¹ Paulo kangi ekinaze Derbe Lystra; na rereha hala hekina mrateri eitangwa Timoteo, ni m’bwange emoghiwe ni mlala wa Kiyahudi eye emuuhini na vava wakwe ne mgiriki. ² Vantu va Lystra na Ikonia ena nguma yedi. ³ Paulo akamuenda iti azoke naye, heicho akamghusha na kumtavana iti vayahudi veho uko vose vemanyije iti vavee ni Mgiriki. ⁴ Eho vekitonga vevechije he mzi na kung’ola ala maamoro he makanisa iti vaagure maamoro ao eandikwe ni ntume na vaghosi uko Yerusalemu. ⁵ Huvo Makanisa akadindijwa he ula mwitikije wa veitikije vakaongejika he itaro kila msi. ⁶ Paulo na mgheji wakwe vakatonga Fingia na Galatia, mira Mpeho wa Mrungu akavasiya kubirikira kiteto uko he isanga la Asia. ⁷ Vekinafike hafuhi na Misia, vakaghesha kutonga Birthinia mira Mpeho wakwe Yesu akavasuja. ⁸ Heicho vakavecha misia vakaza mhaka mzi wa Troa. ⁹ Akavonyeshwa Paulo kio, hekina mntu wa Makedonia eimuke, ekimwitanga na kuti, “Mnzone mtughenje kunu Makendonia” ¹⁰ Paulo ekinavone vuonwa hala indi tukakuendeghanye kutonga Makedonia, ekimanya iti Murungu atuitange kutonga kuvabrikira mburi yedi. ¹¹ Huvo tukavuka kufuma Troa, tukatonga moja kwa moja Somothrake, na msi weratere tukafika mzi wa Neapoli. ¹² Kufuma aho tukatonga Filipi ambu ni mmwe ya mzi wa Makedonia, mzi m’baha he Wilaya na utawala Kiroma natukaa misi mifuli. ¹³ Msi wa Sabato, tukatonga nze ya mrera kwa nzia ya kianda, hantu eho twehe heneketa hantu ha kuombiia. Tukaikaa si na kugaya na vache vezie hamwe. ¹⁴ Mche mmwe eitangwa Linda, mususriji wa zambarau kufume he mzi voa Tichira mwenye kumuabudu Murungu ekisikije Mfumwa akajuvua Ngoro yakwe na kuvika maanani vila viteto vye vyetetiwe ni Paulo. ¹⁵ Ekinabatizwe, ye na kaa yakwe yose, akatusemba ekiti, “Kakicha mwavona iti mi ni mwaminifu he Mfumwa icho nimusemba ingiani na kuikaa hangu”. ¹⁶ Kikaoka iti, twakiho twetonga handu ha kuombia m’bora mmwe ena mpepo ya kurota akazomana na uswi. Emwetie Mfumwa wakwe faida nyingi kwa kuroto. ¹⁷ Mche uu akamratera Paulo hamwe na uswi ekilonza na ekiti, “Ava vome ni vandima va Mrungu eye m’baha vevatangaza unywi mburi ya Lukio”. ¹⁸ Eketie huvo kwa misi mingi, mira Paulo akaoka echukijwe ni na kindu icho, akagharuka nyuma akamvwira ila mpepo, “Nikuamora kwa izina lakwe Yesu ufume heye” Naye akafuma hala indi. ¹⁹ Vafumwa vakwe vekinavone iti ikuji la faida yavo lavuka, vakavagura Paulo ne Sila na kuvabulula kiete mozya ya vabaha. ²⁰ Vekinafike he valahi, vakati, “Ava vome ni vayahudi vasababisha mkede m’baha he mzi wetu”. ²¹ Vecheja vintu evwo vwesiendiwa uswi kuvipokea kangi kuaratera sa varumi." ²² Mavungano vakavuka kinyume Paulo ne Sila valahi vaka baja suke javo na vakang’ola na kuamora vabighwe nzota. ²³ Vekina vachape nzte nyingi, akavagere he igereza na kuamora mushikari kuvarinda nenzo. ²⁴ Ekinaingwe iamoro ilo, musikari wa igereza akavatagha he chumba cha ndeni ya igereza na kuvachunga maghu avo he hantu vevavikiie. ²⁵ Mira uko kio ghati, Paulo ne Sila vakaoka vekiomba na kumwiimbia nyimbo ja kumkaza Murungu vafungwa vangi ve vivusikija. ²⁶ Hala indi akafumia itetemeko ibaha ne msingi ya Igereza ikakushwa, milango ya igereza ikajughuka na minyororo ya vafungwa vose ikaleghela. ²⁷ Mrinji wa igereza ekivuka kufuma he lughohe akavona malughwi ose a igereza ajuvuwa, huvyo akaghuha mhandwi wakwe akaenda kukukoma kwa kila etie vafungwa vose vaaha. ²⁸ Mira Paulo akateta kwa wanga kwa nzinya ekiti, “Usikuketie kivivi kwa kila vose tuho hantu aha." ²⁹ Mrinji wa igereza akaomba taa ijetwe na akaingia noko ndeni he igereza fia, ekikushika kwa fole, akavagwia Paulo ne Sila. ³⁰ Na kuvafunya nze ya igereza na kuti, “Vafumwa, niketeze nesa nikie?” ³¹ Navo vakamti, “Mwiitikije Mfumwa Yesu niho wenekia we hamwe na kaa yako”. ³² Vakamvira kiteto cha Mfumwa hakwe, hamwe na vantu vose va kaa yakwe. ³³ Mrinji wa igereza akavaghuha kio kila akavaoja sehemu jila veumie, ye hamwe na vantu va kaa yakwe vakabatizwa hala indi. ³⁴ Akavaete Paulo ne Sila kaa hakwe na kuvaherehia kijo. Akaizihirwa mno hamwe na vantu va kaa yakwe kwa kila vemuitikija Mrungu. ³⁵ Hekina ake hemsi, valahi vakatuma ujumbe kwa ula mrinji wa igereza vekiti, “vavokejeni vala vantu vatonge”. ³⁶ Mrinji wa igereza akamvwira Paulo viteto ivyo iti, “Valahi vatuma ujumbe iti muvuke: Heicho fumani nze kutongirari mpoa.” ³⁷ Mira Paulo akavati, “Vetubighie hazarani, vantu evo e varoma neri kutulaha na vakavona vatutaghe he igereza kangi iki veenda kutung’ola kimbizo? Hai chesikave, vo venye vaze vatufunye hantu aha.” ³⁸ Varinji vakavwira valahi viteto ivyo, valahi kakafoleka mno hala vekinamanye iti Palo ne Sila ni varoma. ³⁹ Valahi vakaza na kuvasemba vafume, na vekinavafunyenze ya igereza, vakavasemba Paulo ne Sila vafume nze ya mzi wavo. ⁴⁰ Heicho Paulo ne Sila vakafuma nze ya Igereza vakaza kaa kwa Lidia. Paulo ne Sila vekinavone ndughu vakavatuja ngoro niho vakavuka he mzi uo.