¹ Tetyo, muntu ghumwi ghoakabhele ajitilwe Anania, no Safira mno lwendo mukasi, bhakaghushyanga sehemu ja fintu fyabho, ² kundi ghafisa ghandi mahela ghobhakaghushyanga (mukasi kumwi ghalimanyanga leli), kundi ghalete mahela ghakasibhilanga no kughabhika mumaghulu ghabhalaghisibhwa. ³ Lakini Petro ghakatendanga, "Anania kusi shetani ghabhubhumba mwegho bhobhe kukutenda malami kumwegho mulafu no kufisa sehemu ja mali jebhala? ⁴ Kipindi holikabhele lishyali kughusibhwa, tulikabhele ni mali jobhe? Ne baada jakughushya telikabhehe chini jabhuamuzi bhobhe? Jikabhele ulanganye ighambo leli mumwebhobhe? Tobhahefile bhantu kaghwa mulemba Kabhumba.'' ⁵ Mukuhulika maghambo ghagha, Anania ghakaghwanga hansi ghafwa. Nebhobha bhwakabhafikilanga bhonse bhakalikulikanga lelo. ⁶ Bhalughalugha bhakahitanga kumbele no kumubhika musanda, no kumufela hanse no kumuzika. ⁷ Baada ja mansa atatu teti, mukasi ghakengilanga munyumba, asimanyi ni sisikabhele shya tokea. ⁸ Petro ghamubhalila, "Mbalile kubhamwaghushubhaha kusamani jijo." Ghatenda, "Ni bhwene kusamani jejo." ⁹ Kisha Petro ghamubhalila, "Jilikubhabhuti kubha mwapatatu kushya hamwi kwuughema mwegho ghwa Bhwana? Akunga, bhakabhumbabha bhalya bhakamuzikange bhalo jili hamusigho, na bhalakutwala no kukufela hanse." ¹⁰ Gafla ghaghwa mumaghulu gheke Petro, ghafwa, nebhalya bhalughalugha bhaisa munyumba bhamusanga afwile. Bhamubhushya no kumufela hanse, no kumusika hehi ne kabhuli je keebha. ¹¹ Hofu jaisa kwipelelo lyonse ne kubhalya bhaghahulikanga maghambo ghagha. ¹² Inshala nyingi ne maajabha fikabhele filikuloleka mubhantu kuhitila mabhoko ghabhaloghisibhwa, bhakabhele hamwi kubhukumbi bhweke Sulemani. ¹³ Lakini, tehakabhele no ghundi muntu tofauti akabhele na bhusimu bhwakuambatana nabho; ninga tetyo, bhakahebhwanga heshima jahalughamba ne bhantu. ¹⁴ Ninga tetyo, bhaamini bhengi bhakabhele hekughungilika kwa Bwana, idadi nkulu jabhaghosi nabhakema, ¹⁵ kiasi ja kubha ninga bhabhatwite bhalwelwe mumitaa, no kubhalashya habhulili no kumakochi, mukubha Petro kubha ghabha alikuhita, bhulelo bhwaje bhukabhole kubhafikila. ¹⁶ Haho kumo, idadi nkulu ja bhantu bhakasanga kufuma kungo shyosinyengele lugho lwa Yerusalemu, mukubhalenta bhalwele ne bhonse bhachanganyikiwa ne mwegho mulafu, nebhonse bhakasilanga. ¹⁷ Lakini kuhani mukulu ghakabhukanga, nebhonse bhekabhele naje (niizehebhu lya masadukayo); bhakabhumbikanga ne bhubha ¹⁸ bhagholola mabhoko ghabho no kubhanigha bhalaghisibhwa no kubhabhika mwighelesa lya jumla. ¹⁹ Ne kipindi jabhufuku misambwa jeke Bhwana ja jighula musighoghwe ghelesa no kubhafumya hanse no kutenda, ²⁰ "Kaje muka jughalale mwipelelo no kubhabhalila bhantu bhonga maghambo gha bhupanga bhobhu." ²¹ Hobhakahulikanga leli bhakengilanga mwipelelo kumakingilima no kufundishya. Lakini, kuhani mukulu ghakesane bhonse bhakabhele naje, nokwitebhalasa bhabhantubha Israeli, nokubhalaghishya mwighelesa mukabhaleta bhalaghisibhwa. ²² Lakini bhatumisi bhakajanga, tebhakabhasangagha mwighelesa, bhakahelelanga no kufumya taalifa, ²³ "Twasanga ighelesa lighewe fisogha nkana nebhalinzi bhajughalele hasigho, lakini, hotwajighulanga tetwasanganga muntu mukati." ²⁴ Elo jemedali ghwa makuhani bhakulu kobhakuhulikanga maghambo ghagabhakengilwanga ne shakankulu kwajili jabho halikulanganya lilakubhabhuti ighambo leli. ²⁵ Kishya ghumwi ghaisa no kubhabhalila, "Bhantu bho mwabhikanga mwigelesa bhali mwipelelo bhajughalele bhalikufundishya bhantu.'' ²⁶ Kutetyo jemedali ghakajanga nabhatumisi, bhakabhaleta lakini bhusila jakubhelila vulugu jojonse bhukohela bhakabhaghubhalanga bhantu bhasibhahuli mabhwe. ²⁷ Kundi bhabhaleta, bhakabhabhikanga mbele jebhalasa kuhani mukulu ghakabhohojingi ²⁸ ghatenda, "Twakabhaamulungu musifundisikwi sinaleli, na mushyali mwa jibhumba Yerusalemu kwifundishyo lyenyu, nokutamani kuleta malaso ghamuntu ghoghu hatu." ²⁹ Lakini Petro ne bhalaghisibhwa, bhakatendanga, "Lazima tumutii Kabhumba haliko muntu. ³⁰ Kabhumba ghwama sifwe ghakamushulanga Yesu, ghomwakamwihaghanga, kukumubhika kulughamba na siti. ³¹ Kabhumba ghamutukuzanga kukubhoko kwafe kwakulia, no kumwila kubha mukulughwa bhusabhulo, kufuma kubatokwa Israeli, no musamaha ghwa sambi. ³² Ufwe tufibha shahidi bha maghambo ghagha no mwegho mulafu, gho Kabhumba ghamufumya kubhalya bhali kumutii.'' ³³ Bhakyenso hobhakahulikanga tetyo, bhakahensanga kubhehagha bhalaghisibhwa. ³⁴ Lakini farisayo ghoakabhele ajitilwe ghamalele aheshimiwe ne bhantu bhonse, ghakajughalalanga no kubhaamulu bhatwalibhwe bhalaghisibhwa hanse kumuda mutofu. ³⁵ Kishya ghabhabhalila, "Bhaghosi bha Israeli, mubhe makini nkana ne silyashyo mulikupendekeshya kwilwabhao ntubhabha. ³⁶ Ku sabhabhu, kale kakahitu, thendagha kabhukanga no kwidai kubha muntumulu, ne idadi bhane mana ane teti bhakamulondonga bhakamwihaghanga, ne bhonse Bhobhakabhele, bhekumulukishya bhobha kabhele bhamuhulikishye bhakatananjyi kanga no kutajika. ³⁷ Baada ja muntu ghoghu, Yuda mughalilaya, ghakabhukanga nfuku sishe shya kughandikewa bhonse bhobhakabhele, bhukumuhulikishya bhakatawanyikanga. ³⁸ Nonwe ndikubhabhalila, liepuslyene bhantu bhabha na mubhaleke bhene, kusabhabhu mupango bhabhu, ne milimo jeji nija bhantu jilakutaghwa. ³⁹ Lakini kubhe ni jeke Kabhumba, temula kukobhola kubhazuiya; mukobhwele mwaji sanga mulikusindana na Kabhumba." Ku tetyo, bhakashawishikanga na magambo ghaje. ⁴⁰ Kishya bhaka bhetanga munyumba bhalaghisibhwa no kubhachapa no kuamulu bhasitendi kwisina lyeke Yesu, kundi bhabhaleka bhaje. ⁴¹ Bhakabhukanga hebhalasa bhalikufulahi bhukohela bhapandwa kubha bhastahili kusamba no kubhadhalau kusabhabhu je sina lelyo. ⁴² Kutetyo, kilefuku, mukati mwipelelo no kufuma lughohadi lugho bhakaendeleanga kufundishya no kuhubili kubha Yesu ni Masihi.