¹ Elo Petro no Yohana bhakabhelebhojile kwipelelo bhwakati bhwakupela, nsakyenda. ² Muntu fulani, mubhofu ghwa maghulu asikolyata tangu kufuka, akabhele ali kuhekwa kilefuku na akabhele alikulasibhwa hamusigho ghwe pehelo gho ghwitilwe mzuri, mukubha akobhole kusegha sadaka kubhantu bho bhajile mwipelelo. ³ Ho ghabhalola Petro no Yohana bhalihehi kwingila mwipelelo, ghakabhaseghanga sadaka. ⁴ Petro, ghamu kunjila, bhushyu, hamwino Yohana, ghakatenga, "Tukunge ofwe." ⁵ Mubhofu ghabhakanga ahikuchembela kupokela sintu fulani kufuma kumwabho. ⁶ Lakini Petro ghatenda, "Mahelane dhahabu une ndibhusila, lakini silyashyondinasho nankufumya kumobhe. Kwisina lya Yesu Kristo ghwa Nazareth, lyata." ⁷ Petro ghamutwala kukabhoko kwaje kwa kulia, ghamubhushya mulughamba: lumwie gafula maghulu ghajene majungo ghaje fyapata managha. ⁸ Alikughuluka mulughamba, muntu mubhofu ghajughalala no kusumbula kulyata ghajingila mwipelelo kumwi ne Petro no Yohana, alikulyata no kumusifu Kabhumba. ⁹ Bhantu bhonse bhakamulolanga alikulyata no kumusifu Kabhumba. ¹⁰ Bhamenya kubha ni ghulya muntu gho akabhele alikwikala alikusegha sadaka kumusigho muzuli ghwe pelelo, bhakanighwanga no mushangao no kustaajabhu kusilya shyafumila kumwaje. ¹¹ Bhulibho akabhele abhanighilile Petro no Yohana, bhantu bhonse bhajihukila kubhukumbi bhobhwitilwe bhwa Sulemani, bhakabhele bhekushangaa nkana. ¹² Petro bhoghakalilolanga leli, ghabhajibhu bhantu, "Umwe bhantu bha Israeli, mulikushangaasi? Mulikukunga kumwetu, kobhe twamwila ghoghu alyate kumanagha ghetu fwebhene au bhuchaji bhwetu?" ¹³ Kabhumba ghwa Ibrahimu, no ghwa Isaka, noghwa Yakobo, Kabhumba ghwa bhasifwe, ghamutukuza mutumisi ghwaje Yesu. Ghoghu ghomwe mwamukabhishyanga no kumutuma mbele ja bhushyanga no kumutuma mbele ja bhushyu bhweke Pilato, japo nyene akabhele apanga kumuleka hulu. ¹⁴ Mwaka mutunanga mukondeke na aline haki, bhadala jaje mwa muswa mwihaghanyi alekwe huru. ¹⁵ Umwe mwamwihaghanga mwami ghwa bhupanga, gho Kabhumba ghakamushyulanga kufuma mubhafu - ufwatuli bhashahidi kuleli. ¹⁶ Elo, kuimani muntu ghoghu kwisina lyaje, muntu ghoghugho mumubhwene no kumanya ghakelwanya kubha na managha imani joji kuhitila kwa Yesu jamuha ghoghu managha jeji jakukamilika, mbele jenyumwe mwense. ¹⁷ Sasa, bhamughana njinsi kubha mwakelanga maghambo ghagha kubhunkansa, Bhokumwi bhobhakelanga bhaviongozi bhenyu. ¹⁸ Lakini maghambo gho Kabhumba ghakabhabhalilanga mapema kutunywataw bhalaghisibhwa bhonse, kubha ghoghu Kristo atakusamba nonwe gha ghakwishya. ¹⁹ Kwa hiyo, tubhu muhinduke, mukubha sambi shyenyu sikobhole kufumisibhwa kabhisa, ili sise nyakati shya kubuludika kutokana no kubhaho kwa Bwana; ²⁰ no kubha akobhwele kumulaghishya Kristo ghoghakateuliwanga kwa ajili jenyu, Yesu. ²¹ Nyenye gho lazima ighulu limpokele mpaka bhwakati bhwa kuhehesibhwa fintu fyonse bho Kabhumba ghakatenda tangu kale kutunywa twabhalaghisibhwa bhakondeke. ²² Kubhuhakika mwa ghakatendanga, 'Bhwana Kabhumba alakubhushya mulaghisibhwa kobheone kufuma kubha mughana ghwenyu. Mulokamuhulikishya kila sintu shyo alakubhabhali lomwe. ²³ Jilokabha kila muntu ghotali kuhulikishya kwa mughwelaghu ghogho alokuangamisibhwa kabhisa afume habhantu.' ²⁴ Bho, ne bhaghwelaghu bhonse kufumila Samweli ne bhalya bhakalondanga badala jaje, bhakatendanga na bhakatangashyanga nfuku seshyi. ²⁵ Umwe ni bhana bhabha ghwelaghu bho Kabhumba ghakabhelanga hamwi ne bhokuku, kobhebho ghakatendanga kwa Abrahamu, 'Kumbuto jobhe familisyo nseshya bhwelelo silakufunhwa.' ²⁶ Baada ja Kabhumba kumubhushya mutumisi ghwaje, ghokamalaghishyanga kumwenyu kwanza, ili abhafuhamwe kukulainduka kufuma kumabhi ghaje."