¹ Musilahe, nesa na unywi musirelahwa. ² Ambu mlaho mwelaha nawo, nirewo na unywi mwenehendiwa na ngero ila mwenegerira, nireyo mwenegerirwa. ³ Hanini werereha kasanu keho he iziso lako we mdughu wako, ma mghamba weho he izio, lako we mwenywe wesiurereha. ⁴ Kana unemtize mdughu wako; cheking’ole kasanu he izio lako, uko he iziso lako we mwenye hena mghamba. ⁵ We mlug’ongo! Rongangola uo mghamba he iziso la ko, niho wenevona nezo, na kungola kasanu he iziso la mndughu wako. ⁶ Musiinke maguro kila chezerire, neri musitaghe lukujenyu he nguve, jesirejitavatira namaghu ajo, jikagharuka na kumungaryura. ⁷ Ombeni muneinkwa! Endani munevona; kokontani munejuvuiwa. ⁸ Ambu kila omba einkwa, n aula eenda evona, naula ekokonta enejuviwa. ⁹ Kana henyu hena mntu, mwanawe ekimwomva kijo enemunka ibwe? ¹⁰ Kana ekimwomba samaki enemuinka nyoka? ¹¹ Anaukinackiche unywi mwe vavivi, mwemanyije kuinka vana vyenyu vintu vyedi, vava wenyu wa uko wanga tekazike kuvainka nyedi vala vemwomba? ¹² Heicho vyose mwenda kuketiwa ni vantu, naunywi vakatetieni huvo, amvu icho nicho myomongwa navarotori. ¹³ Ingiiani he mpenge sisiri; ambu mpenge anamuna near anamu, vitonja he kuteka, na vareingi hevyo mpenge ni vajinki. ¹⁴ Ambu mpenge ni sisiri, na nzia ni fufiji yetonja nkalamo, na vereivona ni vaghere. ¹⁵ Kucheieni he varoti va mongo, vemuzia vedokie mikota ya magonji mira uko ndeni ni maghinga makai. ¹⁶ Munevamanyija he ntunda javo! Hama mntu etunda zabibu he mivwa; kana mkuu he midanga. ¹⁷ Nirehuvo, kila mti wedi ugera ntunda jedi, na mti mvivi teugera ntunda mbivi. ¹⁸ Mti wedi teudima kugera ntunda mbivi neri mti mviv teudima kugera ntunda jedi. ¹⁹ Kila mti wesigera ntunda jedi, unetemwa ugerwe he moto. ²⁰ Heicho munevamayija he ntunda javo. ²¹ Sikila ntu eniitanga, Mfumwa, eneingia hevufumwa vwa uko wanga, esire ula eronga vila vyekundiwe ni vava wangu wa uko wanga. ²² Ula msii vajinki: Mfumwa, mfumwa, teturotie naizina lako he izina lako kufunya mpepo na kuronga virumovijinki he izina lako. ²³ Niho nenevavwira booiti! Na too simumanyijeinywi; vukani hangu unywi verahira vivivi!' ²⁴ Heicho, kila mtu ivyo viteto vyangu na kuronga huvo, enefwanywanywa na mntu echee, ejengie nyumba yakwe wanga he mabwe. ²⁵ Mvua mbaha ikagwa, beria ikasea, njungu ikafefeta vyose vikakusha ila nyumba, isigwe, ambu msingi wayo wejengiwe wanga he mabwe. ²⁶ Na kila esikia ivyo viteto vyangu esironga huvo enefwanyanwa na mntu erundie, ejengie nyumba yakwe he mshangaga. ²⁷ Mvua ikagwa, beria ikasea, kigwire, chayo kikaoka kibaha." ²⁸ Yesu ekikenja ivyo viteto vyakwe, luvungano lukakugha vuntu vwa michejire yakwe, ²⁹ Ambu evachejije nezo sa mwenye nzinya, sis a vaandiki vavo.