¹ Yesu akavaitanga varateri vywakwe ikumi na veri hamwe na kuainga zinya ya wanga ya kfunya mpepo mbivi, na kubohia na kuvakinga na kubanja kila vuaji na kusoka na aina jose ja vuaji. ² Mazina a ntume ikumi na veri ni aa, Lakuvoka ni simony (eye eitangwe Petro) ne A ndres mjinawe Yakono mwana Zebedayo ne Yohane mjinawe.

³ Filipo ne Baterlomayo, Toma ne matayo mreghuha kodi, Yakobo mwana Alfayo ne Tedayo. ⁴ Simoni mkanani ne Yuda isikarioti, naye niye emliye irenge. ⁵ Avaikumi na very Yesu evatumie, Akavakokondia ekiti ‘’ Msitonge hantu veikaa vamasanga na msirangie mizi ya visamaria. ⁶ Keba mtonge he magonji etekie a nyumba ya Israel. ⁷ Na mwekitonga birikirani mwekiti, vufumwa va uko wanga vwazengelela.' ⁸ Banjei vawaji, vusheni vefwie, zerijani veumbuka na kinyeni mbepo, mweingiwe sutwa, inkijani sutwa. ⁹ Msitike dhabu, almasi kana shaba hena pochi jenyu. ¹⁰ Msoighuhe mbinda hena ndambo yenyu kana suke jingi kana nzota, ambu mndima etara aingwe kijo chakwe. ¹¹ Na muz wowose kana kamuzi kakose mweneingia endeni mntu eve kumghuhia na muikae hala mhaka mwekivuka. ¹² Mwekiingia he nyumba kezyeni. ¹³ Kakicha iyo nyumba cheifwenye, mborere yenyu ikae hela, mira kakicha nyumba teimfwanye mborere yenyu ivuke hamwe na unywi. ¹⁴ Na vala vesivaghuhia unywi kana kana kusikja viteto vyenyu, msi mwevuka hena nyumba kana mzi uo, kuhangujeni teri ya maghu enyu hantu aho. ¹⁵ Kididi ni mutio, kineoka ya kugurumija zaidiya mzi wa sodoma na gomora msi wa mlaho kukela mzi uo. ¹⁶ Rereha, nimutuma sa magonji ghati ya maguro a sakeni heicho okeni na icha sa nyoka vahoie sa nziva. ¹⁷ Vucheini na vantu, venevatonja he vitala, na venevabigha he masinagogi. ¹⁸ Na mneetwe mozia he valaho na vufumwa vuntu vywangu, nesa vuoke vuona hevo na he masanga. ¹⁹ Mira aho vekimtonja, msikete kudunganya ni kintu ani kana ni kini cha kugaya, henaicho kintu mneingwa msi uo. ²⁰ Ambu si unywi mwenetatea, ambu mbeho wa vava wenyu eteta he unywi. ²¹ Mndughu enemvukia m ndughu wakwe kumkoma, na vava kwa mwana wakwe, vama veneomanya vamoghi, na kuvaendia kifwa. ²² Na unywi mnedawa na kila mntu hena izina langu, mira wowose enegurumija mhaka mwisho mntu uo enepata lukio. ²³ Mira vekimukinga he muzi uu, aheni he ungi, kididi ni mutio, neoka mnetonga he mzi yose ya israeli mwana wa adamu esinahuntuka. ²⁴ Mrechejwa temkela mcheji wakwe, neri mzoro temkela mzuri wakwe. ²⁵ Kikoloka mrechejwa ekioka sa mcheji wakwe na mzoro ekioka sa mzuri wakwe, ukinakiche vamuitanga mwenye nyumba belzabuli, vakaa hakwe tevekaitangwe huvo na kukela. ²⁶ Heicho msivafoleke avo, ambu tehena chevisike cheskarefunukurwa, neri chevisiwe chesikaremanyika. ²⁷ Kila nemvwira he kija, kiteteni he kianga, na kil amwesikia kuwewesiwa he masiki enyu kibirikieni wanga he nyumba. ²⁸ Msivafoleke vala vekoma mwiri mira yesiidima kukoma ngoro. Mira, ula eidima kukoma mwiri hantu hamwe na ngoro he gehena. ²⁹ Vuntoronto vwiri tevutagwa kwa senti ntori? Neri tehena eidima kugwa sii isire vava wenyu esimanyije. ³⁰ Mira hata nywiii jenyu jetariwe jose. ³¹ Msifoleke, ambu unywi wekelile vuntoronto vujingi. ³² Haicho kila mmwe eenenda kunizumira mozia ya vantu, nami nnezumira mozia ya vava wangu eho uko wanga. ³³ Mira kila eye enenikana mozia ya vantu, nami ninemkana he vava wangu eho uko wanga. ³⁴ Msiti nezie kuete mborere he isanga, sizie kuete mborere, esire mahandwi. ³⁵ Ambu nezio kumvika mntu abighane na vavee na mwana wa kibora na mlala wako na mkwe na kewe. ³⁶ Na mnzo wa mntu ni ula wa kaa hakwe. ³⁷ Ula emkunda vavee kana mlala wavo kukela mi uo tenifwinye n aula emkunda mwanawe wa kibwange kana wa kibora kukela mi tenifwenye. ³⁸ Ula eye esitika msalaba wakwe akaniratera mi tenifwanye. ³⁹ Ula eenda maisha eneatesha, mira eye enetesha maisha he mburi yangu eneuvona. ⁴⁰ Ula emughuhia unywi anighuhia mi, n aula enighuhia ula enitumie mi. ⁴¹ Ula emuguhie mroti kwa kuti ni mroti enevona kitumulio cha mroti. Na ula enemghuhia mwenye kitekwa kila ni mntu wa kitea enevona kitumilo cha mwenye kitea. ⁴² Wowose enemuinga mmwewa vadori ava, na ere kkombe cha mpombe ya kunywa yehoie kwa kuti ye ni mrateri, kididi ni mutio, ye tedima kusova kwa nzia yoyose kitumulilo chakwe.