¹ Na he kanisa leho uko Antiokia hekina varoti na vacheji , navo ni Barnaba ne Simioni (eitangwa Nigeri). Lukio wa kirane ne manaeni ula mjinawe Mfumwa Herode veamvie ivee imwe ne Saruli. ² Ingeri hala vekimhirira Mfumwa na kukuima Mpeho Wedi akati, "Nivikreni Barnaba ne Sauli he ila ndima nevaitangie." ³ Vekinakuime na kuomba ,vakavavikia mikono vakavachungua iti vatonge. ⁴ Navo vekitonjwa ni Mpeho Wedi wakasea noko Seleukia ; kufuma ako vakazoka he bahari mhaka kipro. ⁵ Hala veho uko salimisi vakabirikira kiteto cha Mrungu he Sinagogi ja vayuda .Navo vekina ne Yohane ekivarongia ndima. ⁶ Vekinaveche ghati he kirua chose mhaka Pafo, vakavona mntu mmwe ,mghanga wa Kiyuda, emroti wa mongo , eitangwa sseir- Yesu, ⁷ Uo ekina na mlao eitangwa Sergio Paulo , emntu echee ; echee uo mlao akava itonga Barnaba re Sauli iti vaze hakwe , akaenda kusikia kiteto cha Mrungu. ⁸ Mira ula mghanga Elima"nicho" kugharusha ula mlao iti ashighe ula mwitikijo. ⁹ Sauli eye eitangwa Paulo ,ekiizua Mpeho Wedi, akamtunkulila akati ¹⁰ We weizue viavya na vuvivi vwose , we mwana wa shetani munzo wa kitea ahose , tushigha kukombosha nzia ja Mfumwa jeongeke? ¹¹ Heicho rereha mkono wa Mfumwa ukugura nawe uneoka tuntu usivone izuva kamtungo .Hala indi jumbi likamgwia na kija akatumputa , ekienda mntu emguru mkono na kumrongorira. ¹² Niho ula mlao ekivona ivyo vyaketika, akailikija akamaka michejire ya Mfumwa. ¹³ Niho Paulo na vaghenji vakwe vakavuka vakazoka na ngilawa, kufuma pafo vakatika perge , he Pamfulia Yohane akavashigha akanunduka noko Yerusalemu. ¹⁴ Mira vo vakavuka uko Perge , vakavecha ghati he isanga , vakafika .muzi wa Pisidia msi wa sabato vakaingia he sinagogi ,vakaikaa si. ¹⁵ Ighei , myomongwa ikinasomwe na kitabu cha varoti vubaha la sinagogi vakatuma hevo , vakavati vandughu kakicha muna mburi yevaghenja ava vantu , iteteni" ¹⁶ Paulo akaimuka akavahaja na mkono , akati unywi vome va Israeli na unywi mwemfoleka Mrungu sikijani. ¹⁷ Mrungu wa ava vuntu vaisraeli evasaghure vazima vetu, avo akava ghosha vabaha aho vecheriikaa sa vagheni hi Isanga i a Misri , na he mkono Wevushijwe akavafunya akavarongorira. ¹⁸ Akavagumirijija uko nyika miaka makumi mane. ¹⁹ Ekikunja kukonda jila mbari mfungate he Isanga la kanani, akavainka ilo Isanga lavo lioke vupuli vwavo nyuma ya ivyo akavunka varetana miaka sa maghana mane na makumi masano. ²⁰ Mhaka he igheri he mroti Samweli. ²¹ Uko nyuma vakatanja kuinkwa Mfumwa , Mrungu akavainka Sauli mwana kisi mntu wa mbari yakwe BBenjamini igheri la miaka makumi mane. ²² Ekira mvusha uo akamkweja Davidi aoke Mfumwa wavo, eye emtetii vuonwa , ekiti,'Nemvonie Davidi mwana Yese mntu eizihija ngoro yangu , eye eronga mikundire yanga yose.' ²³ He mbereko ya uo mntu Mrungu akavaetie Vaisraeli mkija , eye Yesu , sa vuntu evikie kiravo. ²⁴ Aho esinaza , Yohane akaronga birikira m'batizo wa kuchwa mti he vantu vose va Israeli. ²⁵ Ne Yohane aho ekikenja ndima yakwe etetie , 'mudumganya iti mi ni ani? Mi siye , mira rerhani hena mmwe eneza nyuma hemi mmwe eneza nyuma hemi eye mi chesinitara kuhekija kiratu he maghu akwe.' ²⁶ Vandughu , vana va lukolo lwakwe Abrahamu, na avo vangi ghati he unywi vemfoleke Mrungu , iyo mburi ya ulu lukio yetuetiwe uswi. ²⁷ Ambu vala vetue Yerusalemu, na vabaha vavo , kwa kuti vesekimmanyije neri kutwarija viteto vya varoti vyesomwa kila Sabato vakavikolosha kwa kumlaha. ²⁸ Nziaho tevevonie kusho cha kumkomia , vakamsemba Pilato akumkomire. ²⁹ Vekinakoloshe vyose vyemvwa ndikiwe vakamseja he ula mti, vakamvika he mbira. ³⁰ Mira Mrungu akamvusha he vefwie. ³¹ Akavonwa misi mingi ni vala vekweie naye kufuma Galilaya mhaka Yerusalemu evoeki vaonwa vakwe he vantu. ³² Na uswi tumubirikira mburi yedi ya kila kiravovaku vitu vekinkiwe. ³³ Mrungu akitukoloshija uswi twe vana vavo kwa kumvusha Yesu he vefwie sa vuntu cheandikwe he izumo la keri: We niwe Mwanangu , yoo mi nakumogha. ³⁴ Kangi wa kila emvushije he Vefwie , nese asihundukie kuvoatetie huvu:' Ninemuinka unywi vila vyezerire vyakwe Davidi vya Davidi' ³⁵ Heicho hantu hangi wa he izumo eti: Tukashighe ezerire wako kufikiwa ni kivoji.' ³⁶ Ambu Davidi ekinakenje kubirira mburi a Mrungu he lukolo lwakwe akashinjia , akavikwa hamwe na kuzima vakwe akafikiwa ni kuvoji, ³⁷ Mira ye evushijwe ni Mrungu he vefwie , tetikiwe ni kuvoji ³⁸ Heicho nakimanyika henu vandughu vangu , iti he uo mubirikirwa kushighiwa mabanu. ³⁹ Na huye ula emwitikija etaririwa kitea he vintu vila vyose chesekive atariiwe kitea kwa myomongwa yakwe mose. ⁴⁰ Kucheieni ra ila mburi yetetiwe he varoti isiremuzia: ⁴¹ 'Rerehani unywi varebera makani na kuteka , Ambu nironga ndima he ii misi yenyu ,ndima mwesekiikikija; Neri hata mntuakatemugaia mno. ⁴² Aho vekifunza vakavasemba vavavwire wa ivyo viteto sabato eneza. ⁴³ Mvungano wa Sinagogi weki na sakane , vayuda navala vegharukie kiyuda vegurisha vajinki vakavaratera Paulo ne Barnaba , evo vekiteta navo vakavagera nzinya kuikaa he mbonea ya Mrungu. ⁴⁴ Ila sabato ingi , vantu vajinki hafuhi muzi wose vakungana kusikija kiteto cha Mrungu. ⁴⁵ Mira Vayuda vekivona mavungano vakaizwa kira ; vakasua vila viteto vyetetiwe ni Paulo , vakaketa nkari na kurara vila viteto vyetetiwe ni Paulo, vakaketa nkani na kurara. ⁴⁶ Mira Paulo ne Barnaba vakateta kiume , vakati chekitara kiteto cha Mrungu kirongetetwa henyu , mira kila mwekipasa na kukuvona venye iti tekimufurenye nkalamo yakae na kae rerehani twagharukia vekisanga. ⁴⁷ Ambu nivwo vuntu tweazerwe ni Mfumwa , ekiti, 'Nakuvika uoke kianga cha vakiisanga , uoke lukio mhaka mginto wa masanga." ⁴⁸ Vakiisanga vekisikia huvo vakaizihirwa vakakaza kiteto cha Mrungu na vala vetarirwe ni nkalamo ya kae na kae vakaitikija. ⁴⁹ Kiteto cha Mrungu kikagisha he lila Isanga vose. ⁵⁰ Mira vayuda vakasembeka vache vala vegurisha veshimiwa , na vabaha va muzi vakavasoseja vavarierieshe Paulo ne Barnaba vakava kina he Isanga lavo. ⁵¹ Navo vakavakukuntia teri ya maghu avo vakatonga noko Ikonia. ⁵² Varateri vakazujwa kuizihirwa na Mpeho Wedi.