¹ Nonwe imani ni hakika jo alinajo muntu bhwa kati bho ekuhembela sintu fulani ku bhusimu. Ni hakika ja sintu syo siyoali kuloleka. ² Ku sabhabhu jeji mababu ghwetu bhakasibhitika kuimani jabho. ³ Ku imani tumanyile kubha libhwelelo lika bhumbilwe ku amuli ja Kabhuumba, ili kukubha silya syosikuloleka te sya kajojwanga kutokana no fintu fyo fikabhele fikuloleka. ⁴ Jikabhele ku sabhabhu ja imani kubha Habili ghaka mufumilanga Kabhumba sadaka ja kufaa kuleka bhoghakelanga Kaini. Jibhele ni kusabhabhu jaji kubha asifibhwe kubha mukanya haki. Kabhuumba eku musifu kusabhabhu ja sawadi syo ghaleta. Ku sabhabhu jejo, Habili asyali ekutenda ingawa bho ghafwanga. ⁵ Jikabhele ni ku imani kubha Enoko ghakatwalibhwanga ha tunde no kutuhu lufu. "Teghakalolekanga, ku sabhabhu Kabhumba ghaka mutwalanga" kukubha janenwanga halughulu jaje kubha ghaka mupendesya Kabhuumba kabula ja kutwalibhwa halughulu. ⁶ Hasila imani tejina kobholeka ku mupendeshya Kabhuumba, kukubha gho ajisile kwa Kabhuumba lazima aamini kubha Kabhuumba ekwikala no kubha akobhaha sawadi bhalya bhakomuhensa. ⁷ Jikabhele ni ku imani kubha Nuhu, koku no akinyilwe no Kabhuumba ku kusiana no maghambo gho tegha kabhele ghaloleka, ku hekima ja si Kabhuumba ghakalyohelesyanga safina kujili ja kujiokoa famili jaje. Ku kwila teti, ghaka bhuhukumu bhwelelo no kubha mulithi ghwa haki jojikojisa kuhitila imani. ⁸ Jikabhele ni imani kubha Ibhulahamu, oh ghaka tangilwanga ghaka mutii no kuja mahali ho ahensibhwe kupokela kati mulithi. Ghakafumanga bhusila kumanya mahali si akabhele ajile. ⁹ Jikabhele ni ku imani kubha ghakekalanga ku inchi ja ahadi kobhe mugheni. Ghakekalanga ku mahema hamwi no Isaka no Yakobo, bhalithi bhenaji ghwa ahadi jilyae. ¹⁰ Jeji ni kusabhabhu ghakahensanga kubhupata muji bho mukanya kubhubuni no mujenzi anakabhe ni Kabhuumba. ¹¹ Jikabhele ni kuimani kubha Ibhulahamu, no Sala nyenee, bhakapokelanga managha gha kutunga isimi ingawa bhakabhele bhakekulu nkana, kukubha bhaka mulolanga Kabhuumba kubha mwamianifu, ghaka bha ahidingi mwana mughosi. ¹² Ku tetyo kabhili kufuma kwa muntu ghoghu ghumwi gho akabhele ali hehi kufwa bhafyalibhwa bhaana bhasila kupandika. Bhakabhele bhengi kati nyota sya angani no bhengi kobhe mbeghu sya mudenga kubhufukwe bhwa bahali. ¹³ Abha bhonse bhakafwanga katika imani hasila kupokela ahadi. Isipokuwa, halughulu ja ilongo. ¹⁴ Kubhalya bhatensile maghambo kobhe ghaghabhe kubhika bhayana kubha bhekuhensa inchi jabho bhene. ¹⁵ Kubhwene, kobhe bhana kabha bhekufikili ilongo lyo kughagho bhakafumanga, bhana kabhe no nafasi ja kuhelela. ¹⁶ Lakini kobhe bho jili, bhekutamani ilongo lyo lili bola, jojili ighulu. Ku tetyo Kabhuumba teekulola nsonyi kujitwa Kabhuumba ghwabho, kukubha ghatayalisha muji kujili jabho. ¹⁷ Jikabhele ni ku imani kubha Iblahamu baada ja kujalibhiwa, ghakamufumyanga Isaka. Oh, nyene gho ghakapokelanga kwa fulaha ahadi, ghakamufumyanga mwanaje gha pekee, ¹⁸ ambaje halughulu jaje jakanenwanga, "Kufuma kwa Isaka bhufyalo ghobhe ghula ku tangilwa." ¹⁹ Ibhulahamu ghakamanyanga kubha Kabhuumba akabhele no bhuwezo bhwa kumusyula Isaka kufuma katika lufu, no kwa kutenda ku lugha ja maumbo, ghaka mupokelanga. ²⁰ Jikabhele ni ku imani kubha Isaka ghakamubhaliki Yakobo no Esau kuhusu maghambo ghoghesile. ²¹ Jikabhele ni ku imani kubha Yakobo ho akabhele kuhali ja kufwa, ghakamubhaliki kila ghumwi ghwa bhana bha Yusufu. Yakobo ghakaabudu, kokuno aegemee halughulu ja nfimbo jaje. ²² Jikabhele ni ku imani kubha Yusufu bhwakati bhwaje bhwa mwisho ho ghwakasoghelanga, ghakatendanga juu ja kufuma kwa bhaana bha Islaeli Misili no ghaka bhalaghisyanga kutwala hamwi nabho mifupa jaje. ²³ Jikabhele ni ku imani kubha Musa, hoghaka fyali bhwanga, ghakafiswanga kwa miensi mitatu no bhafyala bhaje ku sabhabhu bha mulolanga kubha ni mwana musenga ghoakabhele musogha, notebhakashitushwa no amuli ja mufalume. ²⁴ Jikabhele ni ku imani kubha Musa, hoakabhele muntu mupanga, ghakatunanga kujitwa mwana gha bhinti Falao. ²⁵ Badili jaje, ghakasaghulanga kushiliki mateso hamwi no bhantu bha Kabhuumba badili ja kufulahia hanasa sya saambi kwa sitambo. ²⁶ Ghalanganya nsonyi ja kumulonda Kilisito kubha ni bhutunsi bhukulu kuliko hasina sya Misili kukubha gha mananga menso ghaje ku sawadi ja bhwakati bho bhwisile. ²⁷ Jikabhele ni ku imani kubha Musa ghafumanga Misili. Teghaka hofia sisila sya Mufalume, kukubha ghakafumilia mukutasyama kwa wabhusile kuloleka. ²⁸ Jikabhele ni ku imani kubha ghakasokanga pasaka no kusansila malaso, ili kubha mubhihye ghwa mufyalibhwa ghwa kwanza asikobhole kubhagusa bhafyalibhwa bhwa kwansa bha sighosi bhaislaeli. ²⁹ Jikabhele ni ku imani kubha bhakahitanga ku bhahali ja shamu kobhe ilengo likangile. Bhwakati bhamisili ho bhakahensanga kuhita bha milwanga. ³⁰ Jikabhele ni ku imani kubha bhukuta bhwa Yeriko ghwaka ghwanga hansi, bada ja kushyunguluka ku mansaa mupungati. ³¹ Jikabhele ni kuimani kubha Rahabu ghulya mumalaya teghaka angamie hamwi no bhalya bho tebha kabhele bhaliifu, kusabhabhu akabhele ghabhapokela bhapelelesy no kubhatunsya salaama. ³² Na itende si nkana? Maana muda tebhutosisye kusimulibhwa ja Gideon, Barak, Samuson, Yeftha, Daudi, Samweli no sya bhahnabhii, ³³ bho bhuhitila imani bhakasipolile falume, bhakajilile haki, no bhakapokelanga ahadi. Bhakatumisyanga finywa fya nsimba, ³⁴ bhakatipyanga managha gha mulilo, bhakakwepanga incha ja lupanga, bhakasila kufuma katika malwele, bhakabhele mashujaa fitani, no bhakasyabha bhishanga majeshi bhagheni kukilima. ³⁵ Bhakema bhakapokelanga bhafu bhabhoh kunsila ja kisyula. Bhandi bhakasanfisibhwa, bhusila kuswa kulekwa hulu ili kubha bhakobhole kapata bhuzoefu bhwa bhusyulo musogha nkana. ³⁶ Bhandi bhaka sanfisibhwanga ku sihaka no kuku hulwa naam, ningi kufifungo no muku bhikwa kumagheleza. ³⁷ Bhakahulwanga mabhwe. Bhakaputwangwa fipande kwa misumeno. Bhakafwanga kwa lupanga. Bhakajanga kwa nsabha sya kondoo nonsabha sya mbusi bhaka bhele bhahensile, koku bhekukobhola ku maumifu no bhajihilwa mabhii ³⁸ (ambayo libhwelelo teghwaka stahili kubha nagho), bhekutangatanga nyikani, mumisosi, ku mapango no kumahulu gha ilongo. ³⁹ Ninga bhantu abha bhonse bhakabhal bhakubhalibhwa no Kabhuumba ku sabhabhu ja imani jabho, tebhaka pokelanga syo ghaka ahidi. ⁴⁰ Kabhuumba ghakalombolanga kutuha sintu syosili bola, ili kubha bhusila ufwe tebhana ka kamilika.