¹ Nikasikia izii ibaha lefuma he nyumba ya mtaso, lekivati vala vamalaika mfungate: Tongani mure kufuka vula vudende mfungate vwa oro ya Mrungu he isanga." ² Wa kuvoka akatonga kakufuta kadende kakwe na he isanga hakaketa ihute ivivi ibahisha, he vala vantu vena luvengo lwa ila nyama, na vala vedunkutia fwanyanyi yakwe. ³ Ula wa keri akakufuta kadende kakwe na he bahari, hakaketa sakame sa sakame ya mntu efwie, na vintu vyose vyeho moo he bahari vikafwa. ⁴ Ula wa katatu kakufuta kadende kakwe na he mieta na visiwa vya mpombe, vikaoka sakame. ⁵ Name nikamsikia malaika wa mpombe ekiti: we u mkitea wewaha, na wekiwaho, ezerire kila welahie huvu. ⁶ Kila veitie sakame ya vazerire na varoti, nawe wavainka sakame vainwe; navo kivatara. ⁷ Nikasikia ila meza ya mtaso yekiti: Yee Mfumwa mrungu mwenye nzinya jose milaho yako ni ya idi na ya kitea." ⁸ Na ula wa kane akakufuta kadende kakwe he izuva; nalo likainkwa nzinya ya kushota vantu kwa moto. ⁹ Vantu vakashotwa mishotirwe mibaha, niho vakarara izina la Mrungu mwenye nzinya he ao mabigho, neri tevechwie mti, neri kumkaza. ¹⁰ Na ula wa kasano akakufuta kadende kakwe he kichumbi cha kifumwa cha ila nyama; vufumwa vwayo vukagerwa kija; vakaumauma malumi avo he vuntu vwa kuwajwa. ¹¹ Vahamraro Mrungu wa uko wanga vuntu vwa kuwanjwa kwavo, na vuntu vwa mahute avo; neri tevechwie mti he mihiro yavo. ¹² Na ula wa katandatu akakufata kadende kakwe na he ula mweta m’baha wa frati, mpombe yakwe ikaoma nesa nzia iharehwe ya vafumwa vefuma kibuka izuva. ¹³ Nikavona mpeho mbiri ntatu jefwanane na machua, jekifuma he momo wa ula mroti wa mongo. ¹⁴ Ilo nijo mpeho ja mashetani jeketa maluvengo efuma na kuvatongia vafumwa va si jose na kuvavunganya kwa ila nkondo ya ula msi m’baha wa Mrungu mwenye nzinya jose. ¹⁵ Rereha, niza sa mkea. Mrela vwedi ni ula eyaa kiavi na kusungajia suke jakwe, asiikae kituhu vantu vakavona soni yakwe. ¹⁶ Vakajivunganya kula hantu heitangwa kiebrania harmagedoni. ¹⁷ Na ula wa kafungate akakufuta kadende kakwe he wanga; izii ibaha likafuma he nyumba ya mtaso, he kila kichumbi cha kifumwa kifumwa, lekiti chakenja kukoloka. ¹⁸ Hakaketa luimiji na izii la kikwakwara hakaketa kididimo kibaha chesinavoneka nariri too vantu veikae he isanga, hesina voneka kididimo kbaha sa icho. ¹⁹ Na ula muzi m’baha ukanhavika mfungu matatu; na mizi ya vaisanga ikagwa: na Babeli ula muzi m’baha ukambukwa mozya he Mrungu, kuinkwa kikombe cha mvinyo wa oro ya kuvihiwa kwakwe. ²⁰ Kila kirua chose kikaaha neri ntuvi tejirevoneka wa. ²¹ Kangi hakagwa mvua mbahisha ya mabwe, eemea sa talanta, ikasea kufuma uko wanga ikavagwia vantu. Vantu vakamrara Mrungu vuntu vwa lila ibigho la mvua ya mabwe; ambu ilo ibigho neki ibahisha.