¹ Ufwe bhotuli muntu atubhajwile ufwe, kobhe bhatumisi bha Kilisito no bhabwene bhasii sya bwene sya Kabhumba. ² Katika leli, sikuhenselwa kubha mutendabwene ni kubha ufwe bhakwisighako. ³ Lakini tukubha kumwane une ni nsintu sise nkana kubha nankakalilwa na umwe ao kukalilwa no kibhantu. KUkubhansikwikalila nansi unee mwenee. ⁴ Nsikwikalilo unee mwene, jeji jisila maana kubha unee omwene haki. No Bwana nankalila. ⁵ Kulelyo musitendi kukala juu ja lyolyonse kubhalaja bhwakati kabhula jakwisa kweke Bwana. Alakaleta ilaangasi maghambo getisile musikolo no kulola bhubhi bwa myego. Nokubha kila ghumwi alokapokela sita jaje kufuma kwa Kabhumba. ⁶ Nomwe, ikololyane no bhehwabhane, une nyene no Apolo nantumila kanuni sesi kuajili jenyu. Ili kubha kutokana kwetu mukombwele kwitundisha maana ja bhusemi, ''Bhusuji nkana bhuli mbhosinyegilwe jeji ni kumbho kutuhu ghumwi ghwenyu alinamwala juu ja mwinaje. ⁷ Tukubha ni ghanyiakalola mbhundi hakati jenyu no mwinaje? Nisighanyi sholinasho twokupokela bhule? Kubha wakahwa kupokela bhule, kusii mukwila mwaala kobhe musyakela tetyo? ⁸ Nomwe mulinatyo tyonse tyakubha mwahensa! Tajali mwabha na bhutunsi! Mwasapa kutambhala no kubha mukumiliki kusumba twe! Utwe bhwene, nkumbhatakia bhumiliki bhusogha ili kumbha tumiliki hamwi nomwe. ⁹ Kulelwo mbhwene Kabhumba ghakatubha utwe mitume kombhe kutulangisha wa bhuhela katika musitali ghwa maandamano no kumbha bhantu bhalikalilwa kwihagwa. Twakabha kobhe bhashauli mbha habhwelelo, kumalaika na kubhantu. ¹⁰ Utwe nibhangalangala kuajili ja Kilisito, lakini umweni bhene haki katika Kilisito. Bhanyonge, tukubha umwe muli na managha. Munwamikwe, tukubha utwe tetunwamikwe. ¹¹ Nansi nsaa jeji tulinansala no nkangu, tulibhasila mwenda tulinatighumo, no kubha bhasila mekalo. ¹² Tukukola milimo kunkana kumabhoko ghentu bhebwabhulwa kunwamikwa, twabariki, bwakati hatukusantisibwa, twamila mwegho. ¹³ Hotukutukwa, twahehelesha kubhupole, twakabha no tushali tukubhalulwa kubha kobhe kutunyisibwa no libwelelo no makwangajo kumaghambo gonse. ¹⁴ Nsikunyegha maghambo ghagha kubhapondansonyi umwe, tukubha kubhahelesha umwe kobhe bhana bhane bhonyomilwe. ¹⁵ Nansi kobhe mulina bhaalimu makumi elfu kwa Kilisito, mulibhasila bhatata bhengi. Kukubha nakobho sinwe gwenyu kuhitila Jeesu Kilisito kuhitila injili. ¹⁶ Tukubha kubhabhala munonde une. ¹⁷ Jejo bhojili sabhabhu nankamutuma kumwenyu Timotheo, ntone gwane no mwana mutulaame kwa Bwana. Alabhesukisha nsila shane kwa Kilisito, kobhe bhonkutundusha kila honkohita no kila kanisa. ¹⁸ Nomwe kati jenyu bhalikwiteha, bhakutenda une kubha syakese kumwenyu. ¹⁹ Tukubha ndokesa kumwenyu kuntuku, kobhe Bwana ghanyomwa ohaho hondokesa temaghambo ghabhotue bhalikwitena, tukubha ndokalola managha ghabho. ²⁰ Tukubha ufalume bwa Kabhumba tebhukwihagha katika maghambo tukubha katika managha. ²¹ Muhensile sii? Njise kumwenyu no ntubha au kumasagha no katika mwegho gwa bhupole?