¹ Bhwakati bhwa Mfalme Herode ghagholola mabhoko ghajye kubhalya bhakafumanga kwikundi ili bhasamfisibwe. ² Ghamwihagha Yakobo wamughana ghajye Yohana kulu panga. ³ Baada jya kulola kubha Bhayahudi bhanyomilwe, ghamunigha Petro kabhili. Jyeji jikabhele bhwakati bhwa mikate jisinachacha. ⁴ Hoghakamunighanga, ghakamubhikanga gerezani no kubhika fikosi fyine fya askali ili kumulinda, akabhele na pangile kumfela kubhantu baada jya Pasaka. ⁵ Patro ghabwikwa mughelesya, tukwilo maombi ghajilwa kubidii no ikusanyiko kua sabhabhu jyaje kwa Kabhumba. ⁶ Lukuku kabla Herode asyali kuja kumufumya, bhufuku bhobho Petro akabhele na lele hekalu jya bhalinzi bhabhili, na hambilwe minyololo ibhili, no bhalinzi hambele jya musigho bhakabhele bhakulinda igelesya. ⁷ Kunga misambwa bhwa Bwana gafla bhamufumila no nsonda jimulike munyumba. Ghamuhula Petro kulubhafu no kumuhalamusya kukutenda, "Bhuka bhwangu." Haho minyololo jyakabhanga jihambilwe jyahambuka kufuma mumabhoko ghaje. ⁸ Misambwa bhamubhalila, "Fwala myenda syobhe no fwala filato fyobhe." Petro hajila tetyo no kufuma hanse. Teghakaamini syakelwanga no misambwa kubha ni syabhwene ghakafikilingi kubha abhwene malole." ⁹ Hivyo Petro akamfuata Malaika na akatoka nje. Hakuamini kilichofanywa na malaika kama ni cha kweli. Alidhani anaona maono. ¹⁰ Baada jya kuhita ilindo lya kwanza no lya bhubhili, bhafika kwi geti lya syuma lya kwingilila kuja kumujini, lyafunguka lyene kunsila jabho. Bhafuma hanse no kushukulu kumutaa, mala misambwa bhamuleka. ¹¹ Petro baada jya kwitambua, ghatenda, "Sasa naamini kubha Bwana ghakamlaghisyanga misambwa waje ili kumfumya katika mabhoko Herode, no kumatarajio gha bhantu bhonse bha Uyahudi." ¹² Baada jya kumanya ghagha, ghajisa kunyumba jya Mariamu nyina lyeke Yohana ambaye ni Marko; Bhakristo bhengi bhakakusanyikanga nokumusegha Kabhumba. ¹³ Hobhaka hulanga hodi hamusigho ghwe geti mkolamulimo ghumwi mkema ajililwe Roda ghajisa kubheghulila. ¹⁴ Hoghakamanyanga kubha ni silongo syene Petro, kufulaha ghakapotwanga kuighula msigho badala jyaje, ghakilimila mkati na syumba nokubhabhalila kubha Petro ghaheghalala hambele jya musigho. ¹⁵ Okubha, bhatenda kumwajye, "Ughwe ni musasii" Lakini ghakabhabhalilanga kabhili ni bhwene ni nyene. Bhatenda "Ghogho ni misambwa wa kumwaje." ¹⁶ Lakini Petro ghakaendeleanga kuhula hodi, no hobhakajyighulanga musigho, bhamlola no kulubhwa nkana. Petro ghabhahumbusya ku kubhoko jikale na kele kele no kubhabhalila namuna Bwana bhoghakamufumyanga kufuma mwi gereza no kutenda, ¹⁷ "Bhabhalile ghaghamaghambo Yakobo no ghwamu ghana ghajye." Kundi ghabhuka nokuja luhande lundi. ¹⁸ Hojyakafikanga saa nane, kwabho no bhulanda bhukulu kati jya bhalinzi kuhusu syakafumilanga kwa Petro. ¹⁹ Baada jya Herode kumuhensa neteghakamulolanga ghabhabhasya bhalinzi no kuamulu bhabhe haghe. Ghajyo kufuma Bhuyahudi mpaka Kaisaria no kwikala koko. ²⁰ Herode akabhele na sisila jyu jya bhantu bha Tiro no Sidoni. Bhaja kuhamwi kumwajye. Bhabha no bhunywanyi no Blasto muhemba ghwa mfalume, ili bhabhafunanile. Tukubha bhakaseghanga amani, kusabhabhu nsijyabho jyakapokelanga fyakula kufuma kwa mufalme. ²¹ Lufuku lwakapangangwa Herode ghakafwalanga mabhazi gha kifalme, no kwikala kusitebhe syaje syakifalme, no kubhasahulila. ²² Bhantu bhahula bhulanga, "Jyeji ni sauti jya Kabhumba wala te sauti muntu!" ²³ Tukubha ghafla misabwa ghamupinga, kusabhabhu akabhele nasimuhele Kabhumba bhulafu; ghalibhwa no mpuka no kufwa. ²⁴ Lakini ighambo lya Kabhumba lyakula no kukwila. ²⁵ Baada jya Barnaba no Sauli kukamilishe huduma jyabho bhafuma halya no kuja Yerusalemu, bhamutwala no Yohana ambaye isina lyajye lya kufuka ni Marko.