¹ Ku tetyo, ku kubha twasungulukwa no ikusi ikulu lya masyahidi, no tutaghe kila sintu syo situelemee hamwi no sambi jo jikutusingila kubhulahisi. Tuhule mbio kusabhabhu katika masindano ghogha bhikulwe ha mbele jetu. ² Tughafele menso ghetu ku Jesu, gho ali mwansilishi no ghwa kutimilisya imani jetu, gho kujili ja fulaha jojibhikilwe mbele jaje ghaka stahimili musalabha, kubha ghajizalau nsonyi jaje, no ajikele hansi kubhoko kwa kulila ghwa kiti sya ensi sya Kabhumba. ³ Mana mlanganye nyene gho ghakastahimili maghambo gha bhubhi kufuma bhakanya sambi zidi jaje nyene ili kubha msisimka kima ama kusimila myegho syenyu. ⁴ Temwasamba ama kuteseka kokumkusindana no saambi kiasi sya kuhilwa malaso. ⁵ Kabhili mwalabhilila kulya kuhebhwa mwegho kokuli kokuli kubhakungisye kobhe bhana bhaghosi: "Mwanane, usiighatwali kubhwangu maleke gha Bhwana, wala usiputi tamaa ho ukwilwa(ho ukukanywa no nyene." ⁶ Kukubha Bhwana akomhelehele ghoghonse gho amutehile no akomukanya kila mwaana gho akumupokela. ⁷ Stahimili maajabu kobhe kuhelelelwa. Kabhuumba ako shughulika namwe kobhe gho ekushughulika no bhana, mana ni mwana ghwa he gho tata ghwaje te alokobhola kumuhelelela? ⁸ Lakini kobhe kutuhu kuhelelelwa, ko ufywe fywense tukushiliki, basi umwe ni halamu note bhana bhaje. ⁹ Zaidi gha ghonse, tukabhele no bha tata ghwetu kubhwelelo bha kuhelela, notwakabhaheshimu. Je tetuhesibhwe ningi nkana kumuhitata ghwa Kilisito no kwikala? ¹⁰ Ku hakika tata ghwetu bhakatukanyanga ku miaka mise katibhoikaloleke sawa kumobhe, lakini Kabhumba akotukalila ku faida jetu ili tubhusiliki bhutakatifu bhwaje. ¹¹ Kutuhu azabu jojikufulahisha kubhwa kati bhulya. Bhukobha no maumivu. Ningi tetyo, baadaye hukofyala ijabho lya amani ja bhutauwa kubhalya bhobhakafundisibhwa nabho. ¹² Ku tetyo bhusye mabhoke ngenyu jaja kalengea no kwila majungo ghenyu ghoghali mazaifu kubha nyene managha kabhili; ¹³ ngholele mahito gha nyayo syenyu, ili kubha ghoghonse ghonimulemafute alolangisibhwa bhupotefu lakini bhapate kusila. ¹⁴ Hense amani no bhatu bhonse, no kabhili bhutakatifu bhobhusila bhobho kutuhu gho alokamulola Bhwana. ¹⁵ Mubhe bhaangalifu ili kubha asibhiho ghwa kutengwa hale no nehema ja Kabhumba, no kubha lisisi sina lya bhusungu lyoliloka kachipuka no kusabhabhisha shida no kukengeuka bhengi. ¹⁶ Kunge kubha kutuhu sinaa ama muntu asili mtauwa katitilya Esau, gho kujili ja mulyo ghumwi gha ghusya haki jaje ja kufyalibhwa. ¹⁷ Kukubha mmanyile kubha baadae, hoghatamani kulithi bhalaka, ghakatunisibhwa, ku sabhabhu ghakabhulwa fulusa ja kutubhu amwi no tata ghwaje, ningibhogha kahensanga nkana kundililo. ¹⁸ Kukubhatemwa kesanga katika musosi bhobhukobhwele kughuswa, Musosi gho ghukughaka mulilo, sikolo, kuputusya tamaa no soluba. ¹⁹ Te mwakesanga ku sauti sya talumbeta, amakuma neno ghoghafumile no sauti ja kubhajakasabhabhisha kila bhobhe kuhulika bhasisenghi ighambo lyolyonse kutenda kubha. ²⁰ Kukubhate bhakakombola kufumilia silya syosya kaamuliwa: "Ikiwa ningi inywele ghoekugusa musosi, lazima ahulwe kumabwe." ²¹ Ghakutisha nkana ghogha kalolaga Musa ghakatenda, "Nangubhaha nkana kiasi sya kusughuma". ²² Badili jaje, ghajisa kumusosi Sayuni no katika muji ghwa Kabhumba gho alimupanga, Jelusalemu ja kwighulu, no misabwa elfu ikumi bhobhekushelekea. ²³ Mwajisa kwiikusanyiko lya bhafyalibhwa bhonse bhobhakasajiliwa kwighulu, kwa Kabhumba hakimu bhwa bhonse, no kumyegho sya bhatakatifu bhobhakakamilishwa. ²⁴ Ghajisa kwa Jesu mupatanisi ghwa agano lihya, no ku malaso joja kanyunyinsibhwa ghoghatendile mema nkana kulio malaso gha Habili. ²⁵ Kunga kubha usisikumutuna ghumwi ghoatensile. Kukuba kobhe tebhaka epukanga ho bhakamutunanga ghumwi ghoghabhakanyanga kulibhwelelo, ku hakika tetulo epuka ikiwa tulohinduka hale kufuma kwa ghulya gho ekutukanya kufuma kwighulu. ²⁶ Kubhwa kati bhulya sauti jaje jakajisughumya libhwelelo. Lakini nonwe gha haidi no kutenda, "Hasyali mala jindi kabhili tendoka sughuma libhwelelo pekee, bhali ighulu kabhili." ²⁷ Maghambo agha, "Ni mala jimwi kabhili," jikulangisya kufumisibhwa ku fintu vilya fyofikusughu misibhwa, fefini, fintu filyeifyo fibhumbilwe, ili kubha filya fintu fya bhusila ku sughumisibhwa fisibhile. ²⁸ Ku tetyo, tupokele bhufalume bhwa bhusilya kusughu misibhwa, tufulahi katika hali ja kumuabudu Kabhumba kuswa hamwi kuliko ndelesya kukicho, ²⁹ kwa maana Kabhumba ghwetu ni mulilo ghwa kulya.