¹ Nikavona luvengo lungi uko wanga, lubahisha na lwa kimako, vamalaika mfungate vehete mabigho mfungate a mkengelejo, ambu heo oro ya Mrungu yakoloka. ² Kangi nikavona kintu sa bahari ya kiyeo, yesankanyike na moto na vala varevota vefuma he ila nyama, na fwanyanyi yayo na he itaro la izina layo, veimuke mbaimbai he bahari ya kiyoo, vehete mazeze a Mrungu. ³ Navo vekiimba wimbo wakwe mzoro wa mrungu na wimbo wa Mwana Ng’onji, vekiti; Ni mibaha na ya kimako mihiro yako we Mfumwa mrungu mwenye nzinya jose; nzia jako ni ja kitea na ja idi, we mfumwa wa vaisanga. ⁴ Ni uhi esikakufoleke, we mfumwa, na kukaza izira lako? Ambu nirewe kudunkuta mozya hako; ambu mihiro yako ya kitea yakenja kufunukurwa. ⁵ Ivi vyekivecha nikavona, nyumba ya mtaso ya ihema la vuonwa uko wanga lekijuvuwe. ⁶ Na vala vamalaika mfungate vekihete ala mabigho mfungate vakafuma he ila nyumba ya mtaso, vedokiwe suke nyewa jedi, jeelile chew, he mpafu javo vedokie ngana ya dhahabu. ⁷ Na mwe he jila nyama ne ikavainka vala amalaika mfungate vidende mfungate vya dhahabu vyeizue oro ya mwenye moo kae na kae. ⁸ Nyumba ya mtaso ikaizujwa moshi wefuma he ngazo ya mrungu na nzinya jekwe. Nari teheketie mntu eidime kuingia he nyumba ya mtaso, mhaka, ala mabigho mfungate a vala vamalaika mfungate akoloshwe.