¹ Yesu ekinavone luvungano lwa vantu, akakwea he ntuvi, ekinaikae si, varateri vakwe vajamswia ² Akavushija momo wake akavacheja ekiti. ³ Varela vwedi ni vala e vakiva vahe ngoro; ambu vufumwa vwa uko wanga ni vwavo. ⁴ Varela vwedi ni vala vesononoya; ambu venetujwa. ⁵ Varela vwedi ni vala vena vuhoo; ambu avo venepata masanga . ⁶ Varela vwedi ni vala venanza na nkiru ya singinya; ambu avo veneighutijwa ⁷ Varela vwedi ni vala mbonea; ambu avo venenoniwa. ⁸ Varela vwedi ni vala vena ngoro yeelie; ambu avo venemvona Mrungu. ⁹ Varela vwedi ni varekundanya; ambu avo veneitangwa vana va Mrungu ¹⁰ Varela vwedi ni vala verierieshwa vuntu vwa singisinya; ambu vufumwa vwa uko wanga ni vwaho. ¹¹ Mu varela vwedi unyi, vekinemurara na kumuri eriesha na kumuchungaji vintu vivivi vya mongo vyose vuntu vwangu. ¹² Izihirwani na kungara, ambu kitumulilo chenyu uko wanga ni kibaha; ambu nirevwo vuntu verierieshe varoti vala vemurongorire. ¹³ Unywi mu munyu wa isanga, mira kakicha munyu wekisuha, unegerwa kini nesa ukoe? Teuve wa neri esire kutaghwa noko nze na kuvatirwa ni vantu ¹⁴ Unywi mu kianga cha sii, muzi weho wanga he ntuvi, teuveiwa kuvisika. ¹⁵ Neri vantu teveasha taa na kuigera he kizembe, esire he kivamdiko, nayo iangajija vose veho ndeni he nyumba. ¹⁶ Nirehuvo, kianga chenyu kiangajije vantu vose, ne sa vavone mirongire yenyu yedi, vamkaze vava wenyu wa uko wanga. ¹⁷ Musiti nezie kuvusha myomonywa kana varoti sizie kuvusha esire kukolosha. ¹⁸ Kididi ni utio; mhaka wanga nasi yekineuka mira katemve kamwe kana aknkanuno kamwe ka myomongwa tekekavuka sari vyose vikoloke. ¹⁹ Heicho kila mntu enevusha iazero imwe he ao madori na kucheja vantu huu he vufumwa vwa uko wanga eneitangwa mdori he vose; mira uo enearonga na kucheja vwo, uo he vufumwa vwa uko wanga eneitangwa m’baha. ²⁰ Ambu ni mutio; singisiya yenyu yekisakela ila ya vaandiki na vafarisayo, temukaingie neri he vufumwa uko wanga. ²¹ Mwesikie iti vuntu va kae vetiwe; usikome! Na mntu ekikoma chemvaie kulahwa. ²² Mira ni nimutio; ula emsikiwa mdughu wakwe oro, chenvaie kulahwa; n aula e’mbereshe oro, chemvaie kulahwa; n aula e’mberesha mdughu wakwe, chemvaie kutikwa kitala, na ekimrighia, kimtara kugerwa he moto wa jeheanamu. ²³ Wekiete itasi lako he meza ya mtaso, aho weki kumbuka iti mndughu wako ena kintu nawe. ²⁴ Shigha itasi lako hala he meza ya mtaso, utonge urongehareiana na mndughu wao, unahunduke utase itasi lako. ²⁵ Hareha na mmaisa wako hecheri, hala mwereho nyaenzieni, nesa asire kutika he mzaaha, na mzaha akakuinjika he msikari ukagerwa he kichungo. ²⁶ Kididi ni kutio; tukahafume neri, sari ukenje kuiha ila senti yakenjija. ²⁷ Mwesikie iti chetiwe! Usishinde.' ²⁸ Mira minimutio! Kila mtu emrateta mtu wa kiche no kummotokia, akenja kushinda naye he ngoro yakwe. ²⁹ Iziso lako la kume lekikuhisha, ling’ole ulitaghe noko hae; ambu keba irungo lako liteke, kukela mwiri wako; wose wekigerwa he gehena. ³⁰ Na mkono wako wa kiume wekikuhosha, uteme uutaghe nook hae; ambu ni keba irungo lako imwe liteke kukela mwiri wako wose wekigerwa he fehena. ³¹ Kangi chetiwe; mtu ekimishigha mche wakwe amunke talaka. ³² Mira ni mutio; kila mntu emshigha mche wakwe esire he vuntu vwa kushinda, amghosha mrashinda; na mntu ekmghuha ula eshingiwe, eshinda. ³³ Kangi mwesikie iti vantu vakae vetiwe! Usiaghie kusakolosha, mira umkoloshije mrungu kila wemuighiie. ³⁴ Mira ni nimutio! Usikurighe he kintu neri kwa kulanga uko wanga, ambu niho kichumbi cha mrungu cha kifumwa. ³⁵ Neri kwa kulanga sii, ambu niho hantu evikia maghu akwe neri kwa kulanga yerusalemu, ambu niwa muzi wa mfumwa m’baha. ³⁶ Neri usikurighye kwa mtwi wako, ambu tuidima kughosha lujwii lumwe luoke lujewa kama lujiru. ³⁷ Mira viteto vyenyu vioke; yee yee; hai, ambu cheve cha aho kifuma he ula mvivi. ³⁸ Mwesikie iti chetiwe; iziso kwa iziso, na ijegho wa ijegho. ³⁹ Mira nimutio; musijeruriane na mtu mvivi, mira ula ekubigha isaa la kume, mgharushije na ili lingi. ⁴⁰ Na mtu eenda kukulaha na kughuha nkanzu yako, mshighie hata ikwembe. ⁴¹ Namtu eenda kukutikija kutonga ikenda la maili mwe, tonga naye mbiri. ⁴² Munke ula ekuomba, n aula eenda kukuambala usimwonye goshi. ⁴³ Mwesikie iti chetiwe; umkunde mghenji wako, na, umvishe mnzo wako. ⁴⁴ Mira ni utio. Kundani vanzo venyu vaombieni vala vemurierisha. ⁴⁵ Nes amuoke vana va vava wenyu eho uko wanga, ambu ye ekweja izuva lakwe livaiye vavivi na vedi kangi egushija venye ktea mvua na vesina kitea. ⁴⁶ Ambu mwekivakunda vala vemkukunde unywi muvona mhako ani? ⁴⁷ Kama mwekivakezya vandughu venyu du? Mukela na kini? Hata vantu va kiisango teveraketa huvo? ⁴⁸ Heicho unywi muneoka vekoloke sa vuntu vava wenyu wa uko wanga ekoloke.