¹ Misi ila hakavuka Yohane m’batiza akabariki he nyika ya Yudea, ekiti ² Chweni mti, ambu vufumwa vwa uko wanga vwazengelela ³ Ambu uo niye etetiwe ni mroti Yesaya, ekiti; izii la mraamberija uko nyika, Hareheni nzia ya mfumwa, chelelesheni hantu evechija." ⁴ Naye Yohane ekidokie suka ya mavoa ngamia na ngana he kikwindi, na kijo chakwe neki nzighe na nzole ya mpako. ⁵ Nihao vayerusalemu na Yudea yose vakamswia na masanga ase eho mbaimbai ya Yordani. ⁶ Naye akavabatiza he kianda cha Yordani, vekighamba mabanu avo. ⁷ Ekivona vijinki va he vafarisayo na vasadukayo vekizia mbatizo wakwe, akavati; unywi va lulololwa nyoka, niani emurungie kuaha ila oro yeneza. ⁸ Gerani na ntunda jeteghanie kubwa ntii. ⁹ Neri musidunganye he ngoro jenyu iti, Tuna vava eye Abrahamu, ambu; Mrungu eidima kumvushija Abrahamu vana he aa mabwe. ¹⁰ Na izoka lakenja kuvikwa he vikolo vya miti, heico kikla mti wesigera ntundu jedi utemwa ugerwe he moto ¹¹ Mi nimubatiza kwa pombe vuntuvwa kubehwa mti, mira ulaeza nyuma yangu ena nzinya kunivecha, neri tekinivaie kumtikia viratu vyake ¹² Ye enemubatiza kwa mpeho wedi na moto naye ehete ehete chahetia he mkono wakwe, eneelija isankanio lakwe enevunganya ngano hegu, mira mahuhu eneashota na moto wesifwa. ¹³ Igheri ilo Yesu akafuma uko Galilaya, akaza Yordani hakwe Yohane iti abatizwe niye. ¹⁴ Mira Yohane akaenda kumkinda, ekiti; Mi nienda kubatozwa niwe iki engawe uza hemi. ¹⁵ Yesuakamgharusha akamti, iki kunda icho ambu kitutara kukolosha singisinya yose. "Niho indi akamkundija. ¹⁶ Ingeri Yesu ekina batizwe hala indi akafuma he mpombe, niho wanga hakamjughukia akakona mpeho wa mrungu ekimseia eikee sa nziva. ¹⁷ Na izii lefuma uko wanga ekiti uu ni mwanangu mkunde wangu nemwizihirwe."