¹ Kuhani mukulu ghatenda ghagha maghambo ni ghafyene"? ² Stefano ghabhala, "Bhaghwanena bhatata hulikisye une: Kabhumba ghwa bhutukufu ghaka mufumelanga tata ghwetu Abrahamu bhwakabhele Mesopotamia, nasyali kwekala ku Harani,' ³ ghakamubhalila bhuka musiho syobhe ne bhanywanyi bhobhe uje kusihugho syondo kulangu.' ⁴ Kundi ghabhuka musihugho sya Ukaldayo ghajika ku Harani, kufuma hoho baada jesye kufwa, Kabhumba ghamuleta nyene sihuhgha jyobhekele nonwe. ⁵ Teghakamuha syosyonse kobhe bhuhya ni bhwaje, tehakabhele ninga ha kubhika kughulu, tukubha Abrahamu ghakaaidiwanga nasyali kufyala mwana kubha alokhebhwa sihugho kobhe miliki jyeje ne bhufyulo bhwaje. ⁶ Kabhumba ghakatendanga nagho teti, bhatyalo bhaje bhanakekale nagho musihugho sya mubhunyenyi, ne kubha bhekasi bhamulya bhanakabhele bhatumu bhabho ne kubhelila fibhi kwikuka lya myaka maghana ane. ⁷ Ne Kabhumba ghatenda ndolihukumu itaifa lilobhela mateka, badala jya haho bholofuma no kuabudu mulolu luhande.' ⁸ Ghanamuha Abrahamu agano lya tohara, ghabha tata ghwa Isaka ghamuputakopa ifuku lya munane, Isaka ghabha tata ghwa Jakobo, ne Yakobo ghabha tata bhabhu bhetu ikumi na bhabhili. ⁹ Bhabhabhu bhamulolela ibhubha Yusufu bhamughusya kusihugho sya ku Misri, ne Kabhumba akabhele hamwi naje, ¹⁰ ghana musisya mukusafisibhwa kwaje ghanamuha fadhini ne hesima he mbele jya Farao mufalume ghwa ku Misri. Farao mufalme ghwa Kumisri kulughulu jya nyumba jyaje jyose. ¹¹ Kundi kwabha sala kulu ne kusafibhwa kana kusihugo sya Kumisri ne Kanani, na bhatata tebhakapatanga fyakula. ¹² Kundi Yakobo bhaghakahulikanga kuli nafaka Kumisri, ghakabhatumanga bhatata limwi. ¹³ Bhalukabhele lwendo lwa bhubhili Yusufu ghalilangisya kubhaghwaje, mugho na ghwake Yusufu ghwamanyika kwa Farao. ¹⁴ Yusufu ghabhalaghila bhaghwajebhakamubhalile Yakobo isibho ajise ku Misri, hamwi na bhanywanyi bhaje hamwi na bhantu bhonse ni makumi ndwi na tanu. ¹⁵ Kundi Yakobo ghasoka ku Misri; kundi ghafwanyene hamwi na bhatata bhetu. ¹⁶ Bhatwalwa ku Shekemu bhataghwa kukaburi lyoghakaghulanga Abrahamu kumahande ghamahela kufuma ku Hamori koko ku Shekemu. ¹⁷ Lilya ikuka lya jilya ahadi jyoghaka ahidingi Kabhumba ghakamwaidingi Abrahamu bhokasoghelanga, ne bhantu bhakabhele bhaghungilika koko ku Misri, ¹⁸ lelyo ikuka ghabhuka mfalme ghundi ghwa ku Misri, mufalme asifinsi kuhusu Yusufu. ¹⁹ Ghogho Mufalmr ghundi ghabha lemba bhantu bhentu nekubhelila mabhi bhatata ne kubhatagha bhana bhabho bhanse hakubha bhasikali. ²⁰ Kulilya ikunka Musa ghakafukanga nali musogha hambele jyake Kabhumba, bhamulela myensi itatu munyumba jya kesye. ²¹ Bhobha kabhele bhekumutaghe mehara ghwake Farao ghakamtwalanga ghamulela kobhe mwanaje. ²² Musa bhakamufundisyanga mafundisho ghonse gha Kumisri; akabhele na managha kumaghambo ne kufyakulela. ²³ Bhogha kakwisyanga myaka makumi ane jyamusila kumwegho ghwajeku bhalyatita bhaghwaje bhana bha Israeli. ²⁴ Bhobhakamulolanga mwisila eli nelewi lilwa mabhi, Musa ghakamuteteanga ghana mulihisya akabhele nalikumulolela ne kumuhula mu Misri: ²⁵ nekulanganya kubha bhaghwajebhalo manya Kabhumba alikusisya kumabhoko ghaje tukubha tebhakamanyanga. ²⁶ Ifuku lya kalondanga ghafa ku bhantu bhaku Israeli bhakabhele bhekusola, ghaghema kubhapatanisha; ne kutenda, 'Mabhwana, Umwe mulibhamughana; mbona mulikubhihya bhene ku bhene,? ²⁷ Kundi ghakamubhihya mufitikanyi ghwaje ghamutekela kule ne kutenda ghanyi ghakwila mutawala uhukumu bhantu? ²⁸ Ughwe ulikuhensa kujihagha kobhe bhoghwa kamwihaghanga Mmisri isoneka?" ²⁹ Musa ghakakilimanga bhoghakahulikanga ghagho; ghabha mugheni musihugho sya Midiani, haho ghabha tata ghwabhana bhabhili. ³⁰ Bhojyakabhanga myaka makumi ane kuhita makuka bhamufumila mwijangwa lya musosi Sinai, kumwali ghwa mulilo mukati jya masigho. ³¹ Musa bhoghakalolanga mulilo ghakalolenga, ne kusitajabia silya syogha kalolanga, no bhoghakaghemanga kukelela hakubha alole, silongo syake Bwana sya mwisala syatenda, ³² 'Une ndi Kabhumba ghwa bhaso, Kabhumba ghwa Abrahamu, ne gwha Isaka ne ghwa Yakobo.' Musa ghakasughumanga teghakaghemanga kukunga. ³³ Bwana ghamubhalila, 'Fula filato fyobhe haho hohaghalele ni hatakatifu. ³⁴ Nandola kusamba kwa bhantu bhane bhaliho Kumisri; Nahurika kulwala kwabho, none nasoko hakubha imbasisye, jinsa nelokutuma ughwe ku Misri.' ³⁵ Ghoghu Musa ghakamutunanga, hobha kabhalanga ghanyi ghakwila kubha mutawala ne mwamuzi ghwetu?'_ akabhele gho Kabhumba ghamulaghisya abhe mutawala ghwa bhukombozi Kabhumba ghakamulaghilanga kukubhoko kwake malaika jyaka mufumilanga Musa mufichaka. ³⁶ Musa ghakabhalombola kufuma ku Misri ghakwa kwila malebha ne isyala Kumisri ne katika lupola lwa Shamu, ne kwijangwa la myaka makumi ane. ³⁷ Ni Musa ghoghu ghakabhabhalila bhantu bhaku Israeli kubha Kabhumba alo bhabhisisya nabii kufumia mumakundi ghabha ghwenyu, nabii kobhe une'. ³⁸ Ghoghu ni muntu akabhele kumukutano kwijangwa ne malaika bhogha kasahulanga nabho kumusosi ghwa Sinai. Ghoghu gho muntu akabhele na bhutata ghoghu ni muntu ghakapokelanga ighambo ipanga ne kufuha ufwe. ³⁹ Ghoghu ni muntu bhasifwe bhakatuna kumutii bhakamutekelanga kule ne kufuma mughyegho jyetu bhakahindukilanga Kumisri. ⁴⁰ Mughagho mafuku bhakamubhatilanga Haruni.' Tujyojesye kabhumboalo tulombola. Ghogho Musa akabhele ne butulombola kufuma sihughesya Kumisri, tetwensi syakamupata.' ⁴¹ Tetyo bhajojya ndama kufuku sesyo bhanafumya sadaka kughagho sanamu bhanyomwa bhofyabha ni milimo jya mabhoko ghabho. ⁴² Tukubha Kabhumba ghakabhahindulanga ne kubhaha bhaabudu tangwajya mwighulu, kobhe bhojya kagha bhojakanyeghwanga kuja kusitabhu sya manabhii, 'Je tigho mwafumisya sadaka sya manywele bhomwa kasinsa kwejwengwa kwi kunka lya myaka makumi ane munyumba jya Israeli? ⁴³ Mwaswa ihema lya kusangeni Moleki ne tangwa jyake Kabhumba refani, ne picha jyomwakajyo jyenga ne kuabudu bhene: jilobhafyela hale kana jya Babeli.' ⁴⁴ Bhatata bhakabhele ne hema lya kusanganila lya bhusyuhuda kujangwa, kobhe Kabhumba bhoghakaamurungu bhoghakasahulanga na Musa, kubha anakafijyoje kumifano ghwa ghulya ghoghakalolanga. ⁴⁵ Lele ni hema lyoghakelanga tata kwikuka lelo, lwabhakaletwanga musihugho sya Joshua. Jeji jyakalolekanga kuka lyo bhakamilikingi taifa lyo ghakabhabhinganga Kabhumba bhasyali kubhaho bha tata bhentu. Jeji jikabhe teti fuku syake Daudi, ⁴⁶ ghakapatanga kibali hameso ghake Kabhumba ne kumusegha kuhense ha kwikala kwa Kabhumba ghwa Yakobo. ⁴⁷ Tukubha Selemani ghakajenganga nyumba jyake Kabhumba. ⁴⁸ Ninga tetyo alihalughulu akojikala hanyumba syakajengwanga kumabhoko, jeji nikobhe nabii bhojahatendanga, ⁴⁹ Lughulu ni koko lyane la enzi, ne bhwelelo ni luhande lwakubhikila maghulu ghane, nyumba jyabhutu mulokajengela?, ghatenda Bhwana: ama nihe luhande lwane lwakutamukila? ⁵⁰ Te kubhoko kwane kwajila teti gheghu ghonse?' ⁵¹ Umwe bhantu bhekosi ikake musikoputa kopa mwegho ne matwi, kila mara mukumupinga mwengo mulafu,' komuli kwila kobhe bhasinywe bhobhakelanga. ⁵² Ni nabhii ghanyi kubhanabii bhose bhatata tebhakamusasafyanga? Bhakamuhanga bhanabii bhakafumanga bhasyali kwisa hamwi nyene Haki, jya nonwe ghwabho musaliti nebhehaghanyi bhaje nagho, ⁵³ umwe bhantu mwekapokela syelia jyobha kalaghisyanga ne malaika tukubha te mwakajinyigha." ⁵⁴ Kundi bhajumbe bhe baraza bhobha kahulikanga maghambo ghagha, bhakatibwanga myegho jyabho, bhamusyelumene Stefano. ⁵⁵ Tukubha nyene, akabhele na bhumbike mwegho mulafu ghakatalamilanga mwighulu kumakini ne kulola bhutukufu bhwake Kabhumba,' ghanamulola Yesu na haghalele kubhoko kwa kukwene kwake Kabhumba. ⁵⁶ Stefano ghatenda, "Kunge najilola ighulu syajighuke na mwana ghwake Adamu ahaghalele kubhoko kwa kukwene kweke Kabhumba." ⁵⁷ Kundi bhafumbe bhe barasa bhajila mumatwi kusilongo sikulu, bhajighala matwi ghabho, bhamukulimila kuhamwi, ⁵⁸ bhamutagha hanse na lugho bhamuhula mabhwe, ne bhashahidi bhafula myenda, syabho sya kunse ne kubhika hansi hehi na maghulu gha mulugha ajitelwe Sauli. ⁵⁹ Bhobhakabhele bhekumuhula mabhwe Stefano, akabhele ne kumwita Bwana ne kutenda, Bwana Yesu, pokela mwegho ghwane," ⁶⁰ Ghasukama ghajita kusilongo sikulu, "Bwana, nosibhapandili dhambi jeji. "Bhoghatendanga ghagha ghasumalika.