¹ Baada ya mika ikumi nane nikatonga kangi Yerusalemu hamwe na Barnaba, alafu nikamughuha Tito hamwe name. ² Nitongie kwa vuntu Murungu kafwinyinzya hangu kwaiti niendiwe kutonga, nivikiwe mbele yavo injili eyo neitangaze he vantu vya mataifa (Mira nikagaya kwa mpiso he vekitetwa iti nivarongozyi mhimu). Nirongie huvyo nesa kuhakikisha iti niokie sijinka, kana nijinkie bule. ³ Mira hata Tito echo hamwe name nee Myunani, ekalazimisha kutavanwa. ⁴ Kintu iki kitokee kwa vuntu vywa vandugu va mongo vezie kwa piso kupeleleza uhuru twekina nao he Kristo Mfumwa vetamanie kutuosha uswi kuoka vazoro vya sharia. ⁵ Tetukkufwinyizue kuvaitikia hata he issa imwe, Nesa iti injili yakweri ishale bila kugaruka kwetu. ⁶ Mira vala vekitatwa iti ne varongozyi tevengarushe chochose hangu, chochose veokie vekironga tekiokie na mana hangu, Murungu tekunda upendeleo wa vanaadamu. ⁷ Badala yakwe vakanivona iti naaminiwa kuitanagaza injili he vala nevo vesitavanwe, kikaoka iti Petro atangaze injili he vala vetavanwe. ⁸ Ambu Murungu, erongie ndima ndani yakwe Petro kwa mburi ya tume he vala vetavanwe, ambu erongie ndima hangu he vantu mataifa. ⁹ Kigeri Yakobo Kefa, na Yohana, vemanyike iti vejengie Kanisa, vakamanya Neema neinkiwami, vakatunguhia he ushirika mi na Barnaba, vakaronga huvo nesa iti tutonge he vantu vya Mataifa, nesa iti vadime kutonga he vala vetavanwe. ¹⁰ Alafu vakatuenda uswi tuvakumbuke vakiva mi name niendie kuronga kintu iki. ¹¹ Musi Kefa ezie Antiokia, Nikamugomia waziwazi kwa vuntu eokie amukosia. ¹² Hesina keta vantu kadhaa kuza kufuma he Yakobo, kefa eokie ekila hamwe na vantu vya mataifa mira ava vantu vekinaza, akashigha na kuvuka kufuma he vantu vya mataifa, akaoka eoghoha vantu nevo veendie tohara. ¹³ Hehuvo Vayahudi vangi vakaghurana na unafiki ula hamwe na Kefa, matokeo akwe yakaoka iti hata Barnaba etikiwe na unafiki wavo. ¹⁴ Mira nikanavona iti tevekienda kuatera injili ya kweri. Nikamuvywira Kefa mbele yavo,” Kakicha unywi mu Vayahudi mira muishi tabia zya vantu va mataifa badala ya tabia vya mataifa kuishi sa Vayahudi?” ¹⁵ Uswi twesi vayahudi kwa kumongwa na nesi “Vantu vamataifa venye mabanu,” ¹⁶ Manyani iti tehena etorirwa idi he matendo a sharia, badala yakwe, vetarirwa idi he Imani ndani ya Mfumwa Yesu Kristo, tutarirwa idi he Imani ndani ya Kristo na si hematedno a sharia, he matendo a sharia tehena mwiri wenetarirwa idi. ¹⁷ Mira kakicha tumusaka Murungu kwa kutarirwa idi ndani yakwe Kristo, tenekukicha vyenye kwaiti tuvenye mabanu alafu Kristo eoshizywe mzoro wa mabanu? Esi huvo. ¹⁸ Hata kakicha nikajenga viariro vyangu wanga kurinda sharia, kiariro necho nekezyizye kukivucha nikuvonyesha mwenye iti ni mura konda sharia. ¹⁹ Kuvechia he sharia, Nifwie he sharia, he huvo kinotara niishi he vuntu vywa Murungu. ²⁰ Nirishizywe vwasi hamwe ne Kristo, simi kangi neneishi, seri Kristo aishi ndani hangu maisha neishi he mwiri niishi he Imani ndani ya mwana wa Murungu eye enikundie na akakufwinya kwa vuntu vywangu. ²¹ Siisua Neema ya Murungu, ambu kakicha idi iokie kuvechizya sharia basi Kristo ekioka efwie bule.