¹ Niho ana Yesu akatikwa noko nyika ni mpeho iti aregheshwa ni shetani. ² Akakuima chala misi makumi mane hemsi na kio, nyuma akasikia nza. ³ Mregesha akamzia, akamti kakicha niwe mwana wa mrungu, iti aa mabwe aoke mikate ⁴ Naye akamgharusha; cheandikwe kuti; mntu tevikwa ni kijo du, esire kwa kila kiteto chefuma he momo wa Mrungu." ⁵ Nyuma shetani akamtika he muzi wezerire, akamvika wanga he msadi wa nyumba ya mtasi. ⁶ Akamti; kakicha niwe mwana wa mrungu kugushe na aho si, ambu cheandikwe iti; enekutumia vamalaika vakwe, vakurindije he mikono yao, usireturuma kughu kwako he ibwe." ⁷ Yesu akamti chereandikwa wakuti; usimgheshe mfumwa mrungu wako. ⁸ Shetani akamtika kangi he mtuvi ndeza mno, akavonyesha vufumwa vwose wasi ii na vwedi vwayo. ⁹ Akamti; ninekunka ivi vyose wekingwa si na kunidunkutia." ¹⁰ Niho Yesu akamti vuka aha shetani!!Ambu cheandikwe kuti!! Mdunkutie mfumwa mrungu wako umtase ye du. ¹¹ Nho shetani akamshigha, vamalaika vakaza va kamtumikia. ¹² YESU ekinasikie iti Yohane achungwa akatonga noko Galilaya. ¹³ Akavuka Uko Nazareti, Akaretua Kapernaumu Muzi Weho Mbaimbai Ya Bahari, He Mhaka Wa Isanga Lakwe Zazuloni Ne Naftali. ¹⁴ Nesa Kila Chetetiwe Ni Mroti Yesayo Kikotoke Sa Vuntu Etie. ¹⁵ Isanga Lakwe Zabulonii Na Lakwe Naftali Nzia Ya He Bahari, Sela Ya Yordani, Galilaya Ya Vaisanga. ¹⁶ Vantu Vale Vekiikaa He Kija Vavona Kianaga Kibaha; Na Vala Veekiikae He Isanga La Mvuri Wa Fwiee Kianga Chavafumia." ¹⁷ Kuvokia Ilo Igheri Yesu Akavoka Kubikirikira Ekiti Chweni Mti, Ambu Vufumwa Vwa Uko wanga vwazengelela. " ¹⁸ Ingheri ekivecha mbaimbai ya bahari ya Galilaya akavona vantu very, mntu na mjinawe, ni Simoni eitangwa Petro, ne Andrea mjinawe, vekigera nyavu javo he bahari ambu ne vareloa. ¹⁹ Akavati; Niratera, nami ninemughosha vareloa vantu." ²⁰ Hala indi vakashigha nyavu javo vakamrateta. ²¹ Ekivecha mazya akavona vangi beri, mtu na mji nawe, ni Yakobo mwana Zebedayo, ne Yohane mji nawe veho he ngilawa hantu hamwe na we na vavee ye Zebedayo, vekihareha nyavujavo; akavaitanga, ²² Hala indi vakashigha ngilawa na vavee, vakamrateta ²³ Naye ekijunguluka uko galilaya hose, ekicheja he masinagogi avo, na kubikirira mbyri yedi ya vufumwa, na kubanja kila vuwaji na vushokeri vwose vweho he vantu. ²⁴ Nguma yakwe ikagisha he isanga lose laa Sirya; vakamwetie vawaji vose vergurirwe ni mawaji mbare nyingi na vala vena varisha vwasim veguririwe ni mpepo na vegwa kisa na veholoje naye akavabanja. ²⁵ Mavungano majinki akamrataeta, vefuma Galilaya na Dekapoli na Yerusalemu, Yude na Sela ila ya Yordani.