¹ Bhasi bhunyomu ghwa mughana bhuendee. ² Msibhije kubhakalibhisya bhagheni, maana mukwila teti, baazi bhabhakalibhisya misabwa bhusila kumanya. ³ Kumbula bhonse bhobhalimo mwigheleza, kana kwamba mukabhele nabho kulya mukabhele nabho, no kobha mitumba syenyu jikajilitwe kobhe bhene. ⁴ Bhasi ndoa nojihesimilwe no bhonse no bhasi sitanda sya ndoa sijilwe kubha safi, kukubha Kabhumba alobha hukumu bhamalaja no bhazinzi. ⁵ Bhasi nsilya syenyu sya maisha zibhehulu kubhupendo ghwa pija. Mubhe kulizika no nfintu fyomlinafyo, kwani Kabhumba mwene kakatendile, "Tendobhaleka umwe kamwe wa kubhatelekesya umwe." ⁶ Bhasi tulizike ili tutende kubhu jasili, "Bhwana ni musaidisi ghwane; Tendoghubhaha. Muntu akobhwele kunjila sii?" ⁷ Mubhafikilie bhalya bho bhakabhaongo syanga, bhalya bho bhakasahulanga ighambo lya Kabhumba kumwenyu, no mjisukila matokeo gha mienendo ghabho; suse imani syabho. ⁸ Jeesu Kilisito ni nyene soneka, bhwelelo, no mafuku ghonse. ⁹ Usisikulombolwa no mafundisyo ghanamba nyingi gha sighani kwani ni fisogha kubha mwegho bhubhumbwa ku nehema, no kuteshelia kuhuso syakula ghaghote ghalobhafuna bhalya bhobhekela kughagho. ¹⁰ Tulinagho masabahu kubhalya bhatumike mukati mwa hekalu bhasila haka jakulya. ¹¹ Kukubha malaso gha inywele, syosya fumisibhwanga sabihu kuji ja sambi jakaletwanga no kuhini mukulu ndani ja sehemu nsogha, lakini mitumba syabho syatumbwanga hanse ja kambi. ¹² Kutetwo Jeesu ghakasafisibhwa hanse jamusigho lya muji, ili kubhakubhika wakifu bhantu kwa Kabhumba kuhitila malaso ghaje. ¹³ No kutentuwo tuje kumwaje hansi ja kambi, mukusitweta fezeha syaje. ¹⁴ Kwani tusila makaja kudumu kumuji bhobhi. Badili jaje tuhense ngo bhobhulo kesa. ¹⁵ Kuhitila Jeesu muhensibwe mala kwa mala kujifumya sadaka ja kumutukusya Kabhumba, kumusifu kubha ijabho lya milomo syetu jikili isina lyaje. ¹⁶ No musibhiji kujila masogha no kwifuna umwe kwa umwe, kukumbaizi sadaka kati syesyowe Kabhumba akopendesibwa nkana. ¹⁷ Mlikondelesye no kwisosya kufiongosi ghwenyu, kwa bhekuendelea kubhalinda kujili ja nafsi syenyu, kati bhalya bhalo kafumya hesabhu. Mulikondetesye kubhafiongosi bhenyu bhakobhole kubhatusya kufulaha note kubhuzuni, jotejilokubhafuna. ¹⁸ Mutupelesye, kwani tulinobhuhakika kubha tuli no samila nzogha, tulikutamani kuishi ku maisha gha heshima kuma ghambo ghonse. ¹⁹ No bhonse ndikubhaha mwegho nkana mwile teti, ili kubha inkobhole kuhelela kumwenyu teti nonwee. ²⁰ Nonwe Kabhumba ghwa amani ghaghambhaletanga kabhili kufuma kwa bhafyile muchungaji mukulu ghwa kondoo, Bhwana ghwetu Jeesu, ku malaso gha ilaghano lya mafuku ghonse, ²¹ Alobhaha uwezo mukila ighambo isogha kuila mapenzi ghaje, mukwila mulimo mukati mwetu jojili nsogha ja kupendesya mumenso ghaje, kuhitila Jeesu Kilisito, kumwaje ghubhe bhutukufu milele no milele. Amina. ²² Nonwe ndikukuha mwegho, mughana kwitwalila no ighambo lya kuha mwegho lya kubhutufu na nkalighandikanga kumwenyu. ²³ Manye kubha mughana ghwetu Timotheo ghakalekulibhwa hulu, gho hamwi naje ndobhalola kobhe alokesanonwe itye. ²⁴ Bhaposye fiongosi ghobhe bhonse no bhaumini bhonse. Bhalya bho bhafumile kuifyala bhe kukuposya. ²⁵ No nehema jibhe nomwe bhonse.