¹ Kisya kabhili nanka langanyanga kuhumateso ghoghali hansi ja isyubha. Kunga machozi ghabhantu bhakanya kubhasamfya. Kutuhu akanya kumfarijiha lughulu jabho. Managha ghali mumabhoko ghabhatesaji lakini bhobhakuteswa tebhali ne mufariji. ² Tetyo nanka bhapongezyanga bhantu bhakanga kufwa, bhalya ambabho tayari bhafwa, sio bhalya bhobhakuishi bhalya ambabho; bhali hai. ³ Ingawa bahati sumba bhonse bhabhili ghulya ambaje tegha jikalehi, nyene asikanga kulola matendo ghonse mabhi ambagho ghakujilika hansi ja isyubha. ⁴ Kisya nankalolanga kwamba kila ighambo lya mulimo ne kila mulimo ghwa utashi jakabhanga lutelweke jirani ja muntu. Ghoghu pia mvuke ne kusima kuchunga musagha. ⁵ Jughejughe hukunja mabhoko ghaje ne teakukola mulimo, tetyo syakulya syakumweje ni mutumba ghweje. ⁶ Lakini sumbwa nkonzija faida hamwi ne mulimo ghwa bhwangu kuliko nkonzi abhili hamwine mulimo ambagho husima kubhuchunga musagha. ⁷ Kisya nankafikilingi kabhili kuhusu lebatili mubhuke gho ukutaghika sumba hansi ja isubha. ⁸ Kuline aina ja muntu ambaje ali ghwenga. Tealine muntu wala tealinemutwana ne wala tealine ndushu. Kutuhu mwisyo ghwa milimo syaje syonse, ne mesno ghaje teghaku tosheka kwa kupata bhukata. Akushangaa, ''Nkujisumbwa ne kubhihya fulaha jane ajili ja ghanyi?'' Ghoghu pia mvuke, halimbi. ⁹ Bhantu bhahili bhakujira fisogha sumba ja ghumwi; kuhamwi bhakukobhoa kupata maliho masogha kwa ajili ja mulimo ghwabho. ¹⁰ Ghumwikobhe ghaghwa ghundi alomubhusya munywanyi ghwaje. Ingawa, bhuzuni ghukumulonda nyene akanga kubhanengwa. Ho akughwa kobhe kutahu muntu ghwakumu bhusya. ¹¹ Ne kobhe bhabhili kobhebhalala karumwi, bhakukobhola kupata kafita, lakini muntu ghumwi akukobhola kupata kafita kobhe jabha nyene? ¹² Muntu kobhe ghabha nengwa akukobhola kupotwa managha, lakini bhabhili bhaku kobhola kuhaghalala katika ishambulio ne nkusa ja nywi itatu te jikuputuka kubhwangu. ¹³ Sumbwa kubha musumba mupina kuliko kubha mwami mukekulu ne jughejughe ambaje te amanyile jinsi ja kuhulikisya maonyo. ¹⁴ Jeji ni bhwene ninga kobhe muntu mwigeleza seho akobha mwami kufuma mwigeleza ninga kobhe ghakafukanga mupina katika bhwami bhwaje. ¹⁵ Ingawa, nankalolanga kila ghumwi akanyakubha hai ne kuniengela hansi ja isyubha kobhe bhaku jitila hansi kubha sumba muse ghukanga Kabhumba kobhe mwami. ¹⁶ Kutuhu mwisyo kubhantu bhonse bhobhakuhensa kumutii mwami muhya, lakini bhengi bhabho tebhalo msifu nyene. Hakika halijeji ni mushuke ne kusima kusunga musagha.