¹ Vandughu mntu ekishereta he iteshanyo lolose mntu sa uo unywi mwe va ki Mpeho mhundueni vushaa kwa ngoro ya vuhoo mwakikurereha unywi venye msirengie he miresho. ² Mukitikiana mijigho huvo nikokulosha lazero lakwe Kristo. ³ Ambu mntu ekikuvona iti ni kintu naye esi kintu ekuisha ye mwenye. ⁴ Mira kila mntu nakonesha ndima yakwe mwenye niho enevona cha kukukazia ye mwenye ela tekukuznganye ye mwenye na mntu wowose. ⁵ Ambu kila mntu enetika mjigho wakwe mwenye. ⁶ Mrechnjwa kiteto nakete sanga na mcheji wakwe he vyedi vyose. ⁷ Musiishwe Mrunge tusolwa: ambu icho icho mntu ehandie niveche enekivuna. ⁸ Ambu yo ehandie mbeu he asili yakwe ya mabanu enevuna kukondika mira ye ehandie he Mpeho enevuna kalamo ya kae na kae kufuma he Mpeho. ⁹ Kangi tusifikwe kuronga vyedi: ambu tunevuna igheri lakwe twesifio ngoro. ¹⁰ Heicho twekivuna kapengere naturongie vantu vose vyedi twekironga mno he vala vadughu va mwitiko. ¹¹ Rerehani ki vubaha vwa barua nemuandikia kwa mkono wangu mi mwenye. ¹² Vala veenda kuhira vywedi kwa kuvorehe mwiri nivo vemkakasha kutavanwa nesa vasiurorijwe ni msalabani wakwe Krsito. ¹³ Ambu hata vo venye vala vetavanwe tevegurishe viziomo. Mira veenda unywi mutavanwa, nesa vakaziwe he miri yenyu. ¹⁴ Mira mi sienda ngazo he kintu chcochse esire msalaba wa Mfumwa wetu Yesu Kristo ni he msanga wevambiwe hemi na mi he masanga. ¹⁵ Ambu kutavanwa kana kusatavanwa si kintu mira kumoghwa vushaa nicho chena maana. ¹⁶ Na vose venetongie he msimo uo, mporere naivaikaiye na mbonea loke wanga yavo vose na wanga ya isiradi va Mrungu. ¹⁷ Too iki mntu asinirishe vwasi ambu netikie he mwiri wangu visimbiko vyakwe Yesu. ¹⁸ Vandughu mbonea ta Mfumwa wetu Yesu Krsito iikae hamwe na ngoro jenyu .Amina.