¹ Baadaye egaiye na umati wa vantu na varateri vakwe akati, ² Vaandishi na vafarisayo veikaiye kichumbi chakwe Musa. ³ Heicho chochose venanacho vavwire kuhira rongeni kunu mwekivachunguza. Mira msireze msiraterije mihiro yavo, kwa mburi yavo veteta vintu vesivihira. ⁴ Kweri, vo vedchunga mijigho mibaha eyo ni vikuji kutika, na kangi kuvatikisha vantu he vituro byavo mira vo venye tevesogeja hata kichaa kuitika. ⁵ Mihiro yavo yose, veronga iti varereghwe na vantu kwa kila vo vepanua masanduku avo na veongeja vubaha vya mapindo a suke javo. ⁶ Vo vekundie kuikaa handu ha kifahari he sherehe na he vichumbi vya heshima ndeni ya masinagogi, ⁷ Na kukeziwa kwa shima viteto vya kiete, na kuitangwa “vacheji” na vantu. ⁸ Mira unywi tentarwa kuitangwa “Vacheji” kwa kila mwena mcheji mmwe na unywi vose ni vadughu. ⁹ Musimuitange mntu wowose aha he isanga kuoka vava wenyu, kwa kila mna Vava mmwe du, naye eho uko wanga. ¹⁰ Kangi mrize kuitangwa ‘Vacheji’ kwa kilan mana mcheji mmwe du, yaani Kristo. ¹¹ Sari eye m’baha vakumwe venyu eneoka mndima wenyu.

¹² Wowose ekukweja enesejwa. Na wowose ene kuseja ene vushijwa. ¹³ Mira ole wenyu vaandishi na vafarisayo, vedunganya! Mvafingia vantu vufumwa vwa uko wanga. Unywi temuidima kuingia na temvaruhusu veingia kuronga huvo. ¹⁴ (Ole wenyu vaadishi na vafarisayo vedunganya! Kwa kila mwevamija vajane). ¹⁵ Ole wenyu vaandishi na vafarisayo, mdunganya! Mkelanya sela ya bahari na kufika kuketa mntu mmwe aaminin ala mweacheja, na ekioka sa unywi, mhira kantu keri mwana wa jehanamu sa vuntu unywi venye mweho. ¹⁶ Ole wenyu varongori vesivona, unywi mweteta yoyose eapa kwa hekalu, si kindu. Mira eapa kwa dhahabu ya nyuma ya mtaso, echungiwe ni kiapo chakwe. ¹⁷ Unywi mwesivona virundu, kihi ni kibaha kukela kingi dhahabu kana nyumba ya mtaso elwo lwevikie wakfu dhahabu kwa Murungu? ¹⁸ Na wowose apie he madhabahu si kintu mira eapa kwa ndogolo yoho wanga yakwe echungiwe na kiapo chakwe. ¹⁹ Unywi vantu mwesivona, kihi kibaha kukela kingi, ndogolo kana madhabahu eyo evika wakfu ndogolo jefunywa ha Murungu? ²⁰ Heicho, eye eapa kwa madhabahu eapa heicho na kwa vintu vyose veho wanga yakwe. ²¹ Naye eapia kwa nyumba ya mtaso, eapa kwa ilo na kwa ye eikaa ndeni yakwe. ²² Na eye eapa kwa uko wanga, eapa kwa kichumbi cha enzia cha Murungu na kwa ye eitekae wanga yakwe. ²³ Ole wenyu, vaandishi na vafarisayo, vedunganya! Kwa kila miriha zaka kwa bizali, mnanaa na mducha mira mshigha vintu vibaha ya sheria haki mbonea na Imani mira aa mtarwa kuoka mwahira, na esi kushu=igha vingi mwesivitekeleze. ²⁴ Unywi varongori mwesivona, unywi mchija kinyongo kidori mira muidima kuangamia. ²⁵ Ole wenyu vaandishi na vafarisayo, mdunganya! Iti muoja nzie ya vikombe na nze ya sahani, mira ndeni mweizue zuluma na kusaketa kiasi. ²⁶ Unywi vafarisayo mwesivona, ojeni kuvoka ndeni ya kikombe na ndeni ya sahani, iti upande wa nze nao uoke weelile. ²⁷ Ole wenyu vaandishi na vafarisayo na mbira jeviriwe chokaa, eyo kwa nze ivonekana yedi mira kwa nyumba yezue mavindi a vefwie na kila kindu che jirare. ²⁸ Huvo huvo, naunywi kwa nze muvoneka venye haki mozia ya vantu mira kwa nyumba mwezue unafiki na uzalimu. ²⁹ Ole wenyu, vaandisha vafarisayo, vedunganya! Kwa kila mwejenga mbira ja manabii na kujipamba mbira ya venye haki. ³⁰ Unyu mteta, sa mneishi misi ja vava vetu, twesiokie tweshiriki hamwe navo kuita sakame ja manabii. ³¹ Heicho mkutetira venye iti unywi ni vana va avo vevakomie vanabii. ³² Kangi unywi mkenjija kuiziya hantuhestahili mabanu a Vava venyu.

³³ Unywi nyoka, vana va kipiribaha, kwa mburi ani mweneikwepa hukumu ya jehanamu? ³⁴ Heicho, rereha nivatuma henyu manabii, vantu venye hekima, na vaandishi. Vakumwe vavo mnevakoma na kuvasulubisha. Na baadhi yavo mnevachapa ndeni ya masinagogi enyu kuvakinya kufuma mzi mmwe mhaka vangi. ³⁵ Matokeo ni iti wangu yenyu henfumia sakame jose ja venye haki jekufutwe he isanga, kudungia sakame yakwe Habili mwenye haki mhaka kwa sakame ya Zakaria mwana wa Baraka, mwe mkomie ghati ya patakatifu na madhabahu. ³⁶ Kweri nivavwira, vintu ivi vyose enekipata kizazi iki. ³⁷ Yerusalemu, Yerusalemu we wevakoma manabii na kuvabigha mabwi vala evyo vetumwa hako! Kandu ako nevavunganye vana vako hamwe sa vundu nguku ye vunganya vusio kwakwe kijusi ya mazughu akwe, mira tukundie. ³⁸ Rereha nyumba yako yabaki vukiva. ³⁹ Niani ekuvwira, kudungia iki na kuendelea tukunivone mhaka wekiteta, “Ebarikiwe ye ezie kwa izina la Mfumwa."