¹ Igheri vekinazengelele Yerusalemu, vekifika Betfage he ntuvi ya mizeituni, niho Yesu akatuma varateri veri ekivati. ² Tongani he kala kamuzi keho mozya yenyu munevona njoe yechungiwe yena na ndama, muichungue munietie. ³ Na kakicha mntu ekimuvwira kintu, mumti. Ni Mfumwa ejienda, naye halaindi enejiinkija." ⁴ Ivyo vyose vyeokie huvo, nesa kila chetetiwe ni mroti kifumane vantu etie. ⁵ Mvwire m’bora Sayuni, Rereha, Mfumwa wako eza na hako, Ni mhoo, naye evekiwe ni njoo yena na ndama mwana wa njoe. ⁶ Vala varateri vakatonga, vakaketa sa vuntu Yesu evavwirire. ⁷ Vakaeta ila njoe na ndama yayo vakatandisha suke javo wanga hejo, akaikaa wanga heyo. ⁸ Vantu vajinki he lula luvungano vakatandisha suke javo nzieni kamwe vakatema mahungo a naiti vakaasasajo nzieni. ⁹ Na mavungano erongore na vala vezie nyuma wakaloma vekiti, “Hoseana Mwana david” mwenye ludelwedi ni ula eza he izina la Mfumwa: Hosiana uko wanga! ¹⁰ Ekiingia Yerusalemu muzi wose ukanyavurika, vakati, “Ni ani uu?” ¹¹ Mavungano vakati, uu ni Yesu ula mroti wa Nazareti ya Galilaya." ¹² Yesu akaingia he nyumba ya mtaso, akawakinya vala vose vekizorania he nyumba ya mtaso, akakubanua meza ja vala vekkekoranya fedha, na vichumbi vyo vala vekitangija nziva. ¹³ Akavati,” Cheandikwe. Nyumba yangu eneitangwa” Nyumba ya kuombia, mira unywi mwaighosha mpanga ya vatrghumba." ¹⁴ Matuntu na veholoje vakamswia na hala he nyumba ya mtaso, akavabanja. ¹⁵ Vabaha va vatasi na vaandiki ivyo virumo evirongie, na vana vekilinza he nyumba ya mtaso, vekiti, “Hosiana, Mwana David! Vakasikia oro”. ¹⁶ Vakamti, “Weresikia sa vuntu avo veti? Yesu akavati yee, temusomie” kwa miemo ya vana vadori na vala veamwa yakolosha ngazo? ¹⁷ Akavashigha, akafuma he ula muzi akatonga Betania akashinjia uko. ¹⁸ Aha heyavo ekihunduka na he muzi akasikia nzo. ¹⁹ Akavona mkuu mmwe mbaimbai he nzia akauswia asivone kintu hevwo esire mahungo du; akavati too yoo narini hasirevoneka ntunda hewa! Hala indi ula mkuu ukaoma. ²⁰ Varateri vakwevekivona huvo vakamaka vakati, “Uu mkuu waoma ze hala indi? ²¹ Yesu akagharusha akavati, “Kididi, kididi, nimutio, Mwekiketa mwitikijo, mwesina matatanyi, muneketa si icho cha mkuu du, mira hata mwekivwira ntuvi ii” Ng’oleka ahauretangwa uko he bahati, kineoka. ²² Na vyose mweenda, mwekiomba mwetikija munevona." ²³ Ekinaingie he nyumba ya mtaso, vabaha va vatosi na vaghosi va vantu vakamswia ekicheja, vakamti ivyo weronga, vuironga na nzinya ani, kangi niani ekunkie iyo nzinya?" ²⁴ Yesu akagharusha, akavati “Nami nienda kmuvwija kiteto kimwe, mwekinanigharusha, name ninemuvwira ni nzinya ani neronga nayo ivyo. ²⁵ M’batizo wakwe Yohane, wefumie he wefumie uko wanga kana ni he vantu? Vakavwijana vo venye na venye, vekiti “Twekiti wefumie uko wanga, eneteti” Hanini mwekisamwitikija? ²⁶ Kangi twekiti wefumie he vantu tufuteka luvangano, ambu vantu vose vevona iti Yohane ni mroti. ²⁷ Vakamgarusha yesu vakamti, “Tetumanyije. Naye akavati, Nami ra sikamuvwirebiti ni nzinya ani neronga nayo ivyo. ²⁸ Mirao mutize? Hekina mntu mmwe ena vana veri va kibwange akatonga he ula wa kuvoka akati, “Mwanangu, yoo tonga ureronga ndima he mghunda wa mizabibu! ²⁹ Akagharusha akati, “Haimi! Uko nyuma akachwa mti akatonga”. ³⁰ Akatonga he ula ungi wa keri, akaremwira huvo, naye akagharusha akati “Yee vava! Mira asitonga. ³¹ He avo very erongie kila vavee ekunde ni uti? Vakamti ni ula wa kuvoka. Yesu akavati, “Vereghuha kodi na vareshinda venemurongorira kuingia he vufumwa vya mrungo” ³² Ambu Yohane ezie henyu kwa nzia ya Singisrya na unywi musimwitikje, mira vereghuha kodi na vareshinda vakamuitikija na unywi mukinavona huvo, temuchwie mti na kuitikija. ³³ Sikijani wa mfanano ungi. Hekina mntu mwenye kaa ehandie mghunda wa mizabibu akaujungulusha lusaigho, akavika vaimi, akavuka akazoka. ³⁴ Igheri la ntunda lekinazengelele akatuma vazoro vakwe he vala vaimi, iti vainkwe ntunda jayo. ³⁵ Vala vaimi vakagura vala vazaro vakwe, mmwe vakam;bigha ungi vakamkoma, na ungi vakam’bigha na mabwe. ³⁶ Akatuma wa vazoro vangi vajinki kukela vala va kuvoka vakarevaketa huvo huvo. ³⁷ Chekenjija akamtuma mwana wakwe hevo ekiti, Mwana wangu venemshimia. ³⁸ Mira vala vaimi vekimvona ula manawe, vakatiana uu niye mpali, herikoni tumkome vapali vwakwe vuoke vwetu. ³⁹ Vakamgarura vakamukoma. ⁴⁰ Ana, ula mwenye mghunda wa mizabibu ekineze enevaketa kukomire kivivi na kuvika vaimi igheri lajo lekifika. ⁴¹ Vakatro, “Enevakonda avo vantu vavivi he nmzia ya vukai na kangi enelikondisha ishamba la mizabibu kwa vaimi vangi va mizabibu, vantu evo veneriaha kwa mburi ya mizabibu yekinabwibwa." ⁴² Yesu akavati, “Temunasoma he maandiko, Ibwe ledaiwe ni vajengi, ilo laoka ibwe ibaha he pembe, kiteto iki chefumie he mfumwa, nacho ni kimako he mso etu?’ ⁴³ Heicho nimutio, vafumwa vwa Mrungu vunevushwa henyu vuinkwe mbari ingi yegera ntunda javuo. ⁴⁴ Na ula enegwia ilo ibwe, enebeka, na ula lenemgwia lineshagha tiki." ⁴⁵ Vabaha va vatasi na vafarisayo vekisikia ila mifwanano yakwe, vakamanya iti nivo evateta. ⁴⁶ Navo vekienda mimgurire, vakafoleka vantu, ambu venonie iti ni mroti.