¹ Mtume na bhoghwaje bhakabhele kako ku Yudea bhakahulikanga kubha bhamataifa bhalipokela ighambo lyeke Kabhumba. ² Petro bhughakesanga koko ku Yerusalemu, lilya ikundi lya bhantu bhaputwa kopa bhasapa kumukosoa bhabhala, ³ "Ghwalinyigha na bhatu bhasiputilwe kopa ne kulya nabho!" ⁴ Kundi Petro ghasapa kutanya bhofyaka bhanga ne kutenda, ⁵ "Mbele nekusegha mulugho lwa Yafa, na nalola maono ghwa fyombo syasoka hunsi kobhe mwenda mukulu jyasoka kufuma mwighulu ku hande syaje syose inne syasokela kumwane. Nakasikunganga ne kusilanganya kululughu kumwaje. ⁶ Nakalolanga manywele ghamaghulu ane bhasili musesi sihugho ne manywele gha mwisala ne manywele ghakoghafula ne manyonyi ghamwighula. ⁷ Kundi nahusika silongo silikutenda none, "Halamuka, Petro, sinsa najulye!" ⁸ Natenda tetyo, Tata, mumulomo ghwane temanajingile situ syosyonse sili silafu ninga sichafu" ⁹ Kundi silongo syajibu kabhili kufuma mwighulu silya Kabhumba syoghatengasyanga kubha gho sisogha usisiti ulojila bhuti, ¹⁰ Jeji jyakalolekanga lwabha lutatu ne kila situ sya katwalwanga mweghulu kabhili. ¹¹ Kunga ikuka lelyo bhantu bhatatu bhakabhele bhaha ghalele hambele jya nyumba motukabhele bhatumwa kufuma ku Kaisaria kwisa kumwane. ¹² Mwegho ghwambalila ndilonde nabho nesibhihi nabho. Bhaghosi mukagha bhajakumwi none na kafanga kunyumba jya mutu ghumwi. ¹³ Ghakatubhalilanga tiuya bhaghakamulolanga malaika na heghalele mukati na nyumba jyaje nekutenda tumeku Yafa ikamulete Simoni nyene sina lyaje lindini Petro. ¹⁴ Alotenda bhefumbebhobhe ughwe bhobhulookoka ughwe ne nyumba jyobhe jyose." ¹⁵ Bonakasapanga kutenda nabho mwegho mulafu gwakesanga kulughulu kumwabho kobhe bhoghakesanga kumwetu mukusumbula. ¹⁶ Jisukile maghambo gheke Tata, bhoghakatendanga, "Yohana ghakabhatizanga na mansi tukubha mulokabatizwa na mwegho mulafi.'' ¹⁷ Kubha Kabhumba ghafumya zawadi kobhe syo ghatuha ufwe bhotwa kaaminingi kwa Tata Yesu Kristo, une ndi ghanyi mpaka ikobhole kumpinga Kabhumba? ¹⁸ Bhabha kahulikanga ghagha maghambo tebhakahelesyanga tukubha bhakamusifungu Kabhumba bhanatenda, "Kabhumba ghafumya toba kubhatu bha kumataifa nagho" ¹⁹ Kansi bhakaamini kusamba kwa kasapanga kulilufu lyeke Stefano bhakasambalanga kufuma ku Yerusalemu- bhakaaminingi bhakafanga kule bhafika Foinike, Kipro na Antiokia. Bhakabhalilanga bhafumbe kubhala Yesu ghongwa kubhuyahudi walate kwa ghundi akobhwele ghonse. ²⁰ Tukubha bhandi ni bhantu kufuma ku Kipro ne ku Krene, bhakesanga Antiokia bhanatenda nabha Kuyunani bhanamuhubiri Tata Yesu. ²¹ Ne kubhoko kweke Tata kukabhele hamwi nabho ne bhafu bhengi bhakaaminingi ne kumuhindukila Tata Yesu. ²² Maghambo ghabho ghafikila mumatwi gha kanisa la Yerusalemu: bhanamtuma Barnaba aje ku Antiokia. ²³ Bhoghakesanga ne kulola kalama jya Kabhumba ghakanyomwanga ghabhaha mwegho bhonse kusibha na Tata mumyegho jyabho. ²⁴ Bhwa kabhele ni mutu musogha abhumbike mwegho mulafu ne imani na bhatu bhengi bhaghungilika mwa Tata. ²⁵ Kundi Barnaba ghaja Tarso kamulola Sauli. ²⁶ Bhoghakamulolanga ghaka muletanga ku Antiokia. Ghwa kahawa mwaka mupanga bhalomekana hamwi na kanisa ne kubhanafundisya bhantu bhengi ne bhanafunzi bhajitwa bhakristo rusye rumwi koko ku Antiokia. ²⁷ No kusesi fuku bhanabii bhakasoka kufuma ku Yerusalemu kuja ku Antiokia. ²⁸ Ghwimwi ghwabho ni agabo ndilo isi na lyaje, ghahaghalala nekubhalilwa namwegho kubhasala kulu jisili mufihugho fyonse. Jeji jyakafumanga mufuku sya Klaudio. ²⁹ Kundi bhanafunzi kigha ghumwi bhoghakafa ni kiwanga bhakaamuanga kufela msaada kubhaghwabho bhali kubhayahudi. ³⁰ Bhakelanga intye, bhakatumanga mahela mukubhoko kweke Barnaba ne Sauli.