¹ Ingeri ntume na vandughu veho uko Yudea vakasikia iti vakiisanga navo vaghuhia kiteto cha Mrungu. ² Petro ekinakwe uko Yerusalemu , vala cha kitavani vakakanana naye, ³ "Vekiti waingia he vantu vesitavamwe ukala navo!" ⁴ Petro akavoka kuvawirira kwa mraterano;akati, ⁵ Nekiho he muzi wa Yope , nekiomba ngoro angu. Ikasempuka, nikavona kimpeho, kintu cheikee sa suke mbaha chekisejwa kufuma uko wanga, chegurirwe vikono vine, kikanifikia. ⁶ Nikakiretehisha, nekidunganya , nikavona nyama ja he masanga ja maghu mane na ja sakeni, na jila jebulutika, na madeghe a wanga. ⁷ Nikasikia izii lekiniti "petro vuka ukome ule!" ⁸ Nikati , "Hai, mfumwa, ambu kintu kivivi kana chesiliwa tekinaingia narini he momo wangu" ⁹ Lila izii likanigharusha ka keri kufuma uko wanga, vila Mrungu evizerije we usivitange vivivi, ¹⁰ Icho kintu kikaketika huvwa kantu katatu, nyuma vyose vikakwejwa wa noko wanga. ¹¹ Hala indi vantu vatatu vetumiwe kufuma kaisaria vakaimuka nze he ila nyumba hantu tweho. ¹² Mpeho akaniti nitonjanye navo, neri nisitatanye. Ava vandughu mtandatu vakatonjanya nami, tukaingia he ntyumba ya ula mtu. ¹³ Akatugainya sa vuntu evonie malaika eimuke nymba hakwe kumti, "Tuma vandu vatonge Yope, kuramwitanga Simoni eitangwa Petro. ¹⁴ Niye enkuvwirira mburi jene kukija ,we na kaa yako yose." ¹⁵ Ingeri nekiravoka kuteta, Mpeho wedi akavaseia sa vantu etuseie uswi aho kuvoka. ¹⁶ Nika kumbuka kila kiteto cha Mfumwa sa vantu etie ," Yohane ekibatiza kweli na mpombe ; mira unywi munebatizwa na mpeho wedi." ¹⁷ Heicho kakicha Mrungu evainkie vo kiinkwa kila kila etuinkie uswi twemwitikije Mfumwa Yesu Kristo , ni ani eneidima kumkinda Mrungu ? ¹⁸ Vekinasikie viteto ivyo vakahuja vakamkaza "Mrungu avakundia vakiisanga navo kuchwa mti kweete nkalamo." ¹⁹ Ingeri vala vezarikezarike vantu vwa kurierishwa kwevoneke he mburi yakwe Stefano, vakazoka noko foinike na kipro na Antiokia, vesibirikie icho kiteto chakwe Yesu he vantu esire Vayuda du. ²⁰ Mira va kumwe hevo neki vantu va kipro na kirere, navo vekibirikira mburi yedi ya Mfumwa Yesu. ²¹ Mikono wa Mfumwa ukavaghenja , vantu vajinki vakaitikija vakamgharukia Mfumwa. ²² Ijo mburi javo vantu jikafika he masikio a vantu va kanisa veho uko Yerusalemu: Vakamtuma Barnaba iti atonge noko Antiokia. ²³ Naye ekinafike na kuvona mbonea ya Mrungu akaizihirwa, akavarunga vose iti vagurane na Mrungu kwa ngoro yose. ²⁴ Ambu neki mntu wedi eizue Mpeho Wedi namwaitikijo vantu vajinki vakaongejika mondo wa Mfumwa. ²⁵ Heicho akavuka akatonga Tarso kuramwenda Sauli. ²⁶ Niho ekinamvone akamwete Antiokia .Vakaikaa aho hantu ha mwaka mzima vekiungana hamwe na kanisa na kucheja vandu vajinki uko Antiokia niho hantu .Varateri vevokie kuitangwa vakristo. ²⁷ He misi ila ila hakasea varoti vefuma Yerusalemu vakaza Antiokia. ²⁸ Hakaimuka mmwe wavo eitangwa Agabo akavonyesha kwa mina ya Mpeho Wedi iti heneza nzota mbaha, hafuhi si jose , nayo itavoneka he misi yakwe Klaudio. ²⁹ Na vala varateri vakaenda kuikinja lughenjo he vandughu vavo, vala veikaa uko Yudeo kila mntu na chakwe. ³⁰ Vakaketa havo, vakaluinkija he vaghosi kwa mikono yavo Barnaba ne Sauli.