¹ Kucheieni, musironge vyedi vyenyu he mseo avantu, nesa murerehwe nivo; ambu mwekiteta hvo temukavone kitumulilo he vava wenyu wa uko wanga . ² Wekikiinkja itaso, usibighe ligunda, sa vuntu valung’ong’o veketa he masinagogi na nzieni, nesa vakazwe ni vantu. Kididi ni mutio; vakenja kughuha kitumulilo chavo. ³ Mira we wekiinkija itasi, neri mkono wako wa kumoso usimanye icho mkono wako wa kuume weketa. ⁴ Nesa itasi lako lioke la mpiso, na vave evona kwa mpiiso enekutumulila. ⁵ Kangi mwekiomba msioke sa valung’ong’o, ambu vekunda kuomba veimuke he masinagogi na he nzia ja matano, nesa vavonwe ni vantu kididi ni mutio; vakenja kughuha kitumulilo chavo. ⁶ Mira we wekomba, ingia he chumba chako cha ndeni, ukinajinga luvwi, unamwombe vaveo kimpiso, na vavevona vya mpiso, enekutumulila. ⁷ Neri mwekiomna musirekuhembira sa vantu va kiisanga, ambu vo veti he vuntu vwa viteto vyavo vijinki niho venesikiwa. ⁸ Heicho musifwanane nava, ambu hata mwesinaomba, vava wenyu emanyije vila mweendo. ⁹ Heicho unywi ombeni huvu; vava wennu weho uko wanga. ¹⁰ Vufumwa vwako vuze; kikundire chako kifuanywe kunu he masanga, sa vuntu chefunywanywo uko wanga. ¹¹ Utuinke yoo kijo chetu . ¹² Utushighie nando jetu, sa vuntu na uswi twevashighia varando vetu. ¹³ Usitugere he mighesho, mira utukije he ula mvivi; ambu vufumwa na nzinya na ngazo, ni vtako kae na kae. Amen. ¹⁴ Ambu, wekivwashighia vantu mateshanyo avo hata vava wenyu wa uko wanga enemushighia na unywi. ¹⁵ Mira mwekisavashighie vantu mateshanyo avo, neti vava wenyu tekamushighie unywi mateshanyo enyu. ¹⁶ Kangi mwekkuima, musioke sa valung’ong’o vena mavusho ejingije, ambu veharusha mavusho avo nesa, vavonwe ni vantu iti vechungie, kididi nimutio; vakenja kughuha kitumulilo chavo. ¹⁷ Mira wewekikima, uvire mtwi wako mafuta, uoje na vusho vwako. ¹⁸ Nesa kukuima kwako kusivonwe ni vantu, esireni vaveo eho moisoni; na vaveoevona vya mpiho, enekutumilila. ¹⁹ Musikwazane ndungu hesi ii hantu jekondwa ni mpeghesa na mkanga na vakea vebaa na kuiva. ²⁰ Mira unywi kuvanzieni ndungu uko wanga, hantu hesikondwa kintu ni mpeghesa neri nkangeri vakea vesibaa nerikuiva. ²¹ Ambu hantu ndungu yako yeho, niho hantu na ngoro yako yeneikaa. ²² Taa ya mwiri ni iziso. Heicho, iziso lako lekioka ledi, mwiri wako wose uneketa kianga. ²³ Mira kakicha iziso lako lekikondika, mwiri wako wose uneoka kija. A na, kianga cheho hewe chekioka kija, si kija icho! ²⁴ Tehena mntu eidima kutuikia vabaha veri, ambu enemvihiwa ula mmwe na kumbunda ula ungi, kama enenguruma na mmwe na kumbera ula ungi, temuidima kumtumikia mrungu na mari. ²⁵ Heicho ni utio; musibinukie mooo wenyuiti mule ni, kana mbwe ni, neri mwiri wenyuiti mudoke ni, moo nhii teteukelile kijo, na mwirite ukelila suke? ²⁶ Rerehani madeghe a wanga! Teehanda neri teefindika, neri teevunganya he gu; na vava wenyu wa uko wanga earera. Hama unywitemuoke lile? ²⁷ Ni ani unywi ekikubinushaa eidima kuongoja vueza vwakwe na ere mkono mmwe. ²⁸ Hanini mwekibinukia mburi ya suke? Dunganyi jieni he virangare vya he virangare vya he mighunda vuntu nyeeha! Tevironga ndima neri tevichuma. ²⁹ Mira nimutio: hata salomoni he ngazi yakwe yose tedokie sa kirangare kimwe hevyo. ³⁰ Heichokakicha mrungu edoka mania he mighunda huvo, nao eikaa yon a yavo agerwa he ivivi tekazike? Kumudoka unwi kukela, mtu va mwitikijo mghere? ³¹ Heicho musibinuke mwekiti; tuleni? Kana, tunweni? Kana, tudokeni? ³² Ambu ivyo vyose viendishwe ni vakiisanga, mira unywi vava wenyu wa uko wanga emanyije iti ivyo vyose muvienda. ³³ Mira rongaendani vufuma vwa mrungu na kitea chauwo, na ivyo vyose muneongeijijwa. ³⁴ Heicho musibinuke cha yavo, ambu yavo inekubinukia yo njenye, ambu kila msi ukolokiwa ni mabinuko awo.