¹ Ambu vufumwa vwa uko wanga vwefwanane na mwenye kaa, erokie chaheyovo kera karaenda vaimi, watonje he mghunda wakwe wa mizabibu. ² Ekinaaghane na vala vaimi iti msi mwonzi enevainka dinari mwe, akavatuma he mghunda wakwe wa mizabibu. ³ Akafuma kangi sa igheri la sa ntatu, akavona vangi veimuke he kiete vesina ndima. ⁴ Avo navo akarevati “Tongani na unywi he mghunda wangu wa mizabibu ninemuinka kiringanyo chenyu. Vakatonga. ⁵ Akafuma wa sa igheri la sa mtandatu na saa kenda ekiraketa huvo. ⁶ Akafuma kangi sa igheri la saa ikumi na mwe akavona vangi veimuke, akavati “Hanini mwireimuka msi di mwesina ndima? ⁷ Vakamti “Ni kila hesina mntu etuendie akavati “Tongani na unywi he mghunda wa mzabibu.' ⁸ Hekinaswe, mwenye mghunda wa mizabibu akamti ula mreimukiki itanga vaimi waghavie mhaka wawo; uvokie vala va vyuma mhaka utikie vala va kuvoka. ⁹ Vala va saa ikumi na mwe vakaza kila mntu akainkwa dinari. ¹⁰ Vala va kuvoka vekiza vakadunganya iti vo veneinkwa kukela, mira hata vo vakarinkwa kila mntu dinari. ¹¹ Vekinainkwe, vakamdengeretia ula mwenye kaa. ¹² Vekiti ava va nyuma verongie ndima saa mwezu du, na we ukarevaringanya na uswi twelie na kusenuka msi wose di.' ¹³ Naye akagharusha akamti mmwe wavo; mbwiaa si kuishije tetuaghane dinari? ¹⁴ Ghuha kila e chako utonge, natakunda kumunka au wa nyumacheringane na chako. ¹⁵ Kana tekinitara kuketa na mari yangu sa vuntu nekunda? Kana izi so lako lina kila mi ne wedi? ¹⁶ Nirehuvo va msirikijo veneoka va kuvoka, na va kuvoka vaoke va msirikijo." ¹⁷ Aho Yesu ekikwea noko Yerusalemu, aho nzieni akavatika vala varateri ikumi na very njama, akavati. ¹⁸ Rerehani, tukwea noko Yerusalemu, na mwana wa mntu eneinkijwa he vabaha va vatasi na vaandiki, navo venemchwa mburi wa vifwaa. ¹⁹ kangi venemwinkija, he vakiisanga vamsele na kum’bigha viboko na kumvamba he msalaba, mira msie wa katatu enevuka he vefwie." ²⁰ Niho mlala wavo vana Zebedayo akamsiwa hamwe na vanawe akamdunkutia na kumtania kintu. ²¹ Aka huko he vufumwa vwako, mmwe aikae mkono wako wa kume, na ungi mkono wa kumoso." ²² Yesu akagharusha, akati “Temumanyije cho mwetonja muidima kunwia kikombe kila nenenwia? Vakamti “Tuidima”. ²³ Akavati, “Kididi, kdidi munenwia kikombe change mira kuikaa mkono wangu wa kume wa kumoso, siidima kumuinka, esire vala veringanyijwa ni vara wangu. ²⁴ Niho vala ikumi vekisikia huvo, vakavasihiwa vala vandughu very. ²⁵ Mira Yesu akavaitanga, akati, “Mwemanyije iti vabaha va vakiisanga vevotetia kwa nzinya, na vabaha vwa vavabinusha. ²⁶ Mira unywi si huvo! Esire ula eenda kuoka m’baha wenyu aoke mndima wenyu. ²⁷ Na kila mntu eenda kuoka mrongori wenyu aoke mzoro wenyu, ²⁸ Ambu ni sa vuntu mwana wa mntu esizie kutumikiwa, esire kutumikia, na kuinkija moo wakwe uoke irivi la vajinki." ²⁹ Aho ekifuma uko Yeriko, luvunganro lubaha vakamratera. ³⁰ Hekina matuntu very veikee si mbaimbai he nzia, vekisikia iti Yesu evecha vakaitanga na izi ibaha vekiti “Mfumwa, mwana David, utuvoneie”. ³¹ Luvungano vakavabohija iti, vahuje mira vo vakozika lonzu, vekiti, E Mfumwa, mwana David, utu voneie." ³² Yesu akaimuka, akavaitanga, akati, “Muenda nimuketieni?” ³³ Vakamti, “Mfumwa, tuenda iti meso etu atambarijwe”? ³⁴ Yesu akavaondia akakunta meso avo. Hala indi vakavona, vakamratera.