¹ Hakasea vantu vefumeYudea, vakavacheja vandughu kuti mwekisatavanwa sa msimo wakwe mose temukatie. ² Niho Paulo ne Barnaba vekinakenja kukanana navo na kugharushanya kujinki, vandughu vakaazera iti Paulo ne Barbaba na vangi va kumwe hevo, vakwe noko Yerusalemu he ntume na vaghosi vuntu vwa iyo mburi. ³ Ingeri, vekitumwa ni kanisa, vakuvecha ghati isanga la foinike na Samaria, vekukula vuntu vakiisanga veghanike, vakavazihija mna vandughu vose. ⁴ Vekifika Yerusalemu vakaghuhiwa ni Kanisa na ntume na vaghosi navo vakavakomia mburi jose Mrungu erongie hamwe navo. ⁵ Mira kumwe he matagwa vafarisayo vala veitikije vakaimuka vekiti, kitata kutavanwa na kuvoazera iti kigurisha myomo yakwe mose." ⁶ Ntume na vaghosi vakavungana nesa vaidima kudunganya iyo mburi. ⁷ Nkani ekinaoke nyingi Petro akaimuka, akavati, Vandughu, unywi mwemanyije iti he misi yevechije, Mrungu ekighure hunywi iti vakiisanga vasikie mburi yedi he momo wangu vaitikije. ⁸ Na Mrungu eye emunyije ngoro ja vantu, akavatetia vuonwa ekivainka hata vo mpeho wedi, se vuntu etuinkie uswi. ⁹ Neri teheketie mkanano he uswi, ambu ezerije ngoro javo kwa mwitikijo. ¹⁰ Ikio, hanini mwemghesha Mrungu ne kugera igogolo he singo ja varateri, elo vazima vetu neri uswi twesiidime kulitika? ¹¹ Mira tuitikija iti uswi savo tunekia kwa mbonea ya Mfumwa Yesu." ¹² Niho mvungano wose akahuja nakamsikija Barnaba ne Paulo vekivaukulila mburi jamuluvengo na virumoviki erongie navo he vakiisanga. ¹³ Na avo vekichwa Yakobo akagharusha, ekiti vandughu nisi kijani. ¹⁴ Simoni etukomie mburi vuntu Mrungu aho kuvoka evarerehe vakiisanga, nesa asaghure vantu hevo vantu vwa izi lakwe. ¹⁵ Na viteto vya varoti vyeteghane nayo sa vuntu cheandikiwe. ¹⁶ Ivi veyekivecha ninehunduka, name ninejenga wa nyumba yakwe David yegwie. Nanejenga kangi hala hegomoke, name nineiimukija. ¹⁷ Nesa vantu vala veshelevamwende Mfumwa na vaisanga vose evo izina langu lelangiwe hevo. ¹⁸ Nivwo kuntu Mfumwa ila eketa ivyo eti iyo mburi yemenyike too kae. ¹⁹ Heicho, mi nichwa huvu, vala vakiisanga vemgharukia Mrungu tusivarishe vwasi. ²⁰ Mira tuavaandikie iti vatane na makwe na, kutasa mira nsu, na kushisha, na kula nyama jetesikwe, na sakame. ²¹ Kila too he mburi jakwe jekisomwa he kila muzi vo vembinkara ambu jakwe jekisomwa he sinagogi kila sabato. ²² Niho kikavaizihira ntume na vaghosi na kanisa jose kusaghura ghati hevo, na kuvatuma Antiokia hamwe na Paulo ne Barnaba navo ni avo, Yuda ula eitangwa Barsaba, ne sila eki vantu vabaha he vandughu. ²³ Vakavaandikia barua huvu, “Ntume vandughu na vaghosi he vandughu vefume he vakisanga mweho uko Antiokia na sinja na kilikia tumukezya. ²⁴ Kila twesikie iti vuntu vefumie hetu vemurishije vwasi na viteto vyavo, vekikombosha ngoro jenyu uswi twesivaazere neri. ²⁵ Uswi twavone iti ni chedi kila tweghane kwa ngoro mwe, kusaghura vantu na kuvatuma henyu hamwe na vakunde vetu Barnaba ne Paulo. ²⁶ E vantu veikije moo wako vuntu vwa izina a la Mfumwa wetu Yesu Kristo. ²⁷ Heicho twavatuma Yuda ne Sila, nevo venemwukulila ijo mburi jose vo venye kwa miomo yavo. ²⁸ Ambu chemwizihire Mpeho wedi na uswi iti tusimutwishe mjigha, esirevyo vyetara. ²⁹ Iti mutume ne vintu vyetasiwe he mirungu na sakame na nyama jetesikwa, na kushisha mwekikuima ivyo muketa chedi. Ikaoni Mporere. ³⁰ Ingeri avo vekinachunguwe vakaka noko Antiokia vekinavunganye vantu vose vakakuinka ila barua. ³¹ Navo vekinaisome, vakaizihirwa he vuntu vwa uko kutujwe. ³² Kangi Yuda ne Sila kila vo venye e varoti vakaveichunda vandughu kwa viteto vijinkia, vakaradindija. ³³ Vekinaikae uko misi mingahi, vakichunguwa ni vandughu iti vahunduke na vampoa he vala vevatumie. ³⁴ Mira kakamwizihira Sila kuikaa uko ³⁵ Paulo ne Barnaba vakaikaa uko Antiokia vekicheja na kubintura kiteto cha Mfumwa hamwe na vantu vangi vajinki. ³⁶ Misi mingahi yekivecha Paulo akamti Barnaba, Heriko tuhunduke turereha vandughu he kila mwizi hantu twebirikire kiteto cha Mfumwa, iti veikee ze. ³⁷ Barnaba akaenda kutonjanya ne Yohane eitangwa Marko. ³⁸ Mira Paulo tezihirwe kumtika uo evashighie kula mfulia esitonjanye navo he ivyo ndima. ³⁹ Heikaketa nkani hevo, vakatana; Barnaba akatonjanye ne Marko vakazoka na ngilawa noko kipro. ⁴⁰ Mira Paulo akamsaghura Sila akavuka ekiombiwa mbonea ya Mfumwa ni Vandughu. ⁴¹ Akavecha noko sirya na kitikia ekindija makanisa.