¹ Vagalatia virundu, ni isizo ani ivivi lemukondanye? Alafu Mfumwa Kristo tevonyeshwe saiti enshizywe vywasi mbele ya meso enyu? ² Mi nienda tu manye iki kufuma henyu, alafu mmpoe Ngoro he matendo a sharia kana hekuamini kila mwekisie? ³ Alafu unywi mu virundu kiasi iki? Alfu muvokie he Ngoro nesa Mukenjizye he mwiri? ⁴ Alafu mulievwasi he vintu vijinki bule, kakicha kweri kiokie ni bule? ⁵ Alafu ye efwinyie Ngoro henyu na kuronga mihiro ya nguvu gati henyu kuronga kwa mihiro ya sharia kana he kusikia hamwe na Imani? ⁶ Abrahamu “Emwaninie Murungu akatarwa iti ena idi.” ⁷ Kwa sababu ila ila elewani iti vala nevo veamini ni vana vakwe Abrahamu. ⁸ Magonde erotie Murungu ekivatarira idi vantu va mataifa he nzia ya Imani injili, ilisemwa kuvoka hakwe Abrahamu hako we Matifa ose akabarikiwa”. ⁹ Nesa kakenda vala nevo vena Imani vabarikiwe hamwe na Abrahamu eye eokie na Imani. ¹⁰ Vala nevo veariria mihiro ya sharia veho si ya laana he iti “hegondiwe alaaniwe kila mntu eneghirana na vintu vyose vegondiwe he kitabu cha sheria, kuvihira vyose,” ¹¹ Iki ni mwazyi iti Murungu temutarira idi neri mmwe he sheria kwa iti “ Mwenye idi enekaa he Imani,” ¹² Sheria teifuma he Imani, mira seri ye eye ironga vintu ivi he sheria, enekaa he sheria.'' ¹³ Kristo etukombole uswi kufuma he laana ya sheria msi eokie laana he vuntu vywetu kwaiti igondiwe “alaniwa ye mntu enetundikwa wanga ya mti,” ¹⁴ Ilengo hiokie iti, Baraka zyeho hakwe Ibrahimu zyikagharuka he vantu vya mataifa he Kristo Mfumwa, nesa iti tudime kughuha ahadi ya Ngoro kuvechizyia Imani. ¹⁵ Mdungu, nigaya he namuna ya kimuntu, hata musi newo iagano la kimuntu lakenja kuvikwa imara, etehana edema kulisahuja kana kuongheja. ¹⁶ Iki ahadi zyitetiwe hakwe Ibrahimu na he kizazi chakwe, tekiteta, “he vizazi kuvonyesha vajinki, mira badala yakwe he mmwe du,” he kizazi chakwe eye na Kristo. ¹⁷ Cheteoka saiti vurithi vywekiza he nzia ya sheria wesekioka iti uzie he nzia ya ahadi, Murungu akaufwinya bule hakwe Ibrahimu he nzia ya ahadi. ¹⁸ Iki nitreta huvu, sheria neyo yezie mika 430 magana mane na thelasini badaye teivucha iagano la nyuma levikiwe ni Murungu. ¹⁹ Hanini iki sheria yefwinyiwe? Iongenywe he vuntu vywa makossa mhaka mramogwa wakwe Ibrahimu aze he vala nevo havo eokie eahiidiwe, sheria ikavikwa he shinikizo kuvyechizya malaika he mkono wa mpatanishi. ²⁰ Iki mpatanishi ivonyesha haiwa ya muntu mmwe, mira Murungu ni mmwe ni mmwe ye du. ²¹ He huvo alafu sheria iho kinyume a ahadi zya Murungu? Hai neri kwa kakicha sheria yeeho ifwinyiwe ioke ba uwezo wa kuete lukio kweri yekivoneka he sheria. ²² Mira badala yakwe, iandiko la chunga vintu vyose si ya mabanu, Murungu karonga huvu nesa iti ahadi yakwe ya kutukombola uswi he Imani he Mfumwa Kristo idime kuvoneka he vala nevo vengwireshe. ²³ Mira hesina Imani he Krsito teinaza, tuokie twachungwa na kuoka e si ya sheria mpaka uze mfunukuro wa Imani. ²⁴ He huvi sheria iokie mrongonyi wetu mhaka Kristo akanaza, nesa iti tutarirwe idi he Imani. ²⁵ Iki kwa iti Imani tetuho kangi si ya eturereha. ²⁶ Kwa iti unywi vose mu vana vya Murungu kuvechizyia Imani he Kristo Mfumwa. ²⁷ Vose nevo mwebatizwa he Kristo mwamujika Kristo. ²⁸ Tehena Myahudi kana Muyunani, mzoro kana huru mgosi kana mche kwa iti unywi vose mu umwe he Kristo Mfumwa. ²⁹ Kakicha unywi mu vakwe Kristo, basi mvakwe ibrahimu, mvarithi he mpango wa ahadi.