¹ Kangi nikavona malaika ekisea kufuma uko wanga, ena funguo ya he gehena, na myororo m’baha he mkono wakwe. ² Akagura lila ijoka nyoka ila ya kae, eyo mrenge na shetani, akaichunga miaka kiku. ³ Akamvirita noko he gehena, kamfingia, akavika kisimbiko wanga heyo, nesa asizeisha kangi vaisanga mhaka ila miaka kiku ikoloke nyuma kimtara achunguiwe wa kumtungo kadori. ⁴ Kangi nikavona vichumbi vya kifumwa, vakaviikaia navo vkainkwa kuchwa mburi; name nikavona ngoro ja vala vechwiwe mitwi vuntu vwa vuonwa vwakwe Yesu, he vuntu vwa kiteto cha Mrungu, na vala vesidunkutie ila nyuma kana fwanyanyi yayo neri kughuha lula luvengo he vizango vyavo, neri he mikono yavo, navo vakaketa moo, vakatekia hamwe ne Kristo miaka kiku. ⁵ Na vala vangi vefwie teveketie moo mhaka miaka kiku ikoloke. Ukwo nikwo kuvuka kwa vefwie kwa kuvoka. ⁶ Mrela vwedi na ezerier, ni ula ena ifungu he kuvuka he vefwie ka kuvoka, he avo kifwa cha keri tekina nzinya; mira veneoka vatasi vakwe Mrungu na vakwe Kristo, navo venetetia hamwe naye iyo miaka kiku. ⁷ Na iyo miaka kiku yakisia shetani enechunguiwa, afume he kichungo chakwe. ⁸ Naye enefuma kuvakengera vaisanga veho he myondo mine ya isanga. Gogi na Magogi kuvavunganya he nkondo, evo itaro lavo e sa mshangagha wa he bahari. ⁹ Vakakwea wanga he vuaramu vwa isanga vakajivirija mararo a vezerire, na ula muzi wekundiwe. Moto ukarea kufuma uko wanga ukavala. ¹⁰ Na ula Mrenge, ula mzavakengera, akaviritwa na he ila ndiva ya mto na kibiriti, hantu ila nyama yeho nma ula mroti wa mongo navo venerishwa vwasi kio na msi mhaka kae na kae. ¹¹ Nikavona kichumbi cha kifumwa, kibaha, kijewa na ula ekiikaie; si na wanga vikaaha mozya ya vusho vwakwe, neri hantu havyo tegerevoneka. ¹² Nikavona vfwie vabaha na vadori veimuke mzoya ya icho kichumbi cha kifumwa na vitabu vikatambarurwa, na kitabu kingi kikatambarurwa, echo nkalamo, na avo vefwie venechwiwa mburi na ivijo veandikwe he vila vitabu, kiringanyo cha mihiro yavo. ¹³ Bahari ikafunya vefwie vekiho heyo, kifwa na uko he nkoma vikafunya vefwie vekihoho, vakalahwa kila mntu kwa kiringanyo cha mihiro yakwe. ¹⁴ Kifwa na he nkoma vikaviritwa na he ila ndiva ya moto. Icho nicho kifwa cha keri, echo iyo ndiva ya moto. ¹⁵ Na kakicha hena mntu esivoneke iti eandikwe he kitabu cha mkalamo, akaviritwa na he ila ndiva ya moto.*