¹ None bhakulu na bhebhumba bhane, shya kutendanga nomwe kobhe bhantu numwegho, lukoni kobhe bhantu kumutumba, kobhebhona bhabhanse kwa Kilisito. ² Kankabha nyweshyanga mabhele tenyama, bhukobhate mwakobhanga tayali kulyanyama ninga nomwe temulitayali. ³ Bhukobhonwe mushyali bha mutumba bhukobha ibhabha ne majivuno jikaloleka mumiongoni mwenyu. Je, temulikwikala kulingana ne mutumba, na je, temulikulyata kobhe kawaida ja bhuntu? ⁴ Bhukobha ghumwi akatotenda, ''Nanobha Paulo'' ghundi akatenda ''Namlonda Apolo,'' Temulikusikalakobhe bhantu? ⁵ Apolo nighanyi? Ne Paulo ni ghanyi? Bhatumisi bhwaghulya ghomwe aminingi kusilya shya mwa ghakamukalilonga. ⁶ Une nankabhyalanga Apolo gwabhika mansi, lakini Kabhumba ghakushya. ⁷ Kutetyo teghakabhyalanga walagha kabhikanga manzi alineshyoshyo nswe. Lakini ni Kabhumba ghogha kushyanga. ⁸ Nonwe ghakabhayalanga ghakabhikanga mansi bhonse ni sawa ne kila ghumwi alokapokela bhujilabhwaje kulingana no mulimo ghwanje. ⁹ Bhukobhofwe tulibhakola milimo bheke Kabhumba, umweni ijaluba lyeke Kabhumba, nyumba jeke Kabhumba. ¹⁰ Kutokana ne nehema jeke Kabhumba jo nanka lwebhwanga kobhe mwijenzi mukulu, nankaghubhikanga musingi, ne ghundi alikujenga halughamba. Lakini muntu abhe mani namna jakujena halughamba. ¹¹ BHukobha hatuhu ghundi akobhwele kujenga musingi ghundi zaidi ja gho nankajenganga, ghoghomunsingi ni Jeesu Kilisito. ¹² Elo, kobhe ghumwi kati jenyu alikujenga halughumba jaje kuzahabhu, mahela, ne mabhwe ghasamani, fiti no mbwasi, ¹³ mulimo ghwaje ghulakughambulwa, kusilangasi shye shubhabhukazihilishwa kukobha bhulozilisibhuo, namulilo. Mulilo bhulokaghema bhubola ghwa mulimo ghwakila ghumwi shyoghakela. ¹⁴ KObhe shyoshyonse muntu ghaka ju bhaka silakusibha nyene alakupokela zawadi. ¹⁵ Lakini kobhe mulimo ghwa muntu ghoatumbwa na mulilo, alakupata hasala. Lakini nyenee alakusabhulwa kobhe tilya kusabhulwa kumulilo. ¹⁶ Temusinsi kubhomwe ni lugho lweke Kabhumba no kubha mwegho ghweke Kabhumba alikwika mukati mumwenyu? ¹⁷ Kubha muntu ghalibhinhya ipelelo lyake Kabhumba, Kabhumba alokamubhinhya muntu ghogho bhukobha ipelelo lyeke Kabhumba nilofu, ne tetyo nomwe. ¹⁸ Muntu na silembi nyenee, kobhe ghoghonse kati jenya ajinsi aline hekima kukipndi jeji, abhe, ''KObhe mnkasa''Bho alokobha ne hekima. ¹⁹ Bhukobha hekima ja bhwelelo bhobhu ni bhukanga mbele jeke Kabhumba, bhukobha jaka nyeghwanya, ''Jikobhapatabhali ne hekima kubhila shyabho'' ²⁰ Ne kabhili ''Bhwana ajinsi bhobhalikulanganya bhali ne bhasu ni bhubatili.'' ²¹ Kutetyo muntu nasilivuni bhuntu bhukobha fintu fyonse ni fyakumwenyu. ²² Kobhe ni Paulo, au Apolo, au Kefa, au bhelelo, au maishya ninga lufu ninga fintu fyofiliho, ninga filokabhaho. Fyonse ni fyakumwenyu, ²³ nomwe ni bha Kilisito kobhe Kilisito ni ghweke kabhumba.