¹ Homankesonga kumwenyu bhelwubu na bhakulubhane, shyakasanga kumaghombo ghabhushawishi ne hekima kabhabho nankahubhilingi bhwene bhobhubhele bhufisilwe kuhusu Kabhumba. ² Nankammanga ne nsimanyi shyoshyonse bhonkabhele miongoni jenyu isipokuwa Jeesu Kilisito, nyene ghoghoghaka sulubhisibhwanga. ³ Nankabhele nenyu kubhudhaifu, ne kukasapa, ne kukusughuma sokana. ⁴ Nebhujumbe bhwene no kuhubhili kumwe tekwakabhangs kwighambo lya bhushaulishi ne hekima. Bhadala jaje ghabhele kukumdhihilishya mwegho ne ghwa managha, ⁵ mukubha imani jenyu jisibhi kuhekima jabhantu bali kumanagha gheke Kabhumba. ⁶ Nonwe tulijikutenda hekima mubhandu bhapanga, lakini te hekima ja bhwelelo bhabhu au jabhami bha nomwe bhabhali kuhita. ⁷ Bhadala jaje tuli kujitenda hekima jekeke Kabhumba kubhwene ne bhukabhele bhufizilwe hekima joji kabhele jijilwe jo Kabhumba ghwajisaghulanga kabla ja kipindi ja bhutukufu bhwetu. ⁸ Kutuhu ghoghonse ghwa bhami bhanomwe ghoghonse jimanyanga hekima jeji kubha bhanka jimanye kukipindi jily, tebhanka muhembeshyaye bhwana ghwabhutukufu. ⁹ Lakini kabhe bho jakanyeghwanga, ''Maghambo gho kutuhulinso lyakaghalola, kutuhwiti lyakaghahulikanga mawazo tegha langanyanga, maghambo gho Kabhumba ghakaghoandaa kubhalya bhamutekile nyene.'' ¹⁰ Ghagha ni maghambo gho Kabhumba ghoghaghambula kumwete kuvila mwegho bhokabha mweghako chungu za kila sintu, ninga maghambo ghamukati mwa Kabhumba. ¹¹ bhukobha nyanyi ajinsi bhuli bho mwinaje alikulanganya bali mwegho ghwa muntu mukati mumwaje? Kutetyo kumwi kutuhu ajinsi maghambo gheke Kabhumba bhali mwegho gheke Kabhumba. ¹² Lakini tetwakapokela mwegho ghwabhwelelo, lakini hweghogho ghufumile kwakachumba, mukubha tukobhole kumanya kubhuhuru maghambo ghotwk labhwene Kabhumba. ¹³ Tulikutenda maghambo ghogha kufilonda, ambapo hekima ja muntu tejina fundishya, lakini ghomweghoghulikutufundisha mwegho ghuli kutafasili mahambo mwegho kuhekima ja mwegho. ¹⁴ Muntu gho asilighwa mwegho tanapokela maghambo maghambo gho ni ghamwegho ghwakabhumba, bhukobha ghagho ni bhupulisi kumwaje tanaghamanya bhuko bhaghajulikene kumwegho. ¹⁵ Kughulya ghwa mwegho ako kalila maghambo ghagho. Lakini alakukalilwa na bhandi.''' ¹⁶ ''Nighanyi akabhwele kughamanya mawazo ghakabhwana, gho akobhwele kumufundisha nyene?'' Lakini tuline mawazo gha Kilisito.