje no sighabhula kumafungu aanne, kila asikali ifungu limwi, tetyoe no nkenjo, sasa elo jilya nkenjo tejibhele jilandilwe jibhele jifumilwe kufuma kulughulu. ²⁴ Kishya bhabhalisyana bhene kubhene, "Tusijitanduli, bhali tujihulile kula ili kulola jila kubha jake ghanyi." Leli lyaka fumililange ili lilya ighandiko litimile, lyo litensile bhaka ghabhulanga mienda syane no bhasi lyane bhakali hulilanga kula." ²⁵ Askali bhakelanga maghambo aghe. Majo ghwaje Yesu, jojo ghwamajo ghwaje, Mariamu mukasighwa Kleopa no Mariamu Magdalena - bhakema aabhe bhabhele bha jughalele hehi no musalabha ghwa Yesu. ²⁶ Yesu mukumulola majoghwaje hamwi no mwanafunsi ghulya gho akabhele eku munyomwa bhali kujugha lala hehi, ghamubhalila majo ghwaje, "Mukema, tasama, kunga mwanobhe uujwe ahe!" ²⁷ Kisha ghaka mubhalila ghulya mwanefunsi ghwaje, "Tasama, uujwe ahe majo ghobhe. "Tokea nsaa iijo ghulya mwanafunsi ghaka mutwale kuja kulugho kwaje. ²⁸ Baada ja iilyo, koku Yesu ekumanya kubha ghonse ghahwakumalisika ili kutimisya ghandiko, ghabhalanga, "Mbwene nkangu." ²⁹ Syombo syosikabhele sibhu mbwikwe siki sikabhele sibhi kwilwe halya, kutetyo bhakabhikamo sifongo jojibhumbike siki juu ja bhusito ghwa hisopo, bhakamubhikila kumulomo ghwaje. ³⁰ Nagho Yesu mukujibhonja iijo, ghabhale, "Jahwa." Kisha ghajinamisya mutwe ghwaje, ghakajikabhisi mwegho ghwaje. ³¹ Kukubha jikabhele ni maandalisi, no kusabhabhu mitumba teja kahensibhwa kusibha kumusalabha bhwakati ghwa Sabato (kukubha Sabhato jikabhele nfuku ja muhimu), bhayahudi bhaka mulombanga Pilato kubha maghulu ghabho bhalya bhabhele bhamusuli bhisya naje jifunaghwe, no kubha mituumba syabho sisofyibhwe. ³² Hobhakesanga asikali no kufunagha maghulu gha muntu ghwa kwansa noghwa bhubhili gho akabhele gha sulibhiwa hamwi no Yesu. ³³ Mukumufikile Yesu, bhakamusanga na ghafwanga, kutetyo tebhakafuna ghanga maghulu ghaje. ³⁴ Ningi tetyo, ghumwi ghwa asikali ghaka mutumbanga Yesu kubhu bhafu kwa mukuki, no mala ghakafuma mansi no malaso. ³⁵ Nagho ghwakulola iilye ghafumya bhusyahidi, no bhushuhuda ghwaje ni ghwa bhwene. Nyene amanile kubha syoghakabhalanganisya bhwene ili kubha nomwe tuwe muamini. ³⁶ Maghambo aaghe ghakabhele ili kubha igha mbolyo lyakabhalwanga lipate kutimila, "Kutuhu ningi ghwaje ghobhula kufuna ghwa." ³⁷ Kabhili ighandiko lindi lilikubhala, "Bhala kumutasama nyenegho bhaka mutumbanga" ³⁸ Baada ja maghambo aaghe Yusufu wa Arimathaya, kutilya akabhele mwanafunsi ghwa Yesu, lakini kusili mukubha ghubhaha bhayahudi, ghaka mulombanga Pilato kubha abhutwale mutuumba ghwa Yesu. Nagho Pilato ghaka muhanga luhusa. Kutetyo Yusufu ghakesanga kubhufumya mutuumba ghwa Yesu. ³⁹ Nagho Nicodemo gho kuawali ghakamulondanga Yesu bhufuku nagho ghajisa. Nyene ghakaletanga bhusansi kanye ghwa manemane no udi, japata bhunywamu ghwa latili ighana limwi. ⁴⁰ Kutetyo bhaka bhutwala mutumba ghwa Yesu bhaka bhufinga ku saanda ja kitani no hamwi no ghalya manukato, kobhe bhojikabhele desturi ja Bhayahudi bhwakati ghwa masiko. ⁴¹ Mahali ko Yesu ghaka sulibhiwanga kukabhele no bhusitani; mukati mwa jilya bhusitani kukabhele no kabhuli lihya lyolibhele lisyali muntukusikwa mo. ⁴² Bhaasi, kukubha jikabhele nfuku ja maandilio kubhayahudi, no kutilya ikabhuli likabhele hehi, bhasi bhakamulasya Yesu ndani jaje.