¹ Uko kaisaria hekina mntu eitangwa korinelio akida wa itagwa leitangwa la kiitalia. ² Naye ne mntu egurisha kangi emfoleka Mrungu , ye na kea yakwe yose ekiinkija mujinki he vantu na kumwomba Mrungu ugende. ³ Msi mmwe igheri la saa kenda ja he msi akavona kimpeho.Malaika wa Mrungu , ekimzia na kumti"Konnelio! ⁴ Akamrerehisha akaituka akamti "Ni kini Mfumwa?" Akamti Ni kini Mfumwa ? akamti maombi ako na matasi ako akwea sa nkumbu uko wanga mozya he Mrungu". ⁵ Ikira tuma vantu uko yope uremwitanga simoni, eitangwa Petro. ⁶ Ye ni mgheni wa mntu eitangwa simoni ,mresuka mikota , nyumba yakwe yeho mbuimbui he baharia, enekuwira kila chekutara kuronga." ⁷ Niho ula Malaika etetie naye ekinatonge ,korinelio akaitanga vantu veri he vandima vakaa hakwe , na msikari mmwe , e mntu egurisha he vala vemhirira genda. ⁸ Ekikenja kuvagaiya vyose akavatuma uko yope. ⁹ Hala yavo yakwe , aho vekizoka, vekizengelela hafuhi na muzi, Petro ekweie na gu kuraomba igheri la saa mtandatu ja hemsi. ¹⁰ Akasikia nza haiwa , akaenda kula.Aho vekiringanya kijo akasempuka. ¹¹ Akavona uko wanga hejuvuke hakasea kintu chukee sa suke mbaha ikasejwa mhaka si, yegurirwe vikono vine. ¹² Ndeni heyo hena mbare jose ja nyama ja maghu mane, na jebulutika , na madeghe a wanga. ¹³ Tui likamzia ekiti , Petro vuka koma ule". ¹⁴ Mira Petro akati"Hai Mfumwa ,ambu too sinala kintu kivivi kana ahesiliwa. ¹⁵ Hii likamzia ka keri lekimti "Vila Mrungu evizerije we usiviitange vivivi" ¹⁶ Icho kikaketika huvo kantu katatu, nyuma kikahunduwa hala indi noko wanga. ¹⁷ Aho Petro echeriganganya he ngoro yakwe , iti icho avona kimpeho ni kuti ze, vala vantu vetumiwe ni korinelio ,vekikinja kuvwija nyumba yakwe Simoni vakaimuka mpengeni. ¹⁸ Vakaitanga vakavwija iti Simoni eitangwa Petro ewaha. ¹⁹ Petro eho edunganya kila evonie kimpeho , mpeho akamti , "Hena vantu vatatu vekuenda. ²⁰ Heicho vuka, usee utonjanye nako usitatanye , ambu nimi nevatumie." ²¹ Petro akasea he vala vantu ,akati leo mwemweneke nimi chemuetie ni kini? ²² Vakati ,"Akida Korinelio, mntu mwenye singisirirya emfoleka Mrungu ,ena nguma yedi he mburi yose ya kiyuda, eazerwe ni malaika ezerire kutuma vantu hewe utonge kaa hakwe nesa esikije cha weneteta." ²³ Akavaghuhia vaoke vagheri vakwe hala yavo Petro akavuka akatonga hamwe va kula yope vakatonjana naye. ²⁴ Msi wa keri vakafika kaisaria. Korindio naye ekivainde eitange vandughu vakwe na vambie vakwe. ²⁵ Petro ekiingia korinelio akatuma kumzana ; akagwa si he maghu akwe ,akamdunkutia. ²⁶ Mira Petro akamvusha akamti"Imuka ; ambu nami nire mntu." ²⁷ Hala ekiteta naye , akaingia akavona vantu vajinki vevungane. ²⁸ Akavati, Unywi mwemanyije iti tekikundijwa mntu ye nemwitanga mvivi kana ejirare. ²⁹ Nicho chashigha nikinaitangwe nesisuie kuza iki ana nimuvwija .Ni mburi ani mweniitangie." ³⁰ Korinelio akati, "Misi mine yevechije he saa ii eyo saa kenda nekiomba he nyumba yangu; hakaimuka mntu mozya hemiedokie suke nyewa chwe, ³¹ Akati"Korinelio maombi ako asikiwa na matasi ako akumbukwa ha Mrungu. ³² Iki tuma vantu yope , umwitange Simoni eitangwa Petro eikaa he nyumba yakwe Simoni mrefuka mikota , yeho hafuhi na mpwani; naye ekiza eneteta nawe. ³³ Hala indi nikatuma vantu hako, nawe ukaketa chedi , ukaza Na ila uswi vose tuwaha mozya he Mrungu , kusikija vyose Mfumwa ekuazere. ³⁴ Petro akavusha momo akati "Kididi namanya iti Mrungu tena sombo. ³⁵ Mira he kila mburi mntu ula emfoleka na kuronga vyu kitea ekundwa niye. ³⁶ Kila kiteto evainkie vana Israel, ekibirikira mburi yedi ya mporere yefuma he Yesu Kristo iti ye ni Mfumwa wavose ³⁷ Mburi ila unywimweimanyije , egishije Yudea hose kuvokia Galilaya , nyuma ya m'batizo ula webirikirwe ni Yohane. ³⁸ Mburi yakwe Yesu wa Nazareti , sa vuntu Mrungu emghimbike ekimgera mpeho ekironga ndima yedi na kubanja vose verishijwe vwasi ni shetani ambu Mrungu ekina naye. ³⁹ Na uswi tu vuonwa va mburi jose eketia he usanga la Yudea na uko Yerusalemu , eye kumkomie kwa kumvamba he mti. ⁴⁰ Mira msi wa katatu Mrungu akamvusha he vefwie akamnka kukuvonyesha boo, ⁴¹ Si he vantu vose,esire he vala vaonwavesaghurwe ni Murungu too aho, evo va uswi twelie na kunwa hamwe naye, hala ekinavushwa he vetwie. ⁴² Akatuazera kuti tuvabirikire vantu na kuteta vuonwa , iti uu niye egimbikwe ni Mrungu aoke mlahi wa vala vareho na vala vefwie. ⁴³ Uo niye varoti vose vemtetia vuonwa kuti, He izina kikwe kila mntu emwitikije ye enevona kushighwa mabanu." ⁴⁴ Petro acheri teta viteto , mpeho wedi akavasera vose vesikie kila kiteto. ⁴⁵ Niho vala veitikije vefuma he vetavanwe , evo vala vezie ne Petro , vakamaka kila hata vakiisanga navo vakaufutiwa kiinkwa cha mpeho wedi ⁴⁶ Ambu vevasikie vekiteta vitetire vingi na kumkaza Mrungu .Niho Petro akagharusha, ⁴⁷ Ni ani eidima kuvasuja mpombe ava vasibatizwe ,vantu vankiwa mpeho wedi sa uswi? ⁴⁸ Akaazera vabatizwe he izina vakwe Yesu Kristo .Niho vakamsemba azekeikaa havo misi misiku.