¹ Ekisea Yesu he ntuvi, luvungani lubaha lukamrateta. ² Niho hakaza mtu emumbuka, akamdunkutia ekiti mfumwa wekikunda uidima kunizerija. ³ Yesu akaronga mkono wakwe, akamkunta ekiti nakunda, zera! Hala indi akazera. ⁴ Yesu akati mti! Rereha, usiremvwira mntu, mira tonga urekuvonyesha he mtosi, kangi uinkije itasi sa vuntu mose eazere lioke vuonwa hevo. ⁵ Niho yesu ekiingia kaperanaumu, akida mmwe akamzia ⁶ Akasemba ekiti: mfumwa, mndima wangu eshinjie kula kaa, ni muwaji wa kuholoja, ewajwa haiwa. ⁷ Yesu akamti! Nineza nimbanje." ⁸ Ula akida akamgharusha, akamti; mfumwa mitekinitara uingiw he nyumba yangu; mira tena kiteto kimwe du, mndima wangu enebanda. ⁹ Ambu nami ni mntu neinkiwe mzinya nina vasikazi veho kijusi hemi, nekimti uu; Tonga etonga; na uu! Nzo, eza; na mzoro wangu; Ronga iki na iki eronga. ¹⁰ Yesu ekisikia huvo akakugha, akavati vala ve mratere; kididi ni mutiol sinavona mwitikijo weringane huvu he Israeli, he, mntu neri mmwe. ¹¹ Nami nimutio; vajinki venefu, a kibuka izuva na kingwa, vaze kuikaa ne Abrahamu ne Isaka me Yakono he vifimwa vwa uko wanga. ¹² Mira vana va kifumwa venetaghwa na he kija cha uko nze, niho heneketa kuwetala na kukurerea majengho. ¹³ Yesu akamti ula akida; na kutongire; kikuokie sa vuntu witikike."la mndima weitikije! Ula mdima wakwe akabanda saa ila ila. ¹⁴ Yesu ekinafika kaa hakwe Petro, akamvona mkwewe Petro, mlala wavo mche wakwe, eshinjije he kitanda, e muwaji waisha. ¹⁵ Yesu akamkunta mkono, isho kikasea; akavuka akavatumikia. ¹⁶ Hekioka chamagheri vakamwetiayesu vajinki vengu rirwe ni mpepo, naye akajifunya kwa kiteto chakwe akavabanja na vala vuwanjwa vose. ¹⁷ Nesa kikoloke kila chetetiwe ni mroti Yesaya ekiti; Ye mwenye eghutie vusoka vwetu, na kutika mawaji etu. ¹⁸ Yesu ekivona mavungano majinki vekimjunguluka, akazera kulenya na sela. ¹⁹ Mwandishi mmwe akamswia, akamti. Mcheji nine kurateta hamtu na hose wetonga. ²⁰ Yesu akamti; vibarwe vina makongo, na madeghe a wanga ena mashasha, mira mwana wa mntu tena ha kuyaja mtwi wakwe." ²¹ Ungiwa he varateri vakwe akamti," mfumwa, rongonikundija nitonge niremjika vava." ²² Mira Yesu akamti; nirateta, shigha vafwie vajike vefwie vavo." ²³ Yesu akaingia he ngilawa, na varateri vakwe vakamratera. ²⁴ Hakaketa nkungu mbaha he bahari, ngilawa ikaenda kufinikirwa ni mpombe; Yesu naye eshinjie lugohe. ²⁵ Varateri vakwe vakamswia, vakamvusha, vekitiifu, wa, tukija tuteka!" ²⁶ Yesu akavati; unywiva mwitikijo mghere, hanini mwesikia vogha? Hala indi akavuka, akabohija nkungu na bahari! Hakahuja chwi. ²⁷ Vala vantu vakamaka, vekiti; Ni mntu ani uu hata nkungu na bahari vyemsikia?" ²⁸ Vekifika Yesu sela ila isongo la vagerasi, vantu very vena mpepo, vakakintana naye, vefuma he mbira, vakaimno, neri mntu esiidime kuvechija he nzia ila. ²⁹ Niho vakalonza vekiti! Tunani nawe mwana wa Mrungu? Kama weteza kuturisha vwasi igheri letu lesinafika?" ³⁰ Hekina ifio la nguve nyingi lekila hae navo. ³¹ Jila mpepo jikamsemba Yesu jekiti; kakicha utufunya utukundije tuingie he lila ifio la nguve. ³² Yesu akajiti; Tongani! Jikafuma; jikaingia he nguve; ifio lose likajinka, likasea he kijevu mhaka he bahari, jikafwia he mpombe. ³³ Varisha vakaaha, vakatonga noko he muzi, vakaghamba vyose, hata mburi ya vala venye mpepo. ³⁴ Niho vantu vose vaula muzi vakafuma, vakatonga kumzana Yesu. Vekinamvone vakamsemba iti avuke he isanga lavo.