¹ Nikaimuka he mshangagha wa bahari. Niho nikavona nyama yekifuma he bahari, yena mpombeikumi na mitwi mfungate, na he jila mpombe hena ngoki ikumi, kangi na he mitwi yayo hena mazina a falaja. ² Na ila nyama neivonie yekifwanane na mpishi, na maghu ayo neki sa a bilobilo, na momo wayo ni sa momo wa simba; lila ijoka likainka nguju yalo, na kichumbi chalo cha kifumwa nz nzinya mbaha. ³ Nikavona mtwi wayo mmwe weikee sa wevinyijwe kivinywa kwa kifwa, na kila kionda chayo cha kifwa kikabanda; si yose ikamaka ila nyama. ⁴ Vakadunkutia lila ijoka ni hala lainka ila nyama nzinya yalo; kangi vakadunkutia ila nyama, vekiti ni ani efwanane na ii nyama, kangi ni anieveiwa kuigera nkondo?" ⁵ Nayo ikainkwa momo weteta viteto vibaha na vya kufoleja. Ikainkwa nzinya ya kuhira ndima yayo mieji makumi mane na miri. ⁶ Ikavusha momo wayo ikamdavura Mrungu na kurara izina lakwe na kikalo chakwe, na vala veikaa uko wanga. ⁷ Kangi ikaikwa kuketa nkondo na vezerire na kuvazima, ikainkwa nzinya he ila mbari na malukolo na vitetire, na he vaisanga. ⁸ Vantu vose veho he isanga veneidunkutia, kila mntu izina lakwe lesiandikwe he kitabu cha nkalamo cha Mwana Ng’onji ekomiwe too kidungo cha si ii. ⁹ Mntu ena masikio nasikie. ¹⁰ Mntu ekighuha mitaha enetahwa. Mntu ekikoma na mhandwi, kimtara kukomwa na mhandwi aho niho hena kugumirija na muitikijo wa vezerire. ¹¹ Kangi nikavona nyama ingi ye fuma he isanga nayo yena mpembe mbiri sa mwana ng’onji, ikateta sa ijoka. ¹² Nayo yerena nzinya sa ila nyama ya kuvoka nayo ikaghosha ii si na vetue heyo vose kudunkutia ila nyama ya kuvoka, eyi ye bandie kila kionda chayo cha kifwa. ¹³ Nayo iketa maluvengo mabaha hata kugusha moto kufuma uko wanga ugwe na he isanga mozya he vantu. ¹⁴ Nayo ivahosha vala veikaa he isanga kwa ala maluvengo yeinkiwe kuoteta mozya ya ila nyama, ekivavwira vala veikaa he isanga vaharehie ila nyama sanamu, ila yekina kionda cha mhandwi nayo ikabanda. ¹⁵ Ikainkwa kugera muho he fwanyanyi ya ua nyama, nesa ila fwanyanyi ya nyama itete na kuvaghosha vala vose vesindunkutie fwanyanyi ya ila nyama va komwe. ¹⁶ Nayo ivaghosha vose vadori na vabaha, vazuri na vakina, nkombolwa na vazoro vavikwe luvengo he mkono wavo wa kuume kana he vizango vyavo. ¹⁷ Kangi iti mntu wowose asiidime kuzora kana kutaghija esire na lula luvengo, nikuti izina la ila nyama, kanaitaro la izina layo. ¹⁸ Aho niho ha kiugho, ula echee nadunganyo itaro la iyo nyama; ambu ni itaro la kimntu. Na itaro layo ni maghana matandatu na makumi matandatu ma mtandatu.