¹ Baada ja Yesu kubhala maghambo aagho, ghaka bhukanga no bhanafunsi ghwaje kuja kwi bhonde lya Kidron, ko kukabhele no bhusitani, ko nyene no bhanafunzi ghwaje bhakengila ndani jaje. ² Sasa ghulya Yuda, ghoghakesanga kumusaliti, nagho ghakalimanyanga lilya eneo, kwani Yesu akabhele ekuja lilya eneo mala kadhaa ali no bhanafunsi ghwaaje. ³ Naagho Yuda, baaada ja kubha ghapata ikundi lya maaskali no maofisa kufuma kubhakulu ghwa makuhani, bhakesanga no tala, kulunsi no silaha. ⁴ Nagho Yesu, koku no amanyile kila sintu syo sikabhele sili kwilwa dhidi yake, ghakalifumisyanga hambele no kubhabhalila, "Ni ghanyi gho muli muhensa?" ⁵ Nagho bhakamujibhile, "Yesu Mnazareth." Yesu ghaka bhabhalila, "Uune oh nyene" Nagho Yuda gho ali musaliti, akabhele ajughalele hamwi no bhalya askali. ⁶ Kutetyo mukubhabhalila, "Uune oh nyene" Bhaka helelanga sinyume no kughwa hansi. ⁷ Lundi ghaka bhabhasya kabhili, "Ni ghanyi gho mulikumuhensa? Nagho bhaka mujibile kabhili, "Yesu Mnazareth." ⁸ Yesu ghaka bhajibile, "Nankabwanga kubhabhalila kubha Uune oh nyene; kutetyo kubha muli kuhensa uune, mubhaleke bhandibhaje." ⁹ Aaghe ghakabhele tetyo ili lilya ighambo litimile; halya ho ghakabhalanga mutaghanga ningi ghumwi." ¹⁰ Ho Simoni Petro gho akabhele no hupanga, ghaka bhufuta no kumuputa itwi lya kulila mutumisi ghwa kuhani mukulu. No isina lyaje mutumishi ghulya likabhele Malko. ¹¹ Yesu ghakamubhalila Petro, "Helesya lupanga lobhe ku ala jaje. Kusii insi sinywele sikombe sila akampele Tata?" ¹² Bhaasi lila ikundi lya asikali no jemedali, no bhatumisi ghwabha Yahudi, bhamunighanga Yesu no kumuhamba. ¹³ Nagho bhaka mulombosya mpaka Anasi, kwani nyene akabhele mkwe ghwa Kayafa, gho akabhele kuhani mukulu kubhwakati uubho. ¹⁴ Nonwe Kaafa oh akabhele ghabha ha bhushauli Bhayahudi ja kubhajika muhensile muntu ghumwi afwe kujili ja bhantu. ¹⁵ Simon Petro ghaka mulondanga Yesu, no tetyoe mwanafunsi ghundi. No ghulya mwanafunsi akabhele ekumanyika ku kuhani mukulu, nagho ghakangila hamwi no Yesu ku behewa lya kuhani mukulu; ¹⁶ lakini Petro abhele no ajughalele hanse ja musigho. Bhasi ghulya mwanafunsi gho akabhele amanyike ku kuhani mukulu, ghakafumanga hanse ghaja muku sahula no ghulya mukema mutumisi gho akabhele ekulinda musigho no kumwingisya Petro munyumba. ¹⁷ Bhasi ghulya sijakasi gho akabhele ekulinda musigho, ghakamubhalilanga Petro, "Je uughwete ghumwi ghwa bhanafunsi ghwa uujwe muntu?" Nagho ghabhala, "Uune tenyene." ¹⁸ No bhalya bhatumisi no bhakulu bho bhakabhele hbaku jughalala halya; bha syana mulilo ghwaku maana, kukabhele no mpeho, no tetyo bhakabhele bhalikulota mulilo ili bhapate joto. Nagho Petro akabhele nabho, ekulota mulilo koku no ajughalele. ¹⁹ Kuhani mukulu ghaka muhoji Jesu halughulu ja bhanafunsi ghwaje no mafundisyo ghaje. ²⁰ Yesu ghakamujibhu, "Nambu bhalila ha bhwazi libhwelelo; Uune nankafundisyanga mala kwa mala kumasinagogi no kuhekalu mahali ho bhayahudi bhako kusanyika. None tenanka bhalanga lyolyonse kusili. ²¹ Kubhuti mwaka bhasyanga? Mubha bhasye bhobhaka nhuliki syanga halughulu ja silya syo nankatendanga. Abhe bhantu bhamanyile maghambo ghalya gho bhalyanga. ²² Yesu mukuhwa kubhala ghagho, ghumwi ghwa bhakulu ghoakebhele ajughalele ghakamuhula Yesu kukubhoko kwaje no kisha ghabhala, "Je, tetyo bho nakaku hensanga kumujibu kuhani kuhani mukulu?" ²³ Nagho Yesu ghajibhu, kobhe namba la ighambo lonse libhi bhasi ubhe syahidi kujili jabhuobhu, no kubha na njibhu fisogha kusi kunhula? ²⁴ Hoh Anasi ghaka mufela Yesu kwa Kayafa kuhani mukulu koku na ahambilwe. ²⁵ Nonwe Simoni Petro akabhele no ajugha lele ekwipasya ituta nyeene. Halafu bhalya bhantu bhakamubhalila, "Je, noghwe kabhili te ghumwi ghwa bhanafunsi ghwaaje?" Ghatuna ghabhala "Te uune." ²⁶ Ghumwi ghwa bhatumisi ghwa kuhani mukulu, gho akobhele mughana ghwa ghulya mughosi gho Petro ghaka mutile iitwi, ghakabhala, "Je te uugwe gho nanka kulolanga kulya ku bhusitani?" ²⁷ Petro ghatuna kabhili, no mala kajenje ghahila. ²⁸ Kisha bhakamutwala Yesu kufuma kwa Kayafa mpaka ku Praitorio. Jikabhele mulabho na mpema. Bhabho bheene tebhekengila kujilye Praitorio ili bhasiji bhakanajisika no kujilya pasaka. ²⁹ Kutetyo Pilato ghakabhajila ghabhala. "Ni shitaka lya bhuti lili kumuhusu uujwe muntu?" ³⁰ Bhamujibhu no kumubhalila, "Kubha muntu uujwe anabhe bhusila makosa, teluna mulete kumwobhe" ³¹ Pilato ghakabhabhalila, mumutwale uumwe bheene, mukamuhukumu kulingana na syelia syenyu." Nabho Bhayahudi bhamubhalila, "Syelia tejili kutuluhusu ufwe kwihagha ghoghonse." ³² Bhakabhalanga aaghe ili ighambo lya Yesu litimile no ighamb lya akabhele ghalanga kuhusu sehemu ja aina ja lufu lwaje. ³³ Bhaasi Pilato ghakangila kabhili Praitorio ghaka mutangila Yesu; ghakamubhalila, "Je, ughwe uli mufalume ghwa Wayahudi?" ³⁴ Yesu ghaka mubhalila, "Je uughwe ulikunbha sya swali iilye kusabhabhu uhensile kumanya au kusabhabhu uhensile kumanya au kusabhabhu bhandi bhakulaghisya ili umbasye uune?" ³⁵ Nagho Pilato ghamujibhu, Uunete Muyahudi, ama tetyo?" Taifa lyobhe no kuhani mukulu obho bha kulitanga kumwane; ughwe wajila bhuti? ³⁶ Yesu ghabhala, "Bhufalume ghwa kwane te ghwa libhwelelo iilye, kobhe bhufalme ghwane ghunabhe no sehemu ja libhwelelo iilye bhasya bhane bhana ka hulile bhene ili insi fumisibhwe kubhuyahudi. kubhwene bhufalume ghwane tebhuli kufuma haha" ³⁷ Pilato ghaka mubhaila, Je, uughwe bhasi uli mufalme?" Yesu ghamubhalila, "Uughwe ulikubhala kubha unendili mufalume, kusabhabhu iije nanka fyalibhwa no kusabhabhu iije une nanjisakulibhwelelo iile imbe syahidi ghwajilya bhwene. Ghoghonse ghoali ghwa jilya bhwene akoji hulika sauti ja kwane. ³⁸ Pilato ghamubhalila, "Bhweene ni sii?" Nagho mukukwisya kubhala aagho ghakaja kubhayahudibno kubhabhalila "Sibhwene kulyolyonse muntu uujwe. ³⁹ Umwe muli no bhutamaduni bhobhuli kunjila imba hambulile musya ghumwi bhwakati ghwa Pasaka. Je mulikehensa imuhambulule mufalume ghwa Bhayahudi." ⁴⁰ Kisha bhakahulanga bhulanga koku bhalikubhala, teghoghu, tuhambululile Baraba." Nagho Baraba akabhee munyang'anyi.