¹ Kundi kusese fuku idadi jya bhanafunzi bhojikabhele jikughungilika, lalamiko lya Bhayahudi bha Kiyunani lyakasapanga kusumba Bhaebrania, kusabhabhu bhafulwa bhabho bhakabhele bhakosyaulika mukughabhulilwa fyakulya. ² Mitume ikumi na bhabhili bhaketwanga mukakomekana bhonse bhanafunsi nokutenda, "Te sahii kumwetu kulileka ighombo lyeke Kabhumba ne kuhudumia hameza. ³ Kansi bhaghwane chagule, bhaghosi ndwi, kufuma mumakundi ghenyu, bhantu bhasogha bhabhumbike mweghone hekima, bhotunakobhola kubhaha huduma jeji. ⁴ Nofwe tulobha kila lufuku tulikusegha ne kuhuduma lye ghambo." ⁵ Maghambo ghabho ghwanyomwa mukotano ghonse. Tetyo bhamusaghula Stefano, muntu abhumbike imani ne mwegho mulafu, ne Filipo, Prokoro, Nikanori, Timoni, Parmena, ne Nikolao, mwongofu kufuma Antiokia. ⁶ Bhaumini bhakabhaletanga bhantu bhabha hambele jya mitume, bhakaseghanga ne haho bhabhabhikila mabhoko ghabho. ⁷ Tentyo ighambo lyake Kabhumba lyakasambalanga; ne idadi jya bhanafunzi jyakasumbanga kughungilika koko Kuyerusalemu; ne idadi kulu jya kumakuhani bajitii imani. ⁸ Ne Stefano, ghakabhumbikanga managha, akabhele nalikwila malebha ne isyala kulu mumiongini mubhantu. ⁹ Tukubha haho bhabhuka bhandi bhantu bhafwasi bha kusinagogi likojitwa Sinagogi lya Mahuru, ne la Wakirene ne lya Waeskanderia, ne bhandi kufuma Kilikia ne Asia. Bhantu bhabha bhabhele bhekwibhasya na Stefano. ¹⁰ Tukubha tebhakakobholanga kusumbanu na hekima ni Mwegho ghweke Stefano akabhele ne kughukolela mukutenda. ¹¹ Kundi bhabhalebhelesya bhandi bhante kusiri kutenda, "Twahulika Stefano alikusuhula maghambo gha kufuru kwa Musa ne kwa Kabhumba." ¹² Bhakabhasyaulingi bhantu bhakekulu na bhanyeghi ne kumwendelea Stefano, bhamunyigha, ne kumuleta hambele jye baraza. ¹³ Bhakabhaletanga bhashahidi bha malami, bhukatendaga, "Muntu ghoghu tyanaleka kutenda mabhi haha habhuta kutitu bhwa syelia. ¹⁴ Utwe twamuhulika ne kutenda ghoghu Yesu ghwa Nazarethi alikuhabhihya hasigho sesi destuli kuhabhihya hasighosesi destuli yotwekahebhwanga na Musa." ¹⁵ Kila ghumwi akabhele he barasa, gha mukungilila menso ghaje Stefano, na bhene bhabhulola bhuswi bhwaje bhukabhele kobhe bhuswi bhwa malaika.