¹ Ingeei uko Ikonio vakaingia hamwe he sinagogi ya Vayahudi vakabirikira wa ihindo vabaha la Vayuda na vagriki vakaitikija. ² Mira Vayuda vesiitikije vakasembeka vakiisanga na kuvalinganya na vandughu. ³ Niho vakaikaa uko igheri ieza ,vekiteta kwa ndekero vuntu vwa Mfumwa , eye etetie iyo mburi yakwe ya mbonea vuonwa, ekivainka maluvengo na virumo vikwetwe ni mikono yavo. ⁴ Mira vantu va muzi vakaghavikana , vakumwe vakaimuka mondo wa vayuda na va kumwe mondo wa ntume. ⁵ Hekinakete mvinzoko wa vakiisanga na vayuda, hamwe na vabaha vavo vakavarisha vwasi na kuvabigha mabwe, ⁶ Navo vakamanya iyo mburi , vakaaha noko ,Listra na Derbe, mizi ya Likaonia, na masanga eho mondo na mondoi, ⁷ vakaika uko vekibirikira mburi yedi. ⁸ Uko Litra hekina mntu mmwe msoka wa maghu , eholoje too kufuma he ndeni ya mlala wavo, esinatonga , neri. ⁹ Uo mntu akamsikija Paulo naye akamrerehisha , akamvona iti ena mwitikijo wa kubanjwa. ¹⁰ akateta na izii Ibaha , ekiti,"Imuka na maghu ako urongeke! Akaimuka hala indi akavata. ¹¹ Ala mavungano vekivona vila vyaketwa ni Paulo , vakalonzisha vekiteta he kilikaonizi ,"mirungu yatuseia he fwanyanyi ya kisantu." ¹² Vakamwitanga Barnaba "Zeu," ne Paulo "Herme" kila eye mzateta. ¹³ Mtasi wa Zeu, eye nyumba yakwe ya mtaso yeho mozya he ula mizi ,akaete nzao na ngata ya virangare mhaka. ¹⁴ Mira ntume Barnaba na Paulo ,vekisikia iyo mburi, vakabaja suke javo, vakadindika vakaingia he ola mavungano , vakalonzisha ¹⁵ Vekiti, "Vomeni hanini mweketa huvu? Na uswi turevantu sa unywi tumubirika mburi yedi , iti mugharuke na kushigha ivyo vintu vyesina nzizi, mumgharukie Mrungu eho moo, eyerumbie wanga na masanga na bahari navintu vyose vyehoho. ¹⁶ Eye he ilo igheri levechija evashighie vaisanga vose vatonge he mia nzia javo venye. ¹⁷ Mira teshighie kukutetia vuonwa ambu erongie vyedi, ekimuinka mvua kufuma uko wanga , na magheri a lutindiki, ekiigusha ngoro jenyu kijo na kuizihirwa" ¹⁸ Kwa vwasi he ivyo viteto vakavakinda vantu vasivatase vwa he ivyo viteto vakavakinda vantu vasivatase. ¹⁹ Mira hakaza vayuda vefuma , Antiokia na Ikonio vakagera vantu shongo, vakam'bigha Paulo mabwe vakam'bulula noko chanze he muzi vekiti akenja kufwa. ²⁰ Mira varateri velamjunguluka myondo yose akaimuka akaingia wa he muzi hala yavo hakwe akafuma , akatonga noko Derbe hamwe ne Barnaba. ²¹ Niho vekinabirikire mburi yedi he ula muzi, na kuvona varateri vajinki, vakahunduka noko Listra na Ikoniamu na Antiokia. ²² Vekidindija ngoro ja varateri na kuvachunda yaikae he ula mwitikijo na kuti,'' kitutara kuingia he vufumwa vwa Mrungu kwa nzia ya mavwasi majinki" ²³ Vekinakenje kuvovikia vaghosi he kila kanisa , na kuomba hamwe na kukuima hamwe navo, vakavarika he Mfumwa, eye vamwitikija. ²⁴ Vakavecha ghati ya Pisidia, vakafika Pamfilia. ²⁵ Vekibirikire kiteto gwa uko Perge vakasea mhaka Atalia. ²⁶ Kufuma aho vakaingia he ngilawa, vakatonga noko Antiokia uko niho hantu vekiombiiwe mbonea ya Mrungu he iyo ndima vekenjije kuikolosha. ²⁷ Vekifika vakavunganya kanisa ,vakavaukulila mburi yose Mrungu ejiketie hamwe navo, na iti vakiisanga vajuvuiiwa luvwi lwa mwitikijo. ²⁸ Vakaikaa uko hamwe na varateri ikenda esi idori.