¹ Yesu akateta navo kangi kwa mifwanano, ekiti. ² Vufumwa vwa uko wanga vwefwanane na mfumwa aendae sherehe ya ngasu ya mwana wakwe. ³ Akatuma vahirindima vakwe kuvakaribisha vala verarikwe kuza he sherehe ya ngasu, mira tevezie. ⁴ mwa evatumie kangi vahirindima vangi, ekiti “Vavwireni vose verarikwe, Rerehani, neandae kijo nzao na ndama jangu jenorire jechunjiwe, na vintu vyose eho tayari, nzoni he sherehe ya ngasu”. ⁵ Mira vantu avo tevegurisha cha kididi mwaaliko wakwe. Vakumwe vakatonge he mashamba avo na vangi vakahunduka handu havyo ha biashara. ⁶ Vangi vakavaimukia vahirindima va Mfumwa na kuvaketia tiri na kuvakoma. ⁷ Mira Mfumwa akakwewa ni oro. Akatuma ijeshi lakwe akavakoma vala vakomi na kushota mzi wavo kwa moto. ⁸ Kukenja akavati vahirindima vakwe “Ngasu iho tayari, mira verarikwe tevestahili”. ⁹ Heicho tongeni he mzazomano a nzia mbaha vararikeni vantu vangi vundu mweidima vaze he sherehe ya ngasu”. ¹⁰ Vahirindima vakatonga nzia mbaha na kuvakaribisha vantu vose vevaronie, vedi na vavivi. Huvo nyumba ya ngasu ikaizua vagheni. ¹¹ Mira mfumwa ekina ingie kuvarereha vagheni, akamvona mntu mmwe eye esidokie suke rasmi ya ngasu. ¹² Mfumwa akamvioija, “Mbwiaa weingie ze ha nyumba bila suke ja ngasu? Na mntu uo tegharushe chochose. ¹³ Niho mfumwa akavati vahirindima vakwe, “Mchungeni mntu uu mikono na maghu na mtagheni nze he kija huko eho heneketa kiiyo na kushagha majegho. ¹⁴ Kwa kila vantu vangi veitangwa, mira vateule ni vachache." ¹⁵ Niho mfarisayo vakavuka na kupanga vuntu ve nemgura Yesu he viteto vyakwe mwenye. ¹⁶ Niho vevatumie varateri vavo hamwe na maherode na vakati Yesu, “Mcheji, twemanije iti we ni mntu wa kweri, na kuti ucheja nzia ja Murungu he idi tuituka vakumwe vantu vangi tuvonyesha upendeleo he vantu. ¹⁷ Kwa icho tuvwire, udunganya ni? Heicho ni kweri kisheria kuriha kodi kwa kaisari kana hai?" ¹⁸ Yesu emanyije vuvivi vywavo vwavo na kuti “Hanini mwenighesha, unywi vanafiki? ¹⁹ Nivonyesheni pesa yetumika kurihia kodi. Niho vakamueta dinari. ²⁰ Yesu akavavwija, “Sura na izina ili ni vyakwe aini?” ²¹ Vakamgharusha, “vyakwe kaisari”. Niho Yesu akaketi, “Mwiingeni Kaisari vindu evyo e vyakwe na vya Mrungu mungeni Murungu. ²² Vekinasikie huvo vekughie. Niho vakamshigha na kutonga javo. ²³ Msi uo vakumwe va masandukayo vezie kwa Yesu, vala vetie tehena ufufuo wa vefwie vakumvwija, ²⁴ Vekiti, “Mcheji Musa chekioka mntu efwie bila kumogha vana mndughu wakwe na amrithi uo mche na amketie mwana kwa mburi ya mndughu wakwe. ²⁵ Hekina vandughu mfungate. Wa kuvoka evonie ha akafwa bila kumogha mwana. Akamshighia mche mndughu wakwe. ²⁶ Niho mndughu wakwe wakeri naye akaketa huvo huvo, niho ula wa kateta, ikaoka huvo mhaka ula wa mfungate. ²⁷ Baada ya kuketa huvo vose, ula mche naye akafwa. ²⁸ Iki he ufufuo wa mche eneoka mche wakweri he ndughu avo mfungate? Kwa kila vose vemughuhie." ²⁹ Mira yesu akavagharusha na kuvati, “Mteka, kwa kila temmanje maandiko wala nguju ja Murungu. ³⁰ Kwa kila he ufufuo, vantu teveghuha wala kughuhwa. Badala yakwe vantu veoka sa malaika uko wanga. ³¹ Mira kuhusu ufufuo wa vefwie, temawahi kusoma kila echo Murungu eketetia henyu ekiti. ³² Mi ni Murungu wakwe Ibrahimu, Mrungu wakwe Isaka, na Murungu wakwe Yakobo? Murungu si Murungu wa Vefwie, mira ni Murungu wa veho hai. ³³ kigheri mvungano vekinasikia ichi, vakakugha michejire yakwe. ³⁴ Mira mafarisayo vekinasikie iti Yesu vachunga momo masadukayo, vakakuvunganya vo venye kwa hamwe. ³⁵ Mmwe wavo ekioka mwana sheria, emvijanye iswali kwa kumghesha. ³⁶ “Mcheji ni amri ihi yeho mbaha kukela jose he sheria?” ³⁷ Yesu akamgharusha, “Lazima umkunde mfumwa kwa moo wako wose, kwa ngoro yako yose, na kwa akili jako jose”. ³⁸ Ili niyo amri yeho mbaha na ya kuvoka. ³⁹ Na yakeri yefwanane na iyo, Ni lazima kumkunda jirani wako sa vundu wekukundie mwenye. ⁴⁰ Sheria jose na Manabii jetegemee mwa moro aa meri." ⁴¹ Na mafarisayo vekinaoke bado vekuvunganye hamwe, Yesu evevwijanye iswali. ⁴² Akati, “Hama mdunganya ni wanga ya Kristo? Yee ni mwana wa kiveni?” Navo akagharusha, “Ni mwana wakwe Daudi”. ⁴³ Yesu akagharusha, “Ni kwa mburi ani Daudi he moo amuitanga Mfumwa, ekiti”. ⁴⁴ Mfumwa emvwirie Mfumwa wangu, “Ikaa mkono wangu wa kume, mhaka nienevaketa vanzo vako vavikwe kijusi ya maghu ako"?" ⁴⁵ Se Daudi emuitanga Kristo “Mfumwa”, vundu ani eneoka mwana wakwe?” ⁴⁶ Tehena eidime kumgharusha kiteto kangi, na tehena egheshije kangu kumvwija maswali tangu msi iyo na kuendelea.