¹ Mira Sauli ekizikafolesha na kudunganya cha kukoma varateri va Mfumwa ,akamswia mtasi m'baha ² Akaenda amunke barua kutonga he sinagogi ja Damesiko, nesa ekivona vantu vamizi ii va kiume kana va kiche awachunge na kuvaete Yerusalemu. ³ Ingheri echeri ezoka aho ekizengelela Damasko , hala indi kianga kibaha chefuma uko wanga , kikamwangaja miono yose', ⁴ Akagwa hala si akasikia izi lekimti, "Sauli , Sauli, hanini wenireerishe?" ⁵ Akati, " Nawe ani Mfumwa ? Naye akati, " Mi nimi Yesu wemrierishe; ⁶ Mira vuka uingie he muzi, unevwirwa kila chekutara kuketa ⁷ Vula vantu vezoka naye vakaimuka vehomborere, kila vesikie izi, mira vesivwene mntu. ⁸ Sauli akavuka hala si ekivusha meso tevona kintu, vakamgura mkono, vakamtorija Damasko. ⁹ Akaikaa misi mtatu, esivona esile , neri kunwa. ¹⁰ Uko Damasko hekina mrateri eitangwa Anania, Mfumwa akamvwira he kumvonekia kimpeho, " Anania." akati, "Niwaha Mfumwa. ¹¹ "Mfumwa akamti, " vuka utonge he nzia yeitangwa yerongeke, uvwije he nyumba yake Yuda, mntu eitangwa Sauli wa Tarso ambu rereho,eho eomba ; ¹² Naye evonie mntu eitangwa Anania ekiingia na kumvikia mikono nesa eidime kuvonawa. ¹³ Mira Anania akagharusha , "Mfumwa , nesikie mburi ja uo mntu he vantu vajinki, sa vuntu evaketie vantu vako vezerire uko Yerusalemu vivivi vijinki; ¹⁴ Kangi wa aha ena nziya ya vatasi vabaha ya kuchunga vala valenga izina lako hose. ¹⁵ Mira Mfumwa akamti, "Kutongire, ambu uo ni ntanu neisaghure , atonje izina langu he vakiisanga na he Vafumwa nahe va I sraeli. ¹⁶ Ambu ninemvonesha vijinki vyemtara kurishwa vwasi vantu kwa izina langu." ¹⁷ Anania akatonga , akaingia he ila nyumba , akamvikia mikono ekiti, Mndughu Sauli , Mfumwa Yesu , ula ekufumire kula he nzizi ila weziie, entumie iti uidime kuvona vva , kangi uizuwe mpeho wedi. ¹⁸ Hala indi meso akwe akagusha vintu sa makanka, akavona akavuka ,akabatizwa; akala kijo akaketa nguju. ¹⁹ Akaikaa uko misi musiku hamwe na Varateri veho Damasko. ²⁰ Hala indi akam'birikira Yesu he masinagogi, iti Yesu ni Mwana wa Murungu. ²¹ Na vose vemsikie vakamaka ,vakati uu siye ula ekirierisha vula veranga ilo izina uko Yerusalemu? Na chemwetie na ahasi iti avachunge na kuvatika he vatasi vabaha." ²² Sauli akazikaketa nzinya Vayuda vala veikaa uko Damesko akavagera kutatanya ekikonesha iti uu niye Kristo. ²³ Niho misi mingi, yekivecha vayuda vakachila iti vamkome. ²⁴ Mira kiavia chavo kikamanyika he Sauli vakamvindija he mvera hemsi na kio iti vamkome. ²⁵ Varateri vakwe vakamghuha na kio vakamsejija he lukuta na kikapu. ²⁶ Sauli ekifika Yerusalemu akaghesha kukusankanya na varateri mira vose vekimfoleka , visiitikije iti ye ni mrateri. ²⁷ Mira Barnaba akamaghuha akamtwaa he ntume , akavagai ya sa vuntu emvonie Mfumwa uko nzieni , na iti etitie naye kangi vuntu ebirikire he izina lakwe Yesu kwa ndekero uko Damasko. ²⁸ Naye akaikaa hamwe navo, ekiingia na kufuma uko Yerusalemu. ²⁹ ekibirikira kwa ndekero he izina la Mfumwa ekiteta na kukana na Vayuda va kigriki, navo vakaenda kumkoma. ³⁰ Mira vandughu veikimanya ivo mburi vakamtonja kaisaria , vakamwinkija noko Tarso. ³¹ Niho kanisa uko Yudea hose na Galilaya na Samaria, likaikaa mporere, likaketa minyo , likaneta na kutongejika he kumfoleka Mfumwa na kutujwa ni mpehoi wedi. ³² Ingeri Petro ekijunguluka myondo yose, akasea hata he vala vezerire veikaa uko lida. ³³ Akavona mntu uko eitangwa Enea ,eshinjie he kitanda miaka mnane; ambu eholoje. ³⁴ Petro akamti. "Enea Yesu kristo akubanja ,vuka utandisha kitanda chako," Hala indi akavuka. ³⁵ Vantu vose veikaa uko Lida na Saroni vekimvona , vakamgharukia Mfumwa. ³⁶ Uko yope hekina mrateri eitangwa Tabitha, wekigharusha ni "Dorkasi" ni kuti sunimche ekiizwe ekiizwe mihiro yedi na kauinkija matasi. ³⁷ Niho misi ila akawaa akafwa; Vekinamwije vakamviko uko gu. ³⁸ Kila Lida wekihafuhi na Yope, na varateri vekisikia iti Petro eho uko vakatuma vantu veri heye , kuza hetu". ³⁹ Petro akavuka , akatonjanya navo. Ekifika vakamkweja nasa vache vose vefwitwe ni vome vakaimuka hafuhi naye vekiia na kumvonyesha jila nkezu na marinda Dorkasi echumie hala ereho na moo. ⁴⁰ Petro akavafunya na nze vose , akadunkuta ,akaomba , ekikenja akagharukia kila kimba , akati ,"Tabita , vuka". Naye akavusha meso ekinamvone Petro, akavuka akaikaa si. ⁴¹ akamrongia mkono , akamvusha , ekinatange vala vazerire na vala vacha vetwiiwe ni vome akamvika mozya hevo eho moo. ⁴² Kikamanyika he muzi wose we yope, vantu vajinki vakamwitikija Mfumwa. ⁴³ Akaikaa misi mingi uko yope ha mntu mmwe mrefuka mikoto eitangwa simoni.