¹ Mira aiteta mpali igeri lose I mdori tetekane na mzoro nziaho nio mbaha wa mari yose. ² Mira eho kijusi ya vabaha na vaveri mhaka ugeri levikiwa ni vavee. ³ Nire huvo na uswi ahe twe vana twelabibushwa ni misimo ya kuvoka ya ili isanga. ⁴ Aho igheri lekinafika, Murungu emtumie Mwana we eye emoghiwe ni mche emoghiwe kijusi ya viziomo. ⁵ Eroghogie huva nesa avakombole vala veho kijusi ya viziomo nesa na uswi tuidime kughoshwa vana. ⁶ Na kila unywi mwaoka vana, Mrungu emtumie Mpeho wa Mwanawe he Ngoro jetu Mpeho eitangie Aba, Vava.'' ⁷ Kakicha ni huvo we tu mzoro kangi, mira u mwana na kukicha u mwana u mpali he Murungu. ⁸ Mira igheri lila kwa kuti temumumanyije mrungu mweki vazoro vya too aho kuvoka eseki Murungu. ⁹ Mira ili mwakenja kummanya Murungu kana kumanyika he Mrungu hariri mwehundukia kangi ila mchejivo ya kuvoka ?e mvoka jesima maana kana mwenda kuoka vazoro kangi? ¹⁰ Mgura kwa kurerehisha misi ya mana na kufuma kwa miji, igheri na miaka nifoleka he nburi yengu. ¹¹ Nipoleka iti usike hangi nekuveshije vwari bule. ¹² Vandughu nimsemba muoke sami, ambu mi name nire sa unywi temnikosie neri. ¹³ Mira mwemanyije iti he mburi ya vuaji vioa mwiri nemdorukive mburi yedi kuvoka. ¹⁴ Handu mburi ya vusoka vwa mwiri wangu nemugerire he mighesho mira temuniberire neri kunisua mira mwenighahiee sa malaika wa Murungu se Kristo yesu mwenye. ¹⁵ Kuho hiyo kuizihirwa kwenu ambu nemutetie vuo nwa iti kakicha chekive mweking’ola meso enyu muniiake mi? ¹⁶ Kanao naoka mvivi wenyu kila namuvwira idi? ¹⁷ Vesaka ni chedi kusikiwa mira si kwa vwedi veenda kututanya unywi na name nesa muvaratere ¹⁸ Nacho ni chedi kusikiwa nkwina he mburi yedi misi yose neri si igheri neho na unywi du. ¹⁹ Iki niihiro ya mwiri ivonekana nao ni ua kushinda ihani tuma. ²⁰ Kutasa masanamu, uusavi nzo, mavuo, kiru oro irenge, msopano, kuvavanyika kwa mazehebu. ²¹ Imiso vuengeji kulicha na vingi vyefwanane na ivyo nemuvwirire hecheri, sa vuntu nekeijeje kumuvwira kuvoka iti vantu veketa vintu sa ivyo tevekapale vufumwa vwa Mrung. ²² Mira ntuda ja mpeho ni,: lukundo, kuizihirwa, mporere, kuvumija, mikarire yedi, na mwikijo. ²³ Vuho kuringanyo he mburi sa ijo tehena kiziomo. ²⁴ Na vala e vakwe Kristo Yesu. Vevambie mwiri ho msalaba hamwe na madanganyo avo mavivi na tuma javo. ²⁵ Twekiikaa na moo kwa Mpeho natutonge owa Mpeho. ²⁶ Mira Yerusalemu wa wanga ni mche wakwe mwenye naye niye Malala wetu. ²⁷ Ambu heandikwe zihirwa we ntasa wezimogha, lonzisha, upighe kilonzo cha kuizihirwa we wesimanyie kumogha ambu vangi na vana va ula ntasa, kuvecha uo ena mume.'' ²⁸ Iki vandughu se Isaka unywe ma vana vakivavo ²⁹ He igheri lila ula emoghiwe kimwiri emrieriecha ula emoghiwe kwa Mepho nrehuvo vuntu cheike na iki. ³⁰ Mira iandikp litize? Mkinye mzoro na mwanawe ambu mwana wa mzoro tekapole na mwana ula wa mche mwenye. ³¹ Ni huvo ra vandughu vangu uswi teta vana va mzoro mira tu vana va mche mwenye.