¹ Yesu akaingia hengalawa, akakelanya akafika he muzi wavo. ² Rereha, vakamuete mndu eholoje eyajije hena igodoro, ekinavone mwitikijo wavo, Yesu akamti mndu eholoje, mwanangu, kundana ngoro washighiwa mabanu ako." ³ Rereha vakumwe, va vaalimu vakatetijane vo kwa vo, ‘’umndu efalaja’’ ⁴ Yesu akamanya madunganyo avo akavati ‘’Hanini mwedunganye, buri, bivi hengoro jenyu? ⁵ Nikihi e chedi, kuti, ‘’washighiiwa mabanu ako’kana kuti, ‘’ imuka utoke? ⁶ Mira manyeni mwana wa adamu ena nzinya ya kushighia mabanu – akamti ula eholoje imuka, ghuha igodoro lako na utonge kaa hako. ⁷ Niho ula mndu akaimuka akavuka akatonga kaa hakwe. ⁸ Mavungano vekivona huvo, vakafoleka vakamkaza rungu eye evaingie vantu nzinye yeringane huvo. ⁹ Yesu ekivecha kufuma aho, akamvona mntu kwa izina eitangwa matayo, eye eikae hantu hachuiya kodi, naye akamti ‘’ nirateta mi’’ naye akaimuka akamrateta. ¹⁰ Na yesu hantueitekae iti ale kijo henyumba, vakaza varehugha kodi vajingi na vamabanu vakaza, vakala kijo hamwe ne yesu na varateti vywakwe. ¹¹ Niho mafarisayo vakavonavakavati, varateri vakwe hanini mcheji wenyu ela kijo vareghuha kodi na yamabanu?" ¹² Yesu ekinasikie, akavati vala vesiwaa teveenda mghanga, esire vala vwaa. ¹³ Mira tongeni mkucheje, hi kitize kila kiteto chetu ‘’ cho neenda ni mbonea nere si hasi, ambu mezie kuitanga esire va mabanu. ¹⁴ N’ndeho varateri vyakwe yohane vakaza hakwe vakamti, ‘’hanini uswi na vafarisayo twekuima mira varateri vyako vesikuma? ¹⁵ Yesu kakakatim vala verarikwe he ngasu veidima kuhomberera vena na mwenye ngasu? Mira heneza misi mwenye ngasu enevushwa kutonga havo, niho venekuima. ¹⁶ Tehena mntu egera ndame shaa he suke yesakae, ambu ila ndame yegerirwe he innechwa ila suke izike danduka. ¹⁷ Hesina egera luhwa lusha he masagha a luhwa la kae, chekioka vehira, masagha enebajika na maweaitike masagha akondike. Mira vegera lughwa lushaa he isagha ishaa na vose venekia. ¹⁸ Msi yesu evavwira ivyo, rereha mchili kaza akadunkutia mozia yake, naye akati, ‘’ m’bora wangu achi moo iki, huvu, muira nzoo umvikie mkono wao anga hakwe naye ene kia. ¹⁹ Niho yesu akaimuka akamrtaeta na varateri vakwe. ²⁰ Rereha mche eye ewaie vuaji vwa kufumwa ni sakame miaka ikumi na miri, akaza hafuhi ne yesu akakunta mlingo wa suke yakwe. ²¹ 21. Ambu etie ‘’ kakicha nine kunta suke yakwe ninebanda. ²² Yesu akagharuka akamrereha akamti. ‘’ mwana wa kiche tundana ngoro mwiitikijo wako wakukija’’ saa iyo iyo ula mche akabanda aho. ²³ Yesu ekinafika he nyumba yam chili, akavavona varebigha mitoriro na luvungano vekichwa ntiro. ²⁴ Naye akati, ‘’ vukeni aha ambu uu m’bora tefwie mira eteshinji. Mira vo vekiseka mno. ²⁵ Na vala vantu vekinafunywe na nze, naye akaingia mwendeghu akamgura ula m’bora mkono na m’bora akavuka. ²⁶ Ila mburi ikaginta he isanga lose. ²⁷ Niho yesu ekivecha hala, vome very vesivona vakamrateta vekiitangisha na wanga vekiti e mwana wa daudi utuvoneie. ²⁸ Eho yesu engie he nyumba vala vesivona vakaza hakwe. Yesu akakunta meso avo akati ‘’mketiwe huvo henyu savundu mwitikijo wenyu wevo’’ ²⁹ Niho yesu akakunta meso avo akati ‘’ mketiwe huvo henyu savundu mwitikijo wenyu wevo’’ ³⁰ Na meso avo akatambaruku, yesu akavakokntia ekiti ‘’rerehani asiketi mntu neri mmwe ekimanya kindu ichi. ³¹ Mira vantu ava veri vakavuka vaka vakamanyisha mburi jakwe helila isanga lose. ³² Niho vala vome veri vekitonga chavo, rereha, mntu mmwe esiidima teta ena mbepo akaetwe kwa yesu. ³³ Jila mbepa je vekinafume, ula usekiteta akdunga kuteta. Mavungano vakakugha vakati ‘’ narini icho tekina voneka he Israeli. ³⁴ Mira vafarisayo vakati ‘’efunya mbepo kwa nzinya ya m’baha wa mbepo. " ³⁵ Yesu akatonga he mizi yose na vumuzi, naye ekicheja he masinagogi eki hubirikira mburi yedi ya vufumwa na kubanja kila vuaji. ³⁶ Ekirereha mavungano, akavasikiwa vwasi, kwa kila velie vwasi na kubeka ngoro, veho sa magonji esina mrisha. ³⁷ Niho akavati varateri vakwe ‘’mafindiko ni majingi mira varonga ndima ni vadori. ³⁸ Heicho iki fia mwombeni mfumwa wa mafindiko, atume vandima he mafindiko akwe."