¹ Niho vufumwa vwa uko wanga vwenefwanana na vai ikumi, veghahie taa javo, vakafuma vakatonga kumzana mwenye mlondolo. ² Vasano hevo eki rundie, na vasano vechee. ³ Vai verundie vekinavuhe taa javo teveghuhie. Mafuta, oose. ⁴ Mira vala vechee vetikie na mafuta he viombo vwavo hamwe na taa javo. ⁵ Igheri mwenye mlondolo ekineikaishe, vose vakachunda, vakashinjia lughohe.

⁶ Mira uko ki cha mnane hakaketa lukunga mwenye mlondolo! Fumani mtonge kumzana. ⁷ Hala indi vala vai vose vyakavuka, vwakaasha taa javo. ⁸ Vala verundie vakavati vala vechee. Tughevieni vufuta he ao enyu, ambu taa jetu jifwe. ⁹ Mira, vala vechee vakavagharusha vekiti, kwa kila teekakoloke he uswi na unywi, keba mtonge he vala vetaghija muzore enyu.' ¹⁰ Igheri vekitonga kuzora mwenye mlondolo akazana vala vekuringanye vakaingia he mlondolo na mwenye mlondolo lughwi lukafingwa. ¹¹ Uko nyuma vala vai vangi navo wakaza vakati, “Mfumwa, Mfumwa tujuvuie. ¹² Akagharusha akati, “Kididi nimutio simamanyije unywi. ¹³ Heicho rereheni ambu temumanyije msi neri igheri. ¹⁴ Ambu cheikee sa mntu endie kuzoka akutanga vazori vakwe akavika mari yakwe hevo. ¹⁵ Mmwe akamnka talanta sano ungi akamnka mbiri na ula ungi akamnka talanta mwe kil mntu na kiringanyo cha mudimie yakwe akazoka akatonga chakwe. ¹⁶ Indi ula einkiwe talanta sano akajivizija akamoghija jingi sano. ¹⁷ Nirehuvo, na ula einkiwe mbiri akashuma akaongeja njingi mbiri. ¹⁸ Mira ula mrozi einkiwe talanta akatonga akafora si akashiiya hela ya mzuri wakwe. ¹⁹ Hekinaveche misi mingi, mzuri wa vala wazuri akahunduka aende matero hevyo. ²⁰ Hakaza ula einkiwe talanta sano ekiti, Mfumwa wevikie hemi talanta sano, rereha namoghija jingi sano. ²¹ Mzuri wakwe akamti, cheni umzoro wendi na mkitengo werindie kitengo he vidori ninekuosha mbaha he vijinki ingia he kuzihirwa kwa mziri wako.' ²² Ua einkiwe talanta mbiri naye akza, akati Mfumwa wevikie hemi talanta mbiri rereha najimoghija talanta jingi mbiri. ²³ Mzuri wake akamti ni chedi umoro wendi na mkitengo werindie kitengo he vidori ninekuzihirwa kwa mzuri wako.' ²⁴ Na ula einkiwe talanta mwe naye akaza akati, Mfumwa nemanyije iti we u mntu mkai utunda handa wesihandie na uvunganya handu wesizarie. ²⁵ Heicho nikafoleka nikatonga nikavisu talanta yako he msau rereha kila echako haki.' ²⁶ Mzuri wake akagharusha akamti, “We mzoro mvivi na mdai wemanyije iti nitunda neshihandi na nivunganya nesizarie. ²⁷ Chekikatara kuvika hela yangu he vala veinkija na mnesha, name nekiza nekuvona ila yangu na mesha wayo. ²⁸ Heicho mghumbeni iyo talanta mukeni ena jila ikumi. ²⁹ Ambu ula ena kinta eneinkwa na kuongejijwa fwa mira ula esina kintu, hata kila ena eneghubwa. ³⁰ Na ula mzoro esive, mtagheni noke hae he kija cha uko nze, niho heneketa kiiyo na kushagha majegho.' ³¹ Aha mwana wa mntu ekinezo na ngazo yakwe hamwe na vamalaika wezerire vose, niho eneikaa he kichumbi cha ngazo yakwe. ³² Na waisangasa vose wenevungana mozya heye, naye enevatanga sa vuntu mrisha etanga magonji na mbuji.

³³ Magonji eneavika mkono wakwe wa kume, na mbuji mkono wakwe wa kumoso. ³⁴ Uko nyuma Mfumwa ebevavwira vyala veho mkono wakwe wa lkume, Mzoni unywi mweinkiwe letelwedi ni vava wangu, palani vufumwa mwevikiiwe too masanga ekivumbwa. ³⁵ Ambu nesikie nza mkaninka chala, neki mgheni mkanighuhiya. ³⁶ Nekiho kituhu mukanijika, neki ne mawaji mkaza kaniyoa nekiho he kichungo mkani ziiya.' ³⁷ Niho vala vwa idi venemgharushavekiti, Mfumwa ni rina twekuvonie wesikie nza tukakuova kana wesikie nkivu tukakunka mazi? ³⁸ Kangi ni rini twekuvonie we mgheni tukakughuhia, kana hela kituhu tukakudoka nguo? ³⁹ Kangi ni rini twekuvonie we muaji kana weho he kichungo tukakuziiya. ⁴⁰ Na mfumwa enevagharusha ekivati, kididi nimutio sa vuntu mwemketiiye mwe wa vandughu vangu vadori, nimi mweniketiie.' ⁴¹ Kangi envavwira vala veho mkono wa kumoso vukani hangu, unywi mwetufiwe, matonge noko he moto wa kae na kae wemringane shetani na vumalaika vyakwe. ⁴² Ambu nekisikie nza tumuniinke kijo na nesikie nkivu nemuniinkie mazi. ⁴³ Neki mgheni musinghuhie, nekiho kituhu misinidoke nguo. Ne muwajo kangi neho he kichungo mzize kunivona.' ⁴⁴ Niho avo navo henegharusha vekiti, Mfumwa ni rini twekuvonie wesikie nza, kana nkivu, kana we mgheni, kana weho kituhu kana we muaji kana weho he kichungo, tusikughagaikie. ⁴⁵ Naye enevagharusha ekiti, kididi nimutio sa vuntu mwesimketie mmwe wa avo wadori nemuniketiie mi. ⁴⁶ Avo venetonga kuraingia he ibigho la kae na kae mira vala vaidi vo venetonga he nkalamo ya kae na kae."