¹ Hojakafikange fukulya Pentekoste, bhonse bhakabhele hamwi sehemu jimwi. ² Gafula bhahulika muungulumo kufuma mwighulu kobhe musagha mukali, bhwajibhumba nyumba jonse mobhakabhele bhekeleha. ³ Haho shyabhafumila ndimi kobhendumi shyamulilo sighabhunkene shyabhahalughamba hobhakabhele kilaghumwi kati jabho. ⁴ Bhene bhonse bhabhuumbikwa no mwegho mulafu kundi bhasumbula kutentenda kulugha sindi, kobhetilya mwegho bho ghwabhajalia kutenda. ⁵ Elo bhakabheleho bhayahudi bhobhakabhele bhekele Yerusalemu, bhabhali kumtii Kabhumba, kufuma kilasihugho kubhwelelo. ⁶ Kujuma koku hokwakahuli kwanga, ikundi lya bhantu lyaisa hamwi na bhasupila bhukobha kila muntu ghakabha hulikanga bhalikutenda kulugha jeje kiogho. ⁷ Bhakaduaanga no kushangazwa, nabho bhakatendanga, bhwene, abhe bhonse bhali kutenda tebhagalilaya? ⁸ Kusi ufwe tulikubha hulikakila ghumwi kulugha shyo twakafukanga nasho? ⁹ Waparthia ne Wamedi ne Waelamu, ne bhekele Mesopotamia, Uyahudi, ne Kapadokia, na katika Ponto ne Asia, ¹⁰ kupitila Frigia, Pamfilia, kufuma Misri, ne sehemu ja Libya ninga Kirene, ne bhagheni kufuma Rumi, ¹¹ Bhayahudi ne bhaongofu, Wakrete ne Waarabu, tulikubhahulika bhalikutenda kulugha shyetu kuhusu milimo ja bhukobhola bhweke Kabhumba." ¹² Bhonse bhakabhele bhadua no kutatanishwa bhaketensyanga bhene kubhene, "Jeji jili nemaanasi?" ¹³ Lakini bhandi bhaka dhihakingi kukutenda, "Abhe bhakolwa kumalwa manhya." ¹⁴ Lakini Petro ghakajughalalanga kumwi na bhalya ikumi na ghumwi, ghafumya sauti, ghabhabhalila, "Bhantu bha Yudea ne bhonse bho makazi ghenyu ghali haha ha Yerusalemu, mukubhalimanyike fisogha kumwenyu hulikishye kubhumakini fihando fyane. ¹⁵ Bhantu bhabha tebhakosilwa kobhebho mulikulanganya, sabhabhu nsasesi ni mulabho saa tatu. ¹⁶ Lakini jeji jikabhele jatendwa kuhitila mughwelangu Yoeli: ¹⁷ Jilakubha kunfukushya kubhuhela; Kabhumba ghatenda, nonkangona myegho jane kubhantu bhonse. Ne bhanabhenyu ne bhahala bhenyu bhala kufumya bhughwelaghu bhalughalugha bhenyu bhalakufumya dila nebhakekulu bhenya bhalakufanya siloti. ¹⁸ Tilyae kubhatumisi bhane juu jabhatumisi bhane kusilya kunfuku seshya ndokaghona myegho jane, nabho bhalo katabhili. ¹⁹ Ndokolangishya maajabhu mwighulu ne hefo habhwelelo, mulilo, ne mefeshyo gha lyonsi. ²⁰ Ne shyubha lilokabhadilisibhwa kubha sikolo ne mwensi kubhamalaso, kabula jishyali kwisa sikuku ne jaajabu ja Bwana. ²¹ Jilokabha jakubha kila ghumwi gho alikulitii isina lyeke Bhwana alokasabhuka.' ²² Bhantu bha Israeli, ghahulike maghambo ghagha: Yesu wa kwa Nazareti, muntu gho ghakathibitisibhwane Kabhumba kumwenyu kufitendo fya bhukobhole ne maajabhu ne ishala shyo Kabhumba kuhitila nyene kati jeenyu, kobhe mwebhene bhulibho mumanyile- ²³ ku sabhabhu ja mupango ghwakakusudiwa nga kufuma kumwanzo, ne maalifa gheke Kabhumba, ghakafumisibhwanga, nomwe, kumabhoko ghabhantu bhamanye, mwaka muhembeshyanga na kumwihanga, ²⁴ gho Kabhumba ghakamubhushyanga, ghabhufumya bhusungu bhwalufu kumwaje, kusababu tejakakobholekanga kumwaje kumilikiwa ne bhabho. ²⁵ Kutetyo Daudi alikutenda kuhusu nyene, 'Nankamulole Bwana daima myaka jonse kubhusu bhwane, nyene alikumabhoko ghane meene kutelyo bhasi silakolesibhwa. ²⁶ Kutetyo mwegho ghwane ghakabhehene fulaha ne lulimi lwane lwakafula hisibhwa. Kumwi no mutumba ghwane ghulakwikala kubhu jasili. ²⁷ Tolakujileka najisi jane jije kuzimu, wala tonaluhusu mutakatifu ghobhe kulola bhubhole. ²⁸ Ughwe wadhihilishya kumwanensila shya bhupanga; ulakunjile mumbikefula mbele ja bhushyubhobhe.' ²⁹ Mughana ninakobhola kusahula kumwenyu kubhujasili kuhusu sifwe Daudi: Nyene ghakafwanga no kuzikwa, ne kabhuli jaje jili hehi nofwe ninga teti bhwalelo. ³⁰ Tetyo akabhele mughwe laghu na ghoka manyanga kubha Kabhumba ghakalapa kakiapo kumwaje, kubha ahakubhika ghumwi kati ja kizazi jaje kusitembeshya bhwami. ³¹ Ghakalilonga leli mapema, na ghatenda kuhusu bhughambule bhweke Kristo, 'Wala takabhele ghakasibhakizimu, wala mutumba ghwaje teghwakabholanga.' ³² Kuhusu Yesu - Kabhuumba ghakamwhuulanga, ambapo ufwe fwense tulibhashyahidi. ³³ Kutetyo ghabha abhusibhwe kumabhoko meene gheke Kabhumba, na akabhale ghapokela ahadi ja mwegho mulafu kufuma kwashye ghaghona jeji ahadi, ambapo umwe mubhwe no kuhulika. ³⁴ Bhukabha Daudi teghaka paanga kuja mwighulu, lakini alikutenda 'BWANA alikuteda kwa Bwana ghwane, ³⁵ "Jkala kumabhoko ghane meene mpa hondokabheela bhaadui bhobhe sitabhe kwajili ja maghulu ghobhe. ³⁶ Kutetyo lugholonse lwa Israeli lumanye kubhuhakika kubha Kabhumba ghamwila nyene kubha Bwana ghwa Kristo, ghoghu Yesu gho mwakamuhembeshyanga." ³⁷ Elo bhobhaka hulikanga tetyo bhatinkina kumyegho jabho, bhabhabhalila Petro ne bhalaghisibhwa bhandi, "Bhamughana twilebhuti?" ³⁸ Ne Petro ghabhabhalila, "Tubhu no kubhatizwa kila ghumwi kwisina lyeke Yesu Kristo kumansi gha musamaha ghwa sambi shyunyu, na muha kupokela zawadi ja mwegho mulafu. ³⁹ Bhukobha kumwenyu ni ahadi no kubhana bhenyu no kubhalya bhonse bho bhali kule, bhantu bhengi kukadhija Bhwana Kabhumba ghwetu bho alokabheta." ⁴⁰ Kufihando fingi ghakabha shuhudia na kubhasihi, kukutenda, "Lisabhule mufume kujeji kizazi jabhuovu." ⁴¹ Hobhakaghapokelanga maghambo ghaje no kubatizwa, haho bhaghungilika kufume fukulelyo kobhe nafisi elifu fwitatu. ⁴² Bhaendelea kumafundishyo ghabhalaghisibhwa no bhushilikiano, kukubhufuka mukate no kukupela. ⁴³ Hofu jaisa kukila nafisi, ne maajabhu mengi ne ishala shyakelwa kuhitila bhalaghisibhwa. ⁴⁴ Bhonse bhakaaminingi bhakabhele hamwi no kubha nefintu fyambo hamwi, ⁴⁵ na bhakaghushyanga fintu nemiliki shyabho kukughabhula kubhonse kulingana ne hitaji lya kihaghumwi. ⁴⁶ Tetyo nfuku baada ja nfuku bhakaendelea kubha ne lengo limwi hekalu, bhakafukanga mukate kungo, na bhakashilikingi fyakulya kufulaha nobhukondeke bhwa mwegho; ⁴⁷ bhakamusifungu Kabhumba ne bhalii ne kibali jabhantu bhonse. Bhwana ghakabhaghungilishyanga nfukukunfuku bhobhabhele bhekusabhulwa.