¹ Igheri lila Mfumwa Herode akarongaja mikono kuvaketia vantu va kanisa kumwe vivivi. ² Aka mkoma Yakobo mjinawe Yohane kwa mhandwi. ³ Ekivona iti chavaizihira Vayuda, akazika keta huvo akamgura ne Petro, ila misi neki ya mikate yesina chachu. ⁴ Ekikenja kumgura akamgera he kuchungo, akamwinkija he mahindo mane a vasikari vane vane vamrinde, ekienda iti Pasaka yekivecha amvike mozya he vantu ⁵ Petro akarindwa he nyumba ya kichungo, kanisa nalo likamwomba Mrungu kwa minya jose vuntu vakwe. ⁶ Igheri Herode ekere kumfunya, kio kila kila , Petro ekishinjie ghati he vasikari veri echungiwe na minyororo miri, na valughojo veimuke mpengeni kurinda nyumba ya kichungo. ⁷ Hala indi, malaika wa Mfumwa akaimuka hafuhi naye, kianga kikaangaya he kila chumba, akam'bigha Petro he kivaju akamvusha ekiti, "Vuka fia ." minyororo ikadavuka he mikono yakwe. ⁸ Malaika akamti, "Kudoke ,doka viratu vyako."Akaketa huvo ekikenja akamti,"Doka suke yako uniratere." ⁹ Akafuma na nze. akamratera neri temanyije iti icho cheketiwe ni malaika ni cha idi, mira ekiketie iti etevona kimpeho. ¹⁰ Vekinavechi he lughojo lwa kuvoka na liwa keri vakatika mvera wa kighera wa kuingiia he muzi ukavajuvakia mjenye, vakafuma na nze , vakavaha he nzia mwe hala indi malaika akamshigha. ¹¹ Ingeri Petro ekiburukuna akati, "Iki namanya chaidi , iti Mfumwa emtumie Malaika wakwe akanifunya he mkono wakwe Herode na he kila chose mbari ya Vayuda vekikiindie." ¹² Aho echeri dunganya huvo akafika he nyumba yakwe Maria mlala wavo Yohane, ula eitangwa Marko ; na vantu vajinki vekivungane aho ekiomba. ¹³ Naye ekikokonta he kapenge ka mvera , mgitu eitangwa Roda akaza kusikija. ¹⁴ Ekinamanye izii lakwe Petro , vuntu vwa kuizihirwa esijuvie mvera mira akabindika , akaingia nyumba , akavuvwira iti Petro eimuke he mvera. ¹⁵ Vakamti lighuruka, mira ye akazikisha ekiti. Ni huvo. Vakati: Ni malaika wakwe," ¹⁶ Petro akazika kokonta vekinamjuvaie vakamvona , vakamaka, ¹⁷ "Naye akavahaya na mkono iti yahuje akavagaia vuntu Mfumwa emfunyije he kichungo , akati Tongani muremwukulika Yakobo na vala vandughu iji mburi. Akavuka akatonga na hantu hangi. ¹⁸ Ingeri hekishangalala, vesikari vakahoroborera haiwa kuti chakwe Petro chaoka ze. ¹⁹ Herode ekimwenda temvonie ,akavavwija valughojo, akaazera vakomwe .Ekikenja akasea kaisaria kufuma Yudea akaikaa uko. ²⁰ Naye ekivavihiwa haiwa vantu va Tiro na Sidoni. Vakamzia kwa ngoro. mwe, vekikenja kugura vumbie ne Blasto eye ekisungajia chumba cha Mfumwa cha kuchinjira , vakaenda mporere ambu isanga vwo lekighuhia vijo he Isanga lakwe. ²¹ Msi mwe weaghanwe ,Herode akadoka suke ja kufumwa, akaikaa he kichumbi cha kifumwa akateta mozya he vantu. ²² Vantu vakalonza yekiti, "Ilo ni izii la Mrungu, si izii la mntu!" ²³ Hala indi malaika we Mfumwa akam'bhigha kila esimshimie Mrungu: akaliwa ni vinyongo akafwa ²⁴ Kiteto cha Mfumwa kikazika kugisha hantu hose. ²⁵ Barnaba ne Sauli vekinakoloshe kila vetumiwe vakavuka uko Yerusalemu, vakahundulea vena ne Yohane eitangwa Marko.