¹ Vikama aka vintu vikarereha, nikavona iti mlango wakijuvuwe uko wanga, ila sauti ya kuvoka, ikagaya name sa tarumbeta, ikiteta, “Nzo aha, nimekuvunyesha vyenetokea vikana aka vintu ivi” ² Hantu hamwe nekiho he Ngoro, nivonai hekina na kichumbi cha uko wanga chevikiwe uko wanga, na mntu ekikaiye. ³ Mmwe eye ekikaiye akavonekana sa ibwe la Yaspi na akiki, hekina na vuta vywa mvua vywekijunguluka kichumbi cha uleo wanga vuta vywa mvua vukavoneka si zumaridi. ⁴ Kukijunguluka kichumbi cha isanga hekina na vichumbi vya isanga vingi ishirini na vina na vekikaesi he vichumbi vya isanga vekiho vazaa ishirini na vane edokiwe nguo nyewa na iua zahabu hamitwi yavo. ⁵ Kufuma he kichumbi cha isanga hefumie vimunko vya radi, ngurumo ya radi, taa mfungate jeki aka mbele ya kichumbi isanga, taa ezjo na ngoro mfungate zya Mrungu. ⁶ Alafu mbele ya kichumbi cha isanga hekina lukanga yekiho mwaji sa kioo. Vose kujungulika kichumbi cha isanga hekina na venye uhai vane, vezue meso mbele na nyuma. ⁷ Kirumbi wa kuvoka ena uhai ekifwanane sa simba kirumbi wa keri ena uhai ekifwanane sa kadama, kirumbi wa katatu ena uhai ekina vusho sa vywamntu na ula ena uhai wa kane ekifwanane sa ideghe laruka. ⁸ Virumbi vena uhai vane kila mmwe ekina mazagu mtandatu ezue mesa wanga nasi hakwe kio na musi tevefikwa kuteta Mtakatifu, Mtakatifu, Mtakatifu, mfumwa Mrungu, mrongozyi wanga ya vose, ekiho na echo na eneza." ⁹ Kila kigheri virumbi vyena uhai vakafwinya utukufu heshima na shukurani mbele zya ula ekaesi he icho kichumbi cha isanga, ye eishi kae na genda. ¹⁰ Vazee ishirini na vane vevakondekia venye moza yakwe ekikaiye kichumbi cha isanga vekiteta. ¹¹ Ustahili we Mfumwa wetu na murungu wetu kughihia utukufu na Shima na nguvu, he iti uumbie vintu vyose na kwa lukundo lwako, vyekiho na vurumbiwe,”