¹ Kukubha kila sintu no bhwakati ghwaaje, no majila kukila ikusudi hefo ja ighulu. ² Kuli bhwakati ghwa kufyalibhwa no bhwakati ghwa kufwa, bhwakati ghwa kubhyala no bhwakati ghwakumola gho ghabhyalwangwa, ³ bhwakati ghwa kwihagha no bhwakati ghwa kusisya, bhwakati ghwa kubomola no bhwakati ghwa kujenga. ⁴ Kuli bhwakati ghwa kulila no bhwakati ghwa kuseka, bhwakati ghwa kuombolesya no bhwakati ghwa kusaha, ⁵ bhwakati ghwa kutaha mabhwe no bhwakati ghwa kukonka mabhwe, bhwakati ghwa kukumbatila bhantu bhandi bhwakati ghwa bhusila kukumbatila. ⁶ Kuli bhwakati ghwa kuhensela fintu no bhwakati ghwa bhusila kuhensela, bhwakati ghwa kutusya fintu no bhwakati ghwa kufitugha, ⁷ Bhwakati ghwa kutandula myenda no bhwakati ghwa kughalanda, bhwakati ghwa kwikala na kele no bhwakati ghwa kusahula. ⁸ Kulino bhwakati ghwa kunyomwa no bhwakati ghwa kughaja, bhawakati ghwa vita no bhwakati ghwa amani. ⁹ Ni faida sii mukola mulimo jo akujipara ku mulimo ghwaaje? ¹⁰ Nandola mulimo gho Kabhumba ghabhaha bhanadamu kujitimisya. ¹¹ Kabhumba ghajila kila sintu kufaa kubhwakati ghwaaje. Kabhili ghabhika bhumileje kumyegho syaabho. Lakini mwanadamu tebhalo bhwele kumanya matendo gho Kabhumba ghaghela, kusapila ku mwanso ghwaabho mpaka kubhuhela. ¹² Njinsi kubha kutuhu syosili bola ku muntu ghoghonse kuleka ku fulahi no kwila masogha sikulu ulimupanga - ¹³ no kubha kila ghumwi ahensibhwe kulya no kunywa no ahensighwe kumanya jinsi ja kufulahia masogho gho ghalokane no milimo syaaje syoonse. Jeji nisawadi kufuma kwa Kambumba. ¹⁴ Njinsi kubha syosyonse syo alikwila Kabhumba sili kwikala milele. Kutuhu sikobhwele kulombosibhwa ama kufumi sibhwa, kusabhabhu Kabhumba ghoghasi jilanga, ili kubhabbhaantu bhamusoghelele ku bhutekame. ¹⁵ Syosyonse syo siliho syalilwa kubhaho; syosyonse syo silo kabhaho shalihwa kubhaho. Kabhumba akobhela bhanadamu kuhensela fintu fyo filisile. ¹⁶ No nandola kubha hefo no isyubha bhubhili bhuliho mahali ho hahensi bhwe kubha no haki no sehemu ja haki malakengi jili no bhubhi. ¹⁷ Nanka bhala mumwegho ghwaane, ''Kabhumba alo kukuhukumu mukanya haki no mubhi kubhwakati mwataka ku kila ijambo no kila tendo. ¹⁸ Nankabhalanga mumwegho ghwene, ''Kabhumba akobhaghema bhanadamu kubhalangisya kubha bheene ni kobhe manywele.'' ¹⁹ Kukubha bhuhela ghwa bhaana bhabhanadamu no bhuhela gha manywele ni sawa. Lufu lwa ghumwi ni sawa no lufu lwa ghundi. Bhoonse bhali no muhuso sawa. Kutuhu faida kubhanadamu suumba ja manywele. Kukubha kutuhu kila sintu tumuhuso? ²⁰ Kila sintu silikuja (sijile) sehemu jimwi. Kila siintu silikufuma kulufundu, no kila siintu silikuhelela kulufundu. ²¹ Nighanyi gho ajinsi kubha mweghoghwa mwanadamu ghujile kulughulu no mwegho ghwa manywele ghujile hansi ja inchi? ²² Kutetyo kabhili nkamanyile kubha kutuhu lyolili isogha kughoghonse suumba ja kufulahia mulimo ghwaaje, kukubha lelyo oijukumu lyaje. Nighanyi gho akobhwele kumuleta kabhili kulola syosilikwilika badala jaaje?