¹ Mira kwakila Kristo etainkie vukomboi: uvu nesa tuoke varekombolwa heicho imukari nesa msiregarijwe kangi igogolo la vuzoro. ² Rereha mi Paulo nimutio: Mwakitavanwa Kristo tekamufaidie kwa njia yoyose ila. ³ Kangi nitetia vuonwa kila mntu wa kuumw etavanwe ito kimtara kulosha viziomo vose. ⁴ Mtanywa ne Kristo unywi mweenda kutarirwa kitea kwa viziomo mwangwia hao na mbonea. ⁵ Ambu uswi mpeho tughoja ikijo la kitea he nzia ya mwitikijo ⁶ Ambu he Kristo Yesu katavanwa kana kusata wanwa tekughenja kitu nesire mwitikijo we ronga ndima kwa lukundo niyo yerenja kintu. ⁷ Mwekidindika nezo niani emukindie msisikie kweri? ⁸ Uku kukengereja tekufuma he ula emwitange umwi ⁹ Kachandu kadori kekarasha itonge lose ¹⁰ He mfumwa nina kiariro iti temukakete machanganyo ambare ingi wowose ula enemteshanya enetika mlaho wakwe mwenye wowose ula. ¹¹ Vandughu kakidi nibirikira mburi ya kutavanwe harini nerishwa vwasi he swala ilo kila echo chekinda msalaba kiindima kukondwa. ¹² Nimikundire yangu iti vala vemrongo rira uvivi vektema vo venye. ¹³ Mrungu evaitange anywi vandughu he nkomboi mira kokombolwa kwenye kusioko kwa kuratera mwiri mira kwa lukundo mwekihirirana unywi kwa unywi. ¹⁴ Ambu viziomo vyose vekoloke he mburi mwe nayo ni ii umkunde mghenji wako sa we mwenye. ¹⁵ Mira mwekimana na kulana rereha iti msi konedani unywi kwa unywi. ¹⁶ Heicho niti: Tongani kwa Mpeho ambu neri mwesikakoloshe tuma ja mwiri. ¹⁷ Ambu mwiri una tuma ulawana Mpeho na Mpeho naye eluwana na mwiri ambu ivi vikanana neri temuidima kahira kila mweenda. ¹⁸ Mira mwekirongorirwa ni Mpheo, temuho kijusi ya viziomo. ¹⁹ Vana vangu vadori e unywi nemusikiwa lubegho mhaka, Kristo arumbike kangi ndeni he unywi. ²⁰ Nanga nekiho hamwe na unywi iki na kuggharusha izi langu! Ambu ni tatanya he mburi yenyu. ²¹ Nivwirani unywi mweenda kuikaa kijusi ya viziomo mira temusikia kiteto cha viziomo. ²² Imiso vuengeji kulicha na vingi vyefwanane na ivyo nemuvwirire hecheri, sa vuntu nekeijeje kumuvwira kuvoka iti vantu veketa vintu sa ivyo tevekapale vufumwa vwa Mrung. ²³ Mira ntuda ja mpeho ni,: lukundo, kuizihirwa, mporere, kuvumija, mikarire yedi, na mwikijo. Vuho kuringanyo he mburi sa ijo tehena kiziomo. ²⁴ Na vala e vakwe Kristo Yesu. Vevambie mwiri ho msalaba hamwe na madanganyo avo mavivi na tuma javo. ²⁵ Twekiikaa na moo kwa Mpeho natutonge owa Mpeho. ²⁶ Tusikukaze tusivambujane kiba mntu na mghenji neri tusivoneene lwiso.