¹ Twahulika sikula kubha kuli malaja mukatijetu, aina ja bhumalaja bhwakubha tebhuliho nansi hakati ja bhantu bha mataifa. Tulinatalifa kubha ghumwi ghwenyu, akulala na mukasye ghwaje. ² Nomwe mwaliteha! Badala kunughunika? Ghulya ghakela tetyo ahenselwe kufumibhwa mukati jenu. ³ Nansi nsiliho hamwi namwe kimutubha lakini ndiho namwe kimwegho, nankahwa kumukalila nyene ghakela tetyo, kobhe tilya nkabheleho. ⁴ Kubha mwasasangana hamwi katika isina lya Bwana ghwetu Jeesu nankahwa kukala muntu ghogho. ⁵ Nankahwa kumukabhisi muntu ghoghu kwa Shetani ili kubha mutumba ghaje ghubhinisibhe, ili mwegho ghwaje ghukobhele kusabhulwa katika ifuku lya Bwana. ⁶ Mwala ghwenyu tensintu sisogha. Temumanyile chachu nsee jinabhinya sidonge sisima? ⁷ Ilifye umwe bhene chachu ja kale, ili kubha mubhe sidonge sinya, ili kubha mubhe mukate ghusikochochulibhwa. Kukubha, Kilisito maana kondoo ghwetu wa Pasaka ghakanwa kusiswa. ⁸ Kutetyo tusangabhale kalamu sikuchachu ja kale, chachu ja tabia mbhi no bhubhi, badala jaje, tusangabhale na mukate ghusibhikilwe chachu ghwa bhunyenyekevu no bhwene. ⁹ Nankaghandika katika lupapulo lwane kubha musisansikani no malaja. ¹⁰ Nsili na maana malaja bha hambhwelelo hii, au no bhalinatama aje wanyanganyi aje wabhudu sanamu kukwikala hale nabho, basi jiheselwe mufume habhelelo. ¹¹ Tukubha nomwe kubhanyeghela kubhula kwiseleghanya na ghoghonse ajitilwe ikololyane au jajoo katika Kilisito, lakini tukubha ajikele katika bhumalaja aje wakubha ni mukanya kutamani. ¹² Aje mnyanganyi, aje mwabudu sanamu, aje mukanyo ntunsi aje muleti, wala musili naje muntu wa namuna jeji. Kulelyo ndolihusisha bhuti kubhakalika bhali kunseja kania? ¹³ Lakini Kabhumba alokabhakalila bhali kunse, ''Mufumye muntu mwovu kati jetu''